Share on Social Media


ஹைலைட்ஸ்:

  • தொற்றுநோயை எதிர்கொள்ள நாம் தயாராக இல்லை என்று முன்கூட்டியே எச்சரித்த சிலரில் பில் கேட்ஸும் ஒருவர்
  • பயங்கரவாதிகள் உயிரியல் ஆயுதங்களை பயன்படுத்தும் சாத்தியங்கள் மிக மிக அதிகம்
  • பெருந்தொற்றை எதிர்கொள்வதற்கான ஆராய்ச்சிகளுக்கு அமெரிக்கா, பிரிட்டன் போன்ற நாடுகள் அதிக செலவு செய்ய முன்வர வேண்டும்

ஐக்கிய நாடுகள் சபையின் காலநிலை மாநாட்டில் கடந்த செவ்வாய்க்கிழமை கலந்து கொண்ட மைக்ரோசாப்ட் நிறுவனரும், உலக கோடீஸ்வரர்களின் ஒருவருமான பில்கேட்ஸ் இங்கிலாந்து இளவரசர் சார்லஸை சந்தித்தார். அதன்பின்னர், ஹெல்த் செலக்ட் கமிட்டியின் தலைவர் ஜெர்மி ஹன்ட் உடனான பேட்டியின் போது, எதிர்காலத்தில் உயிரி ஆயுதத்தை பயங்கரவாதிகள் பயன்படுத்தலாம் எனவும், இதற்கு உலக தலைவர்கள் தயாராக இருக்க வேண்டும் எனவும் பில்கேட்ஸ் எச்சரிக்கை விடுத்துள்ளார்.

பெருந்தொற்றை எதிர்கொள்ள உலக சுகாதார நிறுவனமானது பில்லியன் டாலர்கள் கட்டமைப்பு கொண்ட குழு ஒன்றை உருவாக்க வேண்டும் என வலியுறுத்திய பில்கேட்ஸ், இது கண்காணிப்பு பணிகளை செய்ய வேண்டும் எனவும் தெரிவித்துள்ளார். “கிருமி விளையாட்டுகள்” என்ற வார்த்தை பதத்தை தனது பேட்டியின் போது பயன்படுத்திய பில்கேட்ஸ், பெரியம்மை காய்ச்சலை ஒரு உயிரியல் ஆயுதமாக, உலகின் பரபரப்பான 10 விமான நிலையங்களில் பயங்கரவாதிகள் பயன்படுத்தினால், உலகம் அதற்கு எவ்வாறு எதிர்வினையாற்றப் போகிறது? நமது திட்டம் என்னவாக இருக்கும் என்றும் கேள்வி எழுப்பியுள்ளார். அத்துடன், இதற்கு உலகத் தலைவர்கள் தயாராக வேண்டும் எனவும் அவர் வலியுறுத்தியுள்ளார்.

அடுத்த பெருந்தொற்றை எதிர்கொள்வதற்கான ஆராய்ச்சிகளுக்கு அமெரிக்கா, பிரிட்டன் போன்ற நாடுகள் அதிக செலவு செய்ய முன்வர வேண்டும். இது தொடர்பான ஆய்வுகள், கண்டிப்பாக செலவு அதிகம் கொண்டதாக இருக்கும், ஆனால் அவை அதிக பலனை தர வல்லவை என்றும் பில்கேட்ஸ் குறிப்பிட்டுள்ளார்.
‘கோவாக்சின்’ தடுப்பூசிக்கு பிரபல நாடு அங்கீகாரம் – விரைவில் இந்த நாடும் பச்சைக்கொடி?
அடுத்த 5 ஆண்டுகளில், ‘பெருந்த்தொற்றை எதிர்கொள்ள நாம் தயாராகிவிட்டோம்’ என ஒரு புத்தகத்தை நான் எழுதலாம். ஆனால் அதை சாத்தியப்படுத்தும் ஆய்வுகளுக்கு அதிக செலவாகும். அதனை தாராளமாக செய்ய அமெரிக்கா, பிரிட்டன் ஆகிய நாடுகள் முன்வர வேண்டும் எனவும் பில்கேட்ஸ் அப்போது வேண்டுகோள் விடுத்துள்ளார்.

பயங்கரவாதிகள் உயிரியல் ஆயுதங்களை பயன்படுத்தும் சாத்தியங்கள் மிக மிக அதிகம் என்பதால், நாம் அதை முறியடிக்க இப்போதே தயாராக வேண்டும் என வலியுறித்திய பில்கேட்ஸ், பெரியம்மை பற்றி பேசியதால், அது தொடர்பான விவாதங்கள் உலக அளவில் எழுந்துள்ளன.

முதல்வர் ஸ்டாலின் விவசாயிகளிடம் மன்னிப்பு கேட்க வேண்டும்; அண்ணாமலை

“தொற்றுநோயை எதிர்கொள்ள நாம் தயாராக இல்லை என்று முன்கூட்டியே எச்சரித்த சிலரில் பில் கேட்ஸும் ஒருவர். எனவே நாம் இப்போதாவது கற்றுக் கொண்டோமா?” என பில்கேட்ஸை பேட்டியெடுத்த ஜெர்மி ஹன்ட் தனது ட்விட்டர் பக்கத்தில் கேள்வி எழுப்பியுள்ளார்.



Source link

Share on Social Media

Leave a Reply

Your email address will not be published. Required fields are marked *