Share on Social Media


நீங்கள் நாள் முழுவதும் உங்கள் காலுக்கு அதிக வேலை கொடுத்திருக்கலாம் அல்லது நீங்கள் கடினமான உடற்பயிற்சியையோ அல்லது நீண்ட தூரம் ஜாகிங் கூட செய்திருக்கலாம். அதிக நேரம் நின்று கொண்டே வேலை செய்யும் பலருக்கும் இந்த பிரச்சினை இருக்கிறது. அதனால் உங்களால் சரியாகத் தூங்க முடியாது. இரவில் மூட்டுவலி இருப்பவர்களுக்கு இந்த பிரச்சினை சகஜமானது.

​மூட்டு வலி

சிலருக்கு எப்போதும் இரவுகளில் வலி ஏற்படுகிறது. இந்த சமயங்களில் முழங்கால்களில் அதிகமாக வலி ஏற்படும். குறிப்பாக பகலில் உங்களுக்கு எந்த விதமான வலியும் ஏற்பட்டு இருக்காது. ஆனால் இரவு நேரங்களில் உறங்குவதற்காக படுத்தபின்பு இந்த மாதிரியான வலி உங்களுக்கு ஏற்படும். இதனால் தினசரி தூக்கத்தில் பாதிப்பு ஏற்படும். எனவே இந்த பிரச்சனையை சரி செய்ய என்ன செய்யலாம் என இப்போது பார்க்கலாம்.

​வலிக்கான காரணம்

samayam tamil Tamil News Spot

மூட்டு வலியானது பல்வேறு காரணங்களால் நமக்கு ஏற்படுகிறது, காயத்தில் துவங்கி, தசைகளில் ஏற்படும் அழற்சி, எரிச்சல் வரை பல பிரச்சனைகள் இதற்குக் காரணமாக உள்ளன. சில நேரங்களில் இவை கீல்வாதத்திற்கான முக்கிய அறிகுறிகளாக கூட இருக்கலாம்.

சாதாரணமாக, ஆரோக்கியமான முழங்கால்கள் உள்ளவர்களுக்கு இரவு நேரங்களில் வலி ஏற்படாது. எனவே கீல்வாதத்திற்கான அறிகுறியாகக் கூட இரவு நேரங்களில் மூட்டுகளில் வலி ஏற்படலாம். கீல்வாதமானது மூட்டுகளில் தேய்மானம், குருத்தெலும்பு மற்றும் தசை நாண்களில் ஏற்படும் பிரச்சனையால் ஏற்படுகிறது.

கீல்வாதம் பொதுவாக வயதானவர்களுக்கு அதிகமாக ஏற்படும் பிரச்சனையாக உள்ளது, ஆனால் சில சமயங்களில் அரிதாக இது இளைஞர்களையும் கூட பாதிக்கிறது. குறிப்பாக மூட்டுகளை அதிகமாகப் பயன்படுத்தும் இளைஞர்களுக்கு இந்த பிரச்சனை ஏற்படுவதற்கான வாய்ப்புள்ளது.

உடல் எடையை குறைக்கும் ஸ்டார் ஏபிஎஸ் வொர்க்அவுட்… எப்படி செய்ய வேண்டும்?

​இரவில் ஏன் வலி அதிகரிக்கிறது.

samayam tamil Tamil News Spot

சிலருக்கு பகலில் கூட மூட்டு வலி இருக்கலாம். ஆனால் சுறுசுறுப்பான வாழ்க்கைக்கு நடுவே அது தனியாகத் தெரிவதில்லை. ஆனால் இரவு நேரங்களில் உடலில் உள்ள அனைத்து பாகங்களும் ஓய்வெடுக்கும் வேளையில் மூட்டுகளில் ஏற்படும் வலியானது தனியாக தெரிகிறது. மேலும் இரவு நேரத்தில் உங்கள் கவனம் சிதறாமல் இருப்பதால் மூட்டுகளில் ஏற்படும் அசௌகரியத்தை உங்களால் உணர முடிகிறது.

உண்மையில் இரவு நேரங்களில் எந்த வித உடல் அசௌகரியம் ஏற்பட்டாலும் அது தூக்கத்தில் பாதிப்பை ஏற்படுத்தும்.

