Share on Social Media



சருமத்துக்கு மேற்பூச்சு க்ரீம்கள் அவசியமானவை என்றாலும் சமயங்களில் அவை இருண்ட வட்டங்கள் அறிகுறியை போக்காது. மேலும் முகத்தில் உதடுகளில் இவை அதிகரிக்கும் போது உங்கள் பராமரிப்பு முறையை மாற்ற வேண்டும்.
சரும பராமரிப்பு நிபுணர்கள் சரும நன்மைக்கு அதன் நச்சை வெளியேற்றும் பானங்களை பரிந்துரைக்கிறார்கள். இவை உங்கள் சருமத்துக்கும் கூந்தலுக்கும் கூட நன்மை செய்யகூடும்.

​மாதுளை – சருமத்துக்கு

தேவை

மாதுளை முத்துக்கள் – 1 கப்

சியா விதைகள் – அரை கப் (தண்ணீரில் ஊறவைத்தது)

எள் பொடி – 1 டீஸ்பூன்

ஸ்பைருலினா பொடி – 1 டீஸ்பூன் ( பாசி வகை)

கொடுத்துள்ள அனைத்து பொருள்களையும் ப்ளெண்டரில் சேர்த்து அரைக்கவும். அனைத்தும் ஃப்ரெஷ்ஷாக இருக்கட்டும். இப்போது தாமதப்படுத்தாமல் குடியுங்கள்.

Winter Dandruff : குளிர்காலத்துல கண்டிப்பா பொடுகுத்தொல்லை வரும், தவிர்க்க இதை செய்யுங்க!

என்ன நன்மை கிடைக்கும்

மாதுளை வைட்டமின் ஏ நிறைந்தவை. இது தோல் கொலாஜனை பலப்படுத்த செய்கிறது. சியா விதைகள் நச்சுகளை அகற்ற உதவுகின்றன. அதே நேரம் ஸ்பைருலினாவில் இருக்கும் வைட்டமின் பி 12, இரும்பு மற்றும் சுவடு தாதுக்கள் வீக்கத்தை குணப்படுத்துகிறது. இது சருமத்துக்கு புத்துணர்ச்சி அளிக்கிறது.

​இரும்பு பூஸ்டர் – கூந்தலுக்கு

samayam tamil Tamil News Spot

தேவை

இரண்டு விதமான இலைக்கீரைகள் அல்லது கோஸ் – 1 கப் (கொத்துமல்லி, புதினா, கறிவேப்பிலை சேர்க்கலாம்)

நெல்லிக்காய் கொட்டை நீக்கியது – அரை கப்

கோதுமை புல் – சிறிதளவு

பேரீச்சம்பழம் – 2 கொட்டை நீக்கியது

அனைத்து பொருள்களையும் ப்ளெண்டரில் சேர்த்து நன்றாக அரைக்கவும்.இவை இரும்புச்சத்து அதிகரிக்க உதவும்.

என்ன நன்மை கிடைக்கும்

இந்த பச்சை சாறு முடி உதிர்வதை தடுக்கவும், முடி முன்கூட்டியே நரைப்பதை தடுக்கவும் செய்கிறது. உடலில் இரும்புச்சத்து குறைபாடு உண்டாகும் போது நகங்கள் பலவீனமாக இருக்கும். நகங்கள் பராமரிப்பில் அடிக்கடி போராடுபவர்களுக்கு இவை உதவும்.

​திரிபலா – உடலுக்கு

samayam tamil Tamil News Spot

உடலில் இருக்கும் நச்சை வெளியேற்ற திரிபலா எடுக்கலாம். தினமும் நாளை தொடங்குவதற்கு முன்பு வெதுவெதுப்பான நீரில் ஒரு டீஸ்பூன் திரிபலா கலந்து குடித்துவருவது நன்மை பயக்கும்.

என்ன நன்மை கிடைக்கும்

பெருங்குடலை சுத்தப்படுத்துவதிலும் இரத்தத்தை சுத்தப்படுத்துவதிலும் உதவுகிறது. நச்சு இல்லாத சுத்தமான உள்ளுறுப்புகள் சருமத்தை பிரகாசமாக வைத்திருக்கிறது. திரிபலா கடுக்காய், தான்றிக்காய், நெல்லிக்காய் சேர்ந்த கலவை ஆகும். இது நச்சு நீக்கும் பிரதான உணவு.

குடலில் இருந்து பிடிவாதமான நச்சுக்களை அகற்றுவதன் மூலம் மலத்தை இளக்கியாக்கி மென்மையாக வெளியேற்றுகிறது. இதில் இருக்கும் நெல்லிக்காய் சருமத்தை பளபளக்கும் மேலும் கூந்தலையும் வலுப்படுத்தும்.

​நெட்டில் செடி – நீளமான அடர்த்தியான முடிக்கு

samayam tamil Tamil News Spot

இது இமயமலையில் காணப்படும் ஒரு வகையான செடி. நெட்டில் இலை கடைகளில் கிடைக்கும். தண்ணீரை கொதிக்க வைத்து அதன் இலைகளை சேர்த்து 15 நிமிடங்கள் ஊறவைக்கவும். இளஞ்சூட்டில் இருக்கும் போது இதை பருகவும்.

Winter Face Pack : குளிர்காலத்தில் சருமம் திட்டு திட்டாக இருந்தால் இந்த ஃபேஸ் பேக் போடுங்க!

என்ன நன்மை கிடைக்கும்

தொட்டால் எரிச்சலூட்டுகிற ஒரு வகை செடி வகை. இது சிறந்த இரத்த சுத்திகரிப்பு மற்