Share on Social Media


ஹைலைட்ஸ்:

  • வைரமுத்துவிற்கு ஓஎன்வி விருது வழங்கப்படுவதற்கு எதிர்ப்பு.
  • வைரமுத்துவிற்கு ஓஎன்வி விருது வழங்கப்படுவது குறித்து மறுபரிசீலனை.
  • வைரமுத்துவிற்கு ஆதரவாக இயக்குனர் பாரதிராஜா அறிக்கை.

மலையாளக் கவிஞரும் மறைந்த பாடலாசிரியரும் ஞானபீட விருது பெற்றவருமான ஓஎன்வி குறுப்புவின் பெயரில் இலக்கியத்துக்காக வழங்கப்படும் விருது முதன்முறையாக கேரளாவை சேராத ஒருவரான கவிஞர் வைரமுத்துக்கு அண்மையில் அறிவிக்கப்பட்டது. அவர் மேல் பாலியல் குற்றச்சாட்டுகள் இருப்பதால், அவருக்கு இந்த விருதை வழங்க கூடாது என ஒருசிலர் கண்டனம் தெரிவித்தனர். இந்நிலையில் வைரமுத்து விருது வழங்குவது தொடர்பாக மறுபரிசீலனை செய்யவுள்ளதாக ஓ.என்.வி விருது குழு அறிவித்துள்ளது.

இந்நிலையில் இந்த சர்ச்சை தொடர்பாக இயக்குனர் இமயம் பாரதிராஜா அறிக்கை ஒன்றை வெளியிட்டுள்ளார். அதில், கேரளா சகோதரர்களின் பேரன்பினால், மலையாள இலக்கியத்தின் மிக உயரிய விருதான ஓ.என்.வி. எங்கள் கவிப்பேரரசு அவர்களுக்கு அறிவித்தது அறிந்து மகிழ்வுற்றேன். ஆனால் அரசியல் நெருக்கடியால் மறுபரிசீலனை என தற்போது செய்திகள் வந்திருப்பதை கண்டு வருத்தம் சிறிதளவும் இல்லை.

சமீபகாலமாக எம் இனத்தின் மீதும் மொழி மீதும் அரசியல் காழ்புணர்ச்சி கொண்டு எங்கிருந்தோ, தனிமனித மாண்பிற்கு களங்கத்தை ஏற்படுத்தும் விதமாக சில நபர்களை கொண்டு மதம், இனம், மொழியாக பிரிவினை ஏற்படுத்தும் விதமாக அறிவிக்கபடாத இயலாத போரினை தொடுத்துக் கொண்டிருக்கிறார்கள். தமிழர்களாகிய நாம் ஒற்றுமையுடன் இருந்து முறியடிக்க வேண்டும் என கேட்டுக் கொள்கிறேன்.

கொரோனா தொற்றால் உயிழந்த பிரபல நடிகர்: திரையுலகில் தொடரும் சோகம்!
உலகத்தமிழர்களின் நெஞ்சங்களில் கவிப்பேரரசு என்கிற பட்டம் சூட்டி கம்பீரமாக நிற்கும் கவிஞனே உன்னை அசைத்து பார்த்துவிடலாம் என்பது வெறும் கனவாகவே இருக்கும். தமிழர்களுக்கு என்றும் உறுதுணையாக மாண்புமிகு தமிழக முதல்வர், எதிர்க்கட்சித் தலைவர், மற்றும் அரசியல் கட்சித் தலைவர்கள் உறுதுணையாக இருக்க வேண்டுமென்று கேட்டுக்கொள்கிறேன்.

இந்த குளத்தில் கல்லெறிந்தவர்கள்
எறியட்டும்
அவர்களின் தாகம் திரட்டும்.
குளம் என்பது
கானல் நீர்.
நீ சமுத்திரம்.

இவ்வாறு தனது அறிக்கையில் தெரிவித்துள்ளார் பாரதிராஜா.



Source link

Share on Social Media

Leave a Reply

Your email address will not be published. Required fields are marked *