​மூட்டு வலியை சரி செய்ய என்ன செய்யலாம்

samayam tamil Tamil News Spot

இந்த முழங்கால் வலி பிரச்சனையை சரி செய்ய என்ன செய்யலாம் என நீங்கள் சிந்திக்கலாம். முழங்கால் வலியைக் குறைப்பதற்கு உடல் எடையைக் குறைப்பது ஒரு சரியான தொடக்கமாகும். உடல் பருமனை சரி செய்தல் என்பது ஒட்டு மொத்த உடல் ஆரோக்கியத்திற்கும் நன்மை பயக்கக்கூடிய விஷயமாகும்.

உங்கள் உடலில் சில கிலோ எடையைக் குறைப்பது மூட்டுகளில் உள்ள தசைநார்களில் நாள்தோறும் ஏற்படும் அழுத்தத்தைக் குறைக்க உதவுகிறது. இதற்கு வேறு சில வழிகளும் உள்ளன.

skin care tips: பெண்களின் சருமத்துக்கும் ஆண்களின் சருமத்துக்கும் என்ன வித்தியாசம்? ஆண்கள் சருமத்தை எப்படி பராமரிக்க வேண்டும்?

​உடற்பயிற்சி முறைகள்

samayam tamil Tamil News Spot

மூட்டு பிரச்சனைகள் உள்ளவர்கள் அதிக தாக்கத்தை ஏற்படுத்தும் உடற்பயிற்சிகளை முயற்சிக்க வேண்டாம். அதிகமாக ஓடுவது போன்ற கடுமையான உடற்பயிற்சிகளை செய்யும்போது அது அதிக மன அழுத்தத்தை ஏற்படுத்தும். எனவே நீச்சல், சைக்கிள் ஓட்டுதல் போன்ற குறைந்த தாக்கத்தை ஏற்படுத்தும் உடற்பயிற்சிகளை செய்யுங்கள். ஏனெனில் அவை முழங்கால் மூட்டுகளுக்கும் பயிற்சி அளிக்கின்றன.

​மருந்துகள்

samayam tamil Tamil News Spot

மூட்டுவலி ஏற்படும்போது சிலர் வலி நிவாரணியை பயன்படுத்துவது உண்டு. நாப்ராக்ஸன் அல்லது இப்யூபுரூஃபன் போன்ற மருந்துகள் அழற்சி எதிர்ப்பு பண்புகளைக் கொண்டுள்ளதால் வீக்கத்தைக் குறைக்க உதவுகின்றன. மேலும் இவை மூட்டு வலியைக் குறைக்க உதவுகின்றன.

டைலெனோல் போன்ற வலி நிவாரணிகள் மேம்போக்காக வேலை செய்கின்றன. அவை வலியை மறைக்கின்றன. அவற்றை முழுவதுமாக சரி செய்வதில்லை. எனவே மூட்டு வலி தொடர்பாக மருந்துகளை எடுத்துக்கொள்ளும் முன்பு மருத்துவரிடம் ஆலோசனை பெறுவது நல்லது.

தினமும் மாதுளை ஜூஸ் குடித்து வந்தால் எடையை குறைக்க முடியுமா?

​குளிர் மற்றும் ஹாட் ஒத்தடம்

samayam tamil Tamil News Spot

குளிர் சிகிச்சையானது மூட்டு வலியைக் குறைக்கும். அதேபோல வெப்ப சிகிச்சையும் வலி உள்ள மூட்டுக்களில் வலியை குறைக்க உதவும். ஆனால் காயம் உள்ள மூட்டுகளில் வெப்ப சிகிச்சையை செய்யக் கூடாது. இதனால் அந்த பகுதியில் இரத்த ஓட்டம் அதிகமாகி வீக்கத்தை பெரிதாக்கிவிடும் அபாயம் உள்ளது.

​நிம்மதியாகத் தூங்க

samayam tamil Tamil News Spot

இரவு நேரங்களில் மூட்டுகளில் வலி ஏற்படும்போது சிறிய தலையணையை மூட்டுக்கு வைத்துத் தூங்கவும் என மருத்துவர்கள் பரிந்துரைக்கின்றனர். தேய்ந்துபோன மூட்டுகளில் எலும்புகள் அழுத்தப்படுவதை இது தடுக்கும் என அவர்கள் கூறுகின்றனர்.



Source link

Share on Social Media

Leave a Reply

Your email address will not be published. Required fields are marked *