Share on Social Media



ஒன்பது மாத கர்ப்பகாலம் என்பது நீண்ட மகிழ்ச்சியான பயணம் இதில் மகிழ்ச்சி, உற்சாகம், விரக்தி, கவலை, ஹார்மொன் செயல்களின் கவலை என எல்லாமே கலந்திருக்கும். சில நாட்களில் மிக வலிமையான ஆரோக்கியமான பெண்களையும் பலவீனமாக்க செய்யும். காலை நோய், மனநிலை மாற்றங்கள், வித்தியாசமான பசி, ஹார்மோன் ஏற்றத்தாழ்வுகளை சமாளித்தல் போன்றவையும் உண்டாகலாம். அதே நேரம் உடலுறவில் ஈடுபடும் போதும் கவனமாக இருக்க வேண்டும். இது குறித்து உங்கள் மருத்துவரிடம் ஆலோசிக்கவும் தயங்க வேண்டாம்.

​கர்ப்பகாலத்தில் உடலுறவு

கர்ப்பகாலத்தில் உடலுறவு கொள்வதால் எந்த பிரச்சனையும் உண்டாகாது. இந்த நேரத்தில் உடலுறவு நல்லதாகவே இருக்கும். இது மன அழுத்தத்தை விடுவிக்க செய்யும்.

இந்த நேரத்தில் உடலுறவுக்கு பிறகு இரத்தத்தை பார்ப்பது கவலையாக இருக்கலாம். ஆனால் இது குறித்து கவலைப்பட வேண்டியதல்ல. இது இயல்பானது. இதனால் குழந்தைக்கு எந்த ஆபத்தும் இருப்பதாக அர்த்தம் அல்ல. கர்ப்பகாலத்தில் குழந்தை கருப்பையில் உள்ள அம்னோடிக் பையில் பாதுகாப்பாக உள் வைக்கப்பட்டு, கருப்பை வாய் மூடி சளியால் அடைக்கப்பட்டுள்ளது. அதனால் உடலுறவில் ஈடுபடுவதால் குழந்தைக்கு எந்த பாதிப்பும் உண்டாகாது.

சிசேரியன் பிரசவத்துக்கு பிறகு ஏன் கடுமையான முதுகுவலி வருது? என்ன செய்வது?

எனினும் இந்த இரத்தப்போக்கு ஏன் உண்டானது என்பதை அறிவது அவசியம். கர்ப்பகாலத்தில் பெண் உறுப்பில் இரத்த ஓட்டம் அதிகரிப்பதே இதற்கு காரணம் ஆகும். இது கர்ப்பப்பை வாயில் உள்ள திசுக்களை மென்மையாக்குகிறது. இதனால் அவ்வபோது இரத்தப்போக்கு உண்டாகிறது. இதனால் குழந்தைக்கு .எந்த பாதிப்பும் இல்லை.

கர்ப்பகாலத்தில் உடலுறவுக்கு பிறகு இரத்தப்போக்கு ஏற்பட சில காரணங்கள் உண்டு. அது என்னென்ன என்பதை பார்க்கலாம்.

​இரத்த வழங்கல்

samayam tamil Tamil News Spot

ஒரு பெண் கர்ப்பமாக இருக்கும் போது அவளது யோனி பகுதி மற்றும் கருப்பை வாய் பகுதியில் இரத்த ஓட்டத்தை அதிகரிக்க செய்கிறது.

இந்த பகுதிக்கு செல்லும் இரத்தத்தின் வீதம் மற்றும் அளவு இரண்டையும் அதிகரிக்கிறது. இதனால் உடலுறவின் போது அந்த பகுதிகளில் அழுத்தம் அதிகரிப்பதால் சிறிய இரத்தப்போக்கு உண்டாகலாம்.

​நுண்குழாய்கள்

samayam tamil Tamil News Spot

பெண் கர்ப்பமாகும் போது கருப்பை வாய் மற்றும் கருப்பை வாய் ஆக்ஸிஜன் மற்றும் இரத்தத்தின் அளவு திடீரென அதிகரிக்கும். இதனால் அந்த பகுதியில் நிறைய நுண்குழாய்கள் உருவாகின்றன. இந்த குழாய்கள் உடலுறவின் போது உடைந்து போகலாம். இதனால் இலேசான புள்ளிகள் மற்றும் இரத்தப்போக்கு உண்டாகிறது.

​. கருப்பை வாய் மென்மை

samayam tamil Tamil News Spot

பெண்ணின் கர்ப்பப்பை வாய் பகுதி கர்ப்பகாலத்தில் மென்மையாக மாறும். இது வேகமான அல்லது தீவிரமான உடலுறவுக்கு பின் எளிதில் உடைந்து போகலாம். இதனாலும் இரத்தப்போக்கு உண்டாக வாய்ப்புண்டு.

கர்ப்ப காலத்தில் கர்ப்பபை வாயில் பாலிப்ஸ் உருவாகலாம். உடலில் ஈஸ்ட்ரோஜனின் அளவு அதிகரிக்கிறது. இது உடலுறவுக்கு பிறகு இரத்தப்புள்ளிகளை உண்டாக்கலாம்.

​கர்ப்பகாலத்தில் உடலுறவுக்கு பின் இரத்தப்போக்கு ஏற்பட்டால் அது கருச்சிதைவு ?

samayam tamil Tamil News Spot

கர்ப்பக்காலத்தில் உடலுறவுக்கு பிறகு கருச்சிதைவு உண்டாவது அரிது. இந்த நேரத்தில் குழந்தை முற்றிலும் பாதுகாப்பாகவே இருப்பார்கள். கருப்பையில் உள்ள அம்னோடிக் சாக்கின் உள்ளே குழந்தை பாதுகாப்பாக இருக்கிறார்கள். இது குழந்தையின் உடலை குஷன் போல் பாதுகாக்கிறது. குழந்தை யோனி பகுதியில் இருந்து வெகு தூரமாக இருப்பதால் குழந்தை பாதிக்க எந்த வழியும் இல்லை.

சீக்கிரமா கர்ப்பம் ஆகணும்னா, பெண் அண்டவிடுப்பின் நாளை தெரிஞ்சுக்கணும், அறிகுறி இப்படி தான் இருக்கும்!

முதல் மூன்று மாதங்களில் உடலுறவு கொண்டால் கருச்சிதைவு ஆபத்து இருக்கலாம் என்று அறிவுறுத்தினால் அதை தவிர்க்க வேண்டும். மற்ற நேரங்களில் பாதுகாப்பான உடலுறவு நன்மையே செய்யும்.

உதிரபோக்கு அதிகமாக இருந்தால் என்ன செய்வது. எப்படி பாதுகாப்பான உடலுறவை மேற்கொள்வது என்பது குறித்து தனிக்கட்டுரையாக பார்க்கலாம்.



Source link

Share on Social Media

Leave a Reply

Your email address will not be published. Required fields are marked *