Share on Social Media


ஹைலைட்ஸ்:

  • சமீரா ரெட்டி என்று சொன்னாலே நெஞ்சுக்குள் பெய்திடும் மாமழை என்று சூர்யா பாடித் திரிவது தான் நம் ஞாபகத்துக்கு வரும்.
  • ஒல்லியாக இருந்த சமீரா திருமணம், குழந்தை பெற்ற பின் எடை கூடிவிட்டார்.
  • முறையான உணவுப் பழக்கமும் சின்ன சின்ன உடற்பயிற்சிகளும் செய்து தன்னை ஆரோக்கியமாக வைத்துக் கொள்ளும் அவர், தன்னுடைய உடலை நேசிக்கிறார்.

தான் உடல் பருமனாகிவிட்டோம், அழகாக இல்லை போன்ற தாழ்வு மனப்பான்மை அவருக்கு இல்லை. அவருடைய உடலை அவர் அதிகமாக நேசிக்கிறார். தன்னுடைய உடலைக் கொண்டாடுகிறார். ஆனால் நிறைய பெண்கள் தங்களுடைய உடலை நினைத்து தாழ்வு மனப்பான்மையுடன் இருக்கிறார்கள். அதிலிருந்து வெளியேறி தங்களைத் தாங்களே ரசிக்கவும் நேசிக்கவும் வேண்டும் என்று தன்னுடைய இன்ஸ்டா பக்கத்தில் பாடி பாசிடிவிட்டி குறித்து ஒரு போஸ்ட் போட்டிருக்கிறார். அந்த போஸ்ட்டில், அவர் பாடி பாசிட்டிவிட்டி குறித்த பயிற்சி ஒன்றை பகிர்ந்திருக்கிறார்.

அது என்னவென்றால், உங்களுடைய உடலில் உங்களுக்குப் பிடிக்காத பகுதி ஒன்றைத் தேர்ந்தெடுங்கள். அந்த பகுதியின்மேல் உங்களுக்கு இருக்கும் வெறுப்பைக் குறைத்து விரும்ப ஆரம்பியுங்கள். அந்த இடத்தை நேசியுங்கள். இந்த பயிற்சியை தினமும் செய்ய ஆரம்பியுங்கள். உங்கள் உடல் உங்களுக்கு மிக அழகாகத் தெரிய ஆரம்பிக்கும். உங்களுடைய உடல் தான் உங்களுக்கு பெஸ்ட் ஃபிரண்ட்.


பாடி பாசிட்டிவிட்டி என்பது என்ன?

ஒல்லியாக இருப்பது தான் அழகு; குண்டாக இருப்பது அழகில்லை என்று ஒருவர் தன்னுடைய உடலைப் பற்றி தாமே சில தாழ்வு மனப்பான்மையைக் கொண்டிருக்கிறார்கள். ஆனால் அந்த தாழ்வு மனப்பான்மையை நீக்கி, நம்முடைய உடல் அழகாககத்தான் இருக்கிறது. நம்முடைய நிறமும் உடலமைப்பும் நமக்குப் பேரழகைத் தருகிறது என்று நாமே நம்முடைய உடலை நேசிக்க வேண்டும். இதுதான் பாடி பாசிடிவிட்டி என்று கூறப்படுகிறது.

இந்தியாவில் ஃபல்குனி என்பவர் தான் இந்த கான்செப்டை முதலில் அறிமுகப்படுத்தினார். அவர் குறிப்பிடும் மிக முக்கிய விஷயம் என்ன தெரியுமா? பெண்கள் தங்களுடைய இயல்பான தோற்றத்தை, நிறத்தை, உடல் வடிவத்தை அழகு என்று முதலில் நம்ப வேண்டும். அதற்கு ஏற்றவாறு தங்களை அழகுபடுத்திக் கொள்ளலாம். தன்னுடைய நிறத்தையும் வடிவத்தையும் மாற்ற வேண்டிய தேவை இல்லை என்பதை உணர வேண்டும் என்று குறிப்பிடுகிறார்.

என்ன செய்ய வேண்டும்?

ஆரோக்கியத்துடனும் அளவான எடையுடன் இருப்பதும் முக்கியம்தான். ஆனால், உடல் பருமன், தைராய்டு, திருமணத்துக்குப் பின் உடல்மாற்றம், பிரசவத்துக்குப் பின் ஏற்படும் மாற்றம் போன்றவற் காரணங்களால் உடலின் அமைப்பு பெண்களுக்கு மாறிவிடுகிறது. இதனாலேயே ப்ளஸ் சைஸில் இருக்கும் பெண்கள் தங்களை அழகானவர்கள் இல்லை, அசிங்கமாக இருக்கிறோம் என தாழ்வு மனப்பான்மை கொள்கிறார்கள். தான் அழகு தான் என்பதை முதலில் தாங்களே நம்ப வேண்டும்.

குளிர்காலத்தில் நெஞ்செரிச்சல் ஏற்படுவது ஏன்… இதெல்லாம்தான் காரணமாம்…

உடல் அமைப்பு, சரும நிறம் போன்றவற்றில் எப்படி இருப்பது அழகு என்று இந்த சமூகம் தொடர்ந்து சில விஷயங்களை வலியுறுத்திக் கொண்டே இருக்கிறது. அதனாலேயே உடல் பருமனாக உள்ளவர்கள், கருப்பாக உள்ளவர்கள் தாழ்வு மனப்பான்மைக்கு ஆளாகிறார்கள். ஆனால் அழகு எப்படி உண்மையிலேயே எது, ஒவ்வொரு மனித உடலும் ஒருவகை அழகு தான். இதுதான் அழகு, இது அழகில்லை என்று உடலில் எதுவுமே இல்லை, அதனால் நம்முடைய உடல் அமைப்பை எண்ணி எந்த கவலையும் கொள்ளத் தேவையில்லை. அதை ரசிக்கக் கற்றுக் கொள்ள வேண்டும் என்பதை வலியுறுத்துவது தான் பாடி பாசிடிவிட்டி.

அல்சரை குணப்படுத்தும் வெண்பூசணி… எப்படி சாப்பிட வேண்டும்?

எல்லா வகை ஊடகங்களும் எங்கு பார்த்தாலும் உணவு, உடல் பருமன், எடை குறைப்பு, உடற்பயிற்சி, பிட்னஸ், ஃபிட்டான ஆடைகள், பேஷன் என்ற வார்த்தைகளால் நம்மைக் கட்டிப் போட்டிருக்கிறது. ஆனால் உடல் என்பது அது மட்டுமேயல்ல; ஒவ்வொரு தனி நபருக்கும் அவருடைய உடல் மற்றும் உடலமைப்புக்கும் இடையே ஒருவித உறவு இருக்கிறது. அதை நேசிக்கக் கற்றுக் கொள்வதை தான் பாடி பாசிடிவிட்டி என்று குறிப்பிடுகிறோம்.

பாடி பாசிடிவிட்டி உங்களுக்கு அதிகரிக்க வேண்டுமானால் “I Am Beautiful” என்ற வாசகத்தை ஒரு மந்திரம் போல நம்ப ஆரம்பியுங்கள். உங்களுக்கு நீங்கள் பேரழகியாக தெரிவீர்கள்.





Source link

Share on Social Media

Leave a Reply

Your email address will not be published. Required fields are marked *