Share on Social Media


ஹைலைட்ஸ்:

  • பிரிட்டன் சுகாதாரத் துறை அமைச்சர் சாஜித் ஜாவித்துக்கு கொரோனா
  • பணியில் இல்லாத போது தனிமைப்படுத்திக் கொள்ள பிரதமர் போரிஸ் ஜான்சன் முடிவு

பிரிட்டன் சுகாதாரத் துறை அமைச்சருக்கு கொரோனா உறுதி செய்யப்பட்டுள்ளதை அடுத்து, அந்நாட்டு பிரதமர் போரிஸ் ஜான்சன் பணியில் இல்லாத போது தனிமைப்படுத்திக் கொள்ளவிருப்பதாக தெரிவித்துள்ளார்.

பிரிட்டனில், டெல்டா வகை கொரோனா வைரஸ் வேகமாக பரவி வருகிறது. பெருந்தொற்றை கட்டுப்படுத்த தடுப்பூசி பணிகள் தீவிரமாக மேற்கொள்ளப்பட்டு வருகின்றன. இதற்கிடையே, அண்மையில், பிரிட்டன் சுகாதாரத் துறை அமைச்சர் சாஜித் ஜாவித்துக்கு கொரோனா தொற்று உறுதி செய்யப்பட்டது.

அமைச்சருக்கு கொரோனா உறுதியாகி உள்ள நிலையில், பிரிட்டன் பிரதமர் போரிஸ் ஜான்சனும், நிதியமைச்சர் ரிஷி சுனக்கும் பணியில் இல்லாத போது தனிமைப்படுத்திக் கொள்ளவிருப்பதாக தெரிவித்துள்ளனர்.
“எங்க மேல பழி போடாதீங்க!” – அமெரிக்க அதிபரின் குற்றச்சாட்டுக்கு பேஸ்புக் விளக்கம்!
இது குறித்து பிரதமர் அலுவலகம் வெளியிட்ட அறிக்கையில், பிரதமர், நிதியமைச்சர் ஆகியோருடன் தொடர்பில் இருந்த ஒருவருக்கு கொரோனா தொற்று உறுதி செய்யப்பட்டது. பிரிட்டன் பிரதமர் போரிஸ் ஜான்சனும், நிதி அமைச்சர் ரிஷி சுனக்கும் பணியில் இல்லாத போது தனிமைப்படுத்திக் கொள்வர் என தெரிவிக்கப்பட்டுள்ளது.

பிரிட்டனில் ஒருவருக்கு கொரோனா உறுதி செய்யப்பட்டால் அவருடன் தொடர்பில் இருந்தவர்கள் 10 நாள்கள் வரை தனிமைப்படுத்திக் கொள்ள வேண்டும். பிரிட்டனில் புதிய அலையின் மூலம் கொரோனா மீண்டும் பரவி வரும் நிலையில், அனைத்து விதமான கட்டுப்பாடுகளும் நாளை முதல் திரும்பப் பெற்றுக் கொள்ளப்படும் என அறிவிக்கப்பட்டுள்ளது குறிப்பிடத்தக்கது.



Source link

Share on Social Media

Leave a Reply

Your email address will not be published. Required fields are marked *