Share on Social Media


பூமி படத்தின் ஹீரோவான பூமிநாதனை(ஜெயம் ரவி) அறிமுகம் செய்யும்போது அவர் செய்தியாளர்களை சந்தித்து தான் நாசாவில் வேலை பார்க்கும் விஞ்ஞானி என்று கூறி, செவ்வாய் கிரகத்திற்கு செல்லும் மிஷன் பற்றி விளக்குகிறார். செவ்வாய் கிரகத்திற்கு செல்லும் முன்பு அவர் தன் அம்மாவுடன்(சரண்யா பொன்வண்ணன்) தமிழகத்தில் இருக்கும் சொந்த ஊருக்கு செல்ல முடிவு செய்கிறார்.

ஊருக்கு வந்த இடத்தில் பணத்தாசை பிடித்த கார்பரேட் ஆட்களால் விவசாயிகள் படம் கஷ்டம் குறித்து தெரிந்து கொள்கிறார் பூமி. செவ்வாய் கிரகத்திற்கு செல்லவிருந்த பூமி முதலில் விவசாயியாக மாறி, போராடி தன் சொந்த ஊரை சரிய செய்ய விரும்புகிறார்.

சமீப காலமாக பல இயக்குநர்களும் விவசாயம் பக்கம் கவனத்தை திருப்பியுள்ள நிலையில் பூமி படத்தில் விவசாயத்தை கையில் எடுத்துள்ளனர். அதனால் விவசாயம் குறித்து ஹீரோ டயலாக் விடுவதை மீண்டும் பார்க்க வேண்டியிருக்கிறது. விவசாயம் பற்றி பூமி பேசுவதை கேட்கும்போது போதும் பாஸ், நிறுத்துங்க, விவசாயம் தான் சிறந்தது என்பது புரிகிறது என்று சொல்லத் தோன்றுகிறது.

தற்போது நிஜத்தில் விவசாயிகள் போராட்டம் செய்து வரும் நிலையில் படங்களில் அவர்களின் நிலைமையை நான் புரிந்து கொள்ளும்படி செய்ய வேண்டும். ஆனால் இது போன்ற படங்களில் அதற்கு நேர் எதிராக செய்துவிடுகிறார்கள். அதாவது விவசாயிகள் பிரச்சனையை பார்த்து நம்மை கடுப்பாக வைத்துவிடுகிறார்கள்.

படத்தில் ஹீரோயினுக்கு வேலையே இல்லை. சக்தி(நிதி அகர்வால்) தான் தமிழ் சினிமாவின் லூசுப் பெண் ஹீரோயின் பட்டியலில் லேட்டஸ்டாக சேர்ந்துள்ளவர். வில்லன் ரிச்சர்ட் (ரோனித் ராய்) பாவம் வசனத்திற்கு ஏற்ப வாயசைப்பதில் தான் அதிக கவனம் செலுத்தியிருக்கிறார்.

ஹீரோ, வில்லன் இடையேயான மோதல் சுவாரஸ்யமாக இல்லை. அடுத்து என்ன நடக்கப் போகிறது என்பதை எளிதில் யூகிக்க முடிகிறது. வில்லன் ஏற்படுத்தும் எந்த பிரச்சனையையும் ஹீரோ அடுத்த காட்சியிலேயே சரி செய்வது போன்று காட்டியிருக்கிறார் இயக்குநர் லக்ஷ்மண்.

உதாரணமாக, ஹீரோ விளைவித்த பொருட்கள் நாசமாகும் வகையில் அவற்றை சந்தைக்கு எடுத்துச் செல்ல முடியாமல் லாரி வேலைநிறுத்தத்தை ஏற்படுத்துகிறார் வில்லன். உடனே விளை பொருட்களை எடுத்துச் செல்ல மாற்று வழி கண்டுபிடித்துவிடுகிறார் ஹீரோ. இது நிஜத்தில் நடப்பது அவ்வளவு எளிது அல்ல.

கார்பரேட்டுக்கு எதிரான மெசேஜ் சொல்லும் படம் கார்பரேட் கைவசம் இருக்கும் ஓடிடியில் வெளியாகியிருப்பது தான் வேடிக்கையே.



Source link

Share on Social Media

Leave a Reply

Your email address will not be published. Required fields are marked *