Share on Social Media


ஹைலைட்ஸ்:

  • இறந்த குழந்தைகள் உடல்கள் பள்ளி வளாகத்திலேயே புதைக்கப்பட்டன
  • காலனி ஆதிக்கத்தின்போது நடைபெற்ற இன அழிப்பின் ஒரு அங்கமாக கருதப்படுகிறது

கனடா நாட்டின் பிரிட்டிஷ் கொலம்பியா மாகாணத்தில் பள்ளி ஒன்று செயல்படுகிறது. கிறிஸ்தவ தேவாலயம் ஒன்று இந்த பள்ளிக்கூடத்தை 1890ஆம் ஆண்டு முதல் 1969ஆம் ஆண்டு வரை நடத்தி வந்தது. பின்னர் அந்தப் பள்ளிக்கூடத்தை அரசு நடத்தி வந்தது. 1978ஆம் ஆண்டில் அப்பள்ளிக்கூடம் மூடப்பட்டது.

இந்த நிலையில், கைவிடப்பட்ட அப்பள்ளியில் நடைபெற்ற பராமரிப்பு பணியின் போது, சுமார் 215 குழந்தைகளின் எலும்புக் கூடுகள் கண்டறியப்பட்டுள்ளன. அமெரிக்க கண்டங்களில் ஏற்கனவே வசித்து வந்த பூர்வ குடிகளை கொன்று விட்டுத்தான் ஐரோப்பியர்கள் அங்கு குடியேறினர்.

சிறிது காலம் கழித்து அதுபோன்ற இன அழிப்புகள் நின்றாலும், பூர்வகுடி மக்கள் பிற்காலத்தில் ஒன்றாக சேர்ந்து பிரச்சினை செய்துவிடக்கூடாது என்பதற்காக அவர்களுக்கு குழந்தைகள் பிறந்ததும் அக்குழந்தைகளை அவர்களிடம் இருந்து பிரித்துக் கொண்டு வந்து, விடுதியுடன் கூடிய பள்ளிகளில் தங்க வைத்து படிக்க வைத்தனர். ஆனால், அக்குழந்தைகளை அவர்கள் கொடுமைப்படுதியதால் பல குழந்தைகள் உயிரிழந்ததாக வரலாற்று ஆய்வாளர்கள் கூறுகின்றனர்.

இனி மூன்று குழந்தைகளை பெற்றுக் கொள்ளலாம்; தாராளம் காட்டிய சீன அரசு!
அப்படி இறந்த குழந்தைகள் உடல்கள் பள்ளி வளாகத்திலேயே புதைக்கப்பட்டன. எனவே, தற்போது கண்டறியப்பட்டுள்ள குழந்தைகளின் எலும்புக் கூடுகளும் காலனி ஆதிக்கத்தின்போது நடைபெற்ற இன அழிப்பின் ஒரு அங்கமாக கருதப்படுகிறது. இது அந்நாடு முழுவதும் பெரும் அதிர்ச்சியை உருவாக்கியுள்ளது.

இந்த சம்பவம் தொடர்பாக முழுமையான விசாரணை நடத்தப்பட வேண்டும். இதற்காக ஐநா சபை ஒரு அமைப்பை உருவாக்கி அதன்மூலம் விசாரணை நடக்க வேண்டும். இதில் சர்வதேச பங்களிப்பும் இருக்க வேண்டும் என்று வலியுறுத்தப்பட்டு வருகிறது.



Source link

Share on Social Media

Leave a Reply

Your email address will not be published. Required fields are marked *