Share on Social Media


தமிழ் சினிமாவில் தன்னை இசையமைப்பாளராக அறிமுகப்படுத்திய வசந்தபாலன் இயக்கத்தில் `ஜெயில்’ என்ற படத்தில் நடித்து முடித்துள்ளார் ஜிவி பிரகாஷ் குமார். இந்தப்படத்தில் நாயகனாக நடிப்பதோடு மட்டுமில்லாமல் 12 வருடங்களுக்கு பிறகு வசந்த பாலன் படத்திற்கு ஜி.வி. இசையமைத்துள்ளார். கடந்த 9ஆம் தேதி திரையரங்குகளில் வெளியான இப்படம், ரசிகர்கள் மத்தியில் நல்ல வரவேற்பை பெற்று வருகிறது.

ஜிவி பிரகாஷ் நாயகனாக நடிக்கும் இந்தப்படத்தில் அபர்ணா தாஸ் கதாநாயகியாக நடிக்கிறார். மேலும் ‘பள்ளிப்பருவத்திலே’ படத்தில் நாயகனாக நடித்த நந்தன் ராம், ‘பசங்க’ பாண்டி, ராதிகா உள்ளிட்ட பலரும் நடித்துள்ளனர். கிரிக்கஸ் சினி கிரியேஷன்ஸ் சார்பில் ஸ்ரீதரன் மரியதாசன் தயாரித்துள்ள இந்தப்படத்தின் வெளியீட்டு உரிமையை கே.இ.ஞானவேல் ராஜா கைப்பற்றினார்.

இந்நிலையில் படம் வெளியாவதற்கு முன்பாக ‘ஜெயில்‘ படம் தள்ளி போவதாக பிரச்சனைகள் எழுந்தன. அதன்பின்னர் ஒரு வழியாக இந்தப்படம் கடந்த 9 ஆம் தேதி திரையரங்குகளில் வெளியானது. ரசிகர்கள் மத்தியில் கலவையான விமர்சனங்களை பெற்று வரும் இந்தப்படம் குறித்து இயக்குனர் பாரதிராஜா பாராட்டு தெரிவித்ததாக வசந்தபாலன் தனது ட்விட்டர் பக்கத்தில் தெரிவித்துள்ளார்.

விஜய், தனுஷ், சிவகாரத்திகேயன் வேற லெவல்: புகழ்ந்து தள்ளிய அல்லு அர்ஜுன்!
அதில், ‘இன்று காலை இயக்குநர் இமயம் பாரதிராஜா அவர்கள் அழைத்து ‘பாலா இந்த மாதிரி கதையெல்லாம் எங்கய்யா பிடிக்கிற? பிரமாதமாக இருக்கு. ஜீவியும் அந்த புதுப்பொண்ணும் என்ன மாதிரி நடிச்சிருக்காங்க. சென்னை தமிழ எங்கய்யா கத்துக்கிட்ட. நல்லாயிருந்துச்சுய்யா என்று பாராட்டிய வண்ணம் இருந்தார்.மகிழ்ச்சி’ எனக் குறிப்பிட்டுள்ளார்.



Source link

Share on Social Media

Leave a Reply

Your email address will not be published.