Share on Social Media


ஹைலைட்ஸ்:

  • கடந்த சில தினங்களுக்கு முன்பாக ஓடிடியில் வெளியானது தி பேமிலி மேன் 2.
  • இந்த தொடரில் தமிழீழப் போராளிகளை தவறாக சித்தரித்துள்ளதாக குற்றச்சாட்டு.
  • தி பேமிலி மேன் 2 இணைய தொடரை நிறுத்த வேண்டும் என பாரதிராஜா கோரிக்கை.

ராஜ் மற்றும் டிகே என்ற இரட்டை இயக்குனர்கள் இயக்கத்தில் இந்தியில் கடந்த 2019 ஆம் ஆண்டு அமேசான் ப்ரைமில் வெளியான வெப்சீரிஸ் பேமிலிமேன். மும்பை குண்டு வெடிப்பை மையமாக கொண்ட உருவாக்கப்பட்ட வெப் சிரிஸில் மனோஜ் பாஜ்பாய், ப்ரியாமணி உள்ளிட்டோர் நடித்திருந்தனர். இந்நிலையில், இதன் இரண்டாவது சீசன் கடந்த சில தினங்களுக்கு முன்பாக அமேசான் பிரைமில் வெளியானது.

இந்த சீசனில் வில்லியாக நடித்துள்ளார் நடிகை சமந்தா. ராஜி எனும் தற்கொலைப் படையை சேர்ந்த நபராக நடித்துள்ளார். இந்நிலையில் கடந்த இரு தினக்களுக்கு முன்பாக அமேசான் பிரைமில் வெளியானது பேமிலி மேன் 2 வெப் தொடர். 9 எபிசோடுகளை கொண்ட இந்த வெப் தொடரில் சர்ச்சைக்குரிய காட்சிகள் இடம்பெற்று இருப்பதாக தற்போது கண்டனங்கள் வெடிக்கத் துவங்கியுள்ளன. விடுதலை புலிகள் இயக்கத்தையும் மறைந்த முன்னாள் பிரதமர் ராஜீவ் காந்தி கொலை வழக்கையும் மையப்படுத்தியே இந்த வெப் தொடர் உருவாக்கப்பட்டுள்ளது.

ஏற்கனவே இந்த தொடருக்கு எதிராக தமிழ் சினிமாவை சேர்ந்த சிலர் கண்டனங்கள் தெரிவித்திருந்த நிலையில், தற்போது இயக்குனர் இமயம் பாரதிராஜா தி பேமிலி மேன் இணைய தொடரை நிறுத்தாவிட்டால் அமேசான் நிறுவனத்தை புறக்கணிக்க நேரிடும் என இயக்குநர் பாரதிராஜா எச்சரிக்கை விடுத்துள்ளார்.

நாங்க போட்டாச்சு..? அப்போ நீங்க.?: வைரலாகும் இசைப்புயல் ஏ.ஆர்.ரஹ்மானின் இன்ஸ்டாகிராம் பதிவு!
இது தொடர்பாக அவர் வெளியிட்டுள்ள அறிக்கையில், “எங்கள் இனத்திற்கு எதிரான ‘தி பேமிலி மேன் 2‘ இணையத் தொடரை நிறுத்த தமிழர்களும் தமிழ்நாட்டு அமைச்சர் உள்ளிட்ட அனைவரும் கோரிக்கை வைத்த பிறகும் கூட இந்திய ஒன்றிய அரசு அத்தொடரை நிறுத்த உத்தரவு பிறப்பிக்காமல் மெளனம் காப்பது எங்களுக்கு மிகுந்த மனவேதனை அளிக்கிறது.

தமிழீழப் போராளிகளின் விடுதலை போராட்டக் களத்தையும், அவர்களின் வரலாற்றையும் அறியாத, தகுதியற்ற நபர்களால், தமிழின விரோதிகளால் இத்தொடர் எடுக்கப்பட்டிருக்கிறது என்பதை தொடரின் காட்சிகள் உணர்த்துகின்றன. அறமும் வீரமும் தன்னலமற்ற ஈகமும் செறிந்த போராட்ட வரலாற்றை கொச்சைப்படுத்தும் நோக்கத்தோடும் தமிழினத்தின் மீது மிகுந்த வன்மத்தோடும் தொடரை உருவாக்கியிருப்பதை வன்மையாக கண்டிக்கிறேன்.

இத்தொடரை உடனே நிறுத்த மத்திய தகவல் ஒலிபரப்பு அமைச்சர் மாண்புமிகு திரு. பிரகாஷ் ஜவடேகர் உத்தரவிட வேண்டும். இத்தொடரில் தமிழ், முஸ்லிம், வங்காளி என குறிப்பிட்ட இனமக்களுக்கு எதிரான மன நிலையோடு தொடர்ச்சியாக எடுக்கப்படுவதை அனைவரும் அறிவீர்கள். ‘தி பேமிலி மேன் 2’ தொடரை ஒளிபரப்பும் அமேசான் நிறுவனம் தாமாக முன்வந்து உடனடியாக ஒளிபரப்பை நிறுத்த வேண்டும். எங்கள் வேண்டுகோளை புறக்கணித்து தொடர்ந்து ஓடிடி தளத்தில் வெளிவந்தால் அமேசான் நிறுவனத்தின் அனைத்து விதமான வர்த்தகத்தையும் புறக்கணிக்கும் போராட்டத்தில் உலகெங்கிலும் பரந்து வாழும் தமிழர்கள் பங்கெடுப்பதை தவிர்க்கவோ தடுக்கவோ இயலாது என்பதை கோடிட்டுக்காட்ட விரும்புகிறேன் என தன்னுடைய அறிக்கையில் குறிப்பிட்டுள்ளார் பாரதிராஜா.



Source link

Share on Social Media

Leave a Reply

Your email address will not be published. Required fields are marked *