Share on Social Media


ஆரோக்கியமான உணவு மற்றும் உடற்பயிற்சியின் முக்கியத்துவம் பற்றி அனைவரும் அறிவோம். இருப்பினும், மார்பகப் புற்றுநோய் சிகிச்சையின்போது மேலே கூறிய இரண்டும் மிகவும் முக்கியமானது. மார்பக புற்றுநோய் உயிருக்கு ஆபத்தானது மட்டுமின்றி, பல உடல்நலக் கோளாறுகளுக்கும் வழிவகுக்கும். இருப்பினும், ஆரோக்கியமான உணவை எடுத்துக் கொள்வதன் மூலம் மார்பகப் புற்றுநோயைச் சிறப்பாக எதிர்த்துப் போராட உதவும்.

​புற்றுநோயின் அறிகுறிகள்

புற்றுநோய் உங்கள் பசியை பாதிப்பதோடு, குமட்டல், வயிற்றுப்போக்கு, சுவை மொட்டுகளில் ஏற்படும் மாற்றங்கள் மற்றும் பிற உடல்நல பாதிப்புகள் போன்ற பிரச்சனைகள் ஏற்படும். மார்பக புற்றுநோயை சரியான முறையில் எதிர்கொள்ள நினைப்போர் ஆரோக்கியமான உணவு மற்றும் வாழ்க்கை முறையைப் பின்பற்றுவது மிகவும் முக்கியம்.

சரியாக உணவுகளை எடுத்துக் கொள்வது, உயரத்துக்கு ஏற்ற உடல் எடை போன்றவற்றை பாராமரிப்பதன் மூலம் இதனை நீங்கள் திறம்பட கையாள முடியும்.

புற்றுநோய் மற்றும் புற்றுநோய்க்கான சிகிச்சைகளால் இரத்தத்தில் உள்ள வெள்ளை அணுக்கள் தாக்கப்படும். இதனால் உங்கள் உடலின் நோய் எதிர்ப்பு சக்தியை குறையும். நோய் எதிர்ப்பு சக்தி குறைவால் நீங்கள் தொற்றுநோய்களுக்கு ஆளாகக் கூடும்.

​என்ன சாப்பிடலாம், எதைத் தவிர்க்கலாம்

samayam tamil Tamil News Spot

மார்பகப் புற்றுநோய் சிகிச்சைக்கு உட்படுத்தப்படுபவர்களுக்கு குறிப்பிட்ட உணவுமுறை இல்லை என்றாலும், ஆரோக்கியமான உணவுகள் மற்றும் ஆரோக்கியமான உணவுப் பழக்கத்தைப் பின்பற்றுதல் நல்லது.

இது தொடர் சிகிச்சையின் அறிகுறிகள் அல்லது பக்க விளைவுகளைச் சமாளிக்க உதவும். மார்பக புற்றுநோய் சிகிச்சையில் உள்ளவர்கள் என்ன சாப்பிடலாம், என்ன சாப்பிடக்கூடாது என்று பார்ப்போம் வாங்க.

​சாப்பிடக் கூடாதவை

samayam tamil Tamil News Spot

நிறைவுறா கொழுப்பு அல்லது சோடியம் அதிகள் சேர்த்த உணவுகள் உங்களின் ஆரோக்கியத்திற்கு தீங்கு விளைவிக்கும். அவற்றை உண்பதைத் தவிர்க்கவும்.

எனர்ஜி பானங்கள், பேக் செய்யப்பட்ட ஜூஸ்கள் மற்றும் சர்க்கரை சேர்க்கப்பட்ட பானங்கள் ஆகியவற்றை உட்கொள்ள வேண்டாம். அவற்றில் சர்க்கரை மற்றும் செயற்கை நிறங்களே நிறைந்து உள்ளன.

சுத்திகரிக்கப்பட்ட கார்போஹைட்ரேட் ஆன மைதாவைக் கொண்டு செய்யப்படும் ரொட்டி, பேக்கரி பொருட்கள், பாஸ்தா போன்றவற்றை உட்கொள்வதைத் தவிர்க்கவும். அவற்றுக்குப் பதிலாக முழு தானிய உணவுப் பொருட்களை சேர்த்துக் கொள்ளவும்.

மார்பக புற்றுநோய் சிகிச்சையின் போது பசியின்மை அல்லது பசி அதிகரிப்பு, மலச்சிக்கல், குமட்டல், எடை இழப்பு போன்ற சில பக்க விளைவுகள் ஏற்படலாம்.

​சாப்பிட வேண்டியவை

samayam tamil Tamil News Spot

பச்சை காய்கறிகள் மற்றும் பழங்கள் : பழங்கள் போன்ற நார்ச்சத்து நிறைந்த உணவை உண்ணுங்கள். முழு தானியங்கள், பருப்பு வகைகள், நட்ஸ் வகைகள் ஆகியவற்றை உண்ணுங்கள். இவை உங்களின் உடலை வலுப்படுத்தவும், உங்களின் உடல் எடையைப் பராமரிக்கவும் உதும்.

புரதம் ஆரோக்கியமான மற்றும் கொழுப்பு உணவு : முட்டை, கோழி இறைச்சி, மீன், பாலாடைக்கட்டி, நட்ஸ் மற்றும் விதைகள், வெண்ணெய் போன்ற உணவுகளை எடுத்துக் கொள்ளுங்கள். வழக்கமான சமையல் எண்ணெய்க்குப் பதிலாக ஆலிவ் எண்ணெயை பயன்படுத்தலாம்.

ஆன்டி ஆக்சிடன்ட் நிறைந்த உணவுகள் : பூண்டு, வெங்காயம் போன்றவற்றில் ஆன்டி ஆக்ஸிடன்ட்கள் நிறைந்துள்ளன. இவை புற்றுநோயை எதிர்த்துப் போராட உதவும்.

மசாலாப் பொருட்களை உபயோகியுங்கள் : நீங்கள் உங்களின் வழக்கமான உணவில் மஞ்சள், பூண்டு, மிளகு, இஞ்சி, ஆர்கனோ, இலவங்கப்பட்டை போன்றவற்றைச் சேர்த்துக் கொள்ளுங்கள்.

​பசியின்மை அல்லது பசி அதிகரிப்பு

samayam tamil Tamil News Spot

பசியின்மையைப் போக்க உணவு வேளையை 5-6 ஆக பிரித்துக் சிறிது சிறிதாக எடுத்துக் கொள்ளுங்கள். டிவி அல்லது உங்களுக்குப் பிடித்தவற்றை பார்த்துக் கொண்டே சாப்பிடுங்கள்.

பசி அதிகரித்தால் அடிக்கடி சாப்பிடுங்கள், ஆனால் சிறிதளவு மட்டும் சாப்பிடுங்கள். நீண்ட நேரம் உங்களை திருப்தியாக வைத்திருக்க ஊட்டச்சத்துக்கள் மற்றும் நார்ச்சத்து நிறைந்த உணவை சேர்த்துக் கொள்ளுங்கள்.

​மலச்சிக்கல்

samayam tamil Tamil News Spot

சிகிச்சையின் பக்க விளைவாக மலச்சிக்கல் ஏற்பட்டால் ஊட்டச்சத்துக்கள் நிறைந்த ஜூஸ்களை அருந்துங்கள். அதுமட்டுமின்றி, வயிற்றுக்கு தீங்கு விளைவிக்கும் அல்லது இரைப்பை பிரச்சனைகளை ஏற்படுத்தும் உணவுகளைத் தவிர்த்து விடுங்கள்.

புளித்த உணவு, நார்ச்சத்து நிறைந்த உணவு மற்றும் புரோபயாடிக் சப்ளிமெண்ட்ஸ் எடுத்துக் கொள்வதன் மூலம் மலச்சிக்கலை தவிர்க்கலாம்.

​வாந்தி அல்லது குமட்டல்

samayam tamil Tamil News Spot

பழங்கள் அல்லது பழச்சாறுகளை அருந்துங்கள். சிகிச்சையால் உங்களுக்கு உணவுகளை மெல்லும் போதும் அல்லது விழுங்கும் போதும் பிரச்சனை இருந்தால், சூப்கள் அல்லது பானங்களை அருந்தலாம். அதிக எண்ணெய் சேர்த்த உணவு மற்றும் செரிமானத்தில் பிரச்சனை ஏற்படுத்தும் உணவுகளைத் தவிர்க்கவும்.

​எடை இழப்பு

samayam tamil Tamil News Spot

புற்றுநோய் சிகிச்சையால் எடை இழப்பு ஏற்பட்டால் அதனை சரிசெய்ய நார்ச்சத்து நிறைந்த பழங்கள், பச்சை இலைக் காய்கறிகள், உலர் பழங்கள் போன்றவற்றை உணவில் சேர்க்கலாம். அதுமட்டுமின்றி, உடலுக்கு ஊட்டமளிக்கும் அதிக கலோரி உணவுகள், பால் பொருட்கள், ஒமேகா 3 அமிலம் மற்றும் பிற முக்கிய தாதுக்கள் நிறைந்த உணவுகளையும் எடுத்துக் கொள்ளலாம். இவை உடல் எடை இழப்பை தவிர்க்கவும், உடல் வலிமையைப் பராமரிக்கவும், புற்றுநோயை எதிர்த்துப் போராடவும் உதவும்.

​மார்பக புற்றுநோய் சிகிச்சையில் உதவும் உடற்பயிற்சி

samayam tamil Tamil News Spot

தினமும் ஏதேனும் ஒரு உடற்பயிற்சி வழக்கத்தைப் பின்பற்றுவதன் மூலம் உங்களின் ஒட்டுமொத்த ஆரோக்கியத்தை மேம்படுத்த முடியும்.

குறைந்தது 2 மணி நேரமாவது ஏதேனும் மிதமான உடற்பயிற்சியில் உங்களை ஈடுபடுத்திக் கொள்வது நல்லது. வழக்கமான உடற்பயிற்சிகளை விரும்பாதவர்கள் எனில், நடைபயிற்சி, நீச்சல், யோகா அல்லது சைக்கிளிங் போன்வற்றில் கூட நீங்கள் ஈடுபடலாம்.



Source link

Share on Social Media

Leave a Reply

Your email address will not be published. Required fields are marked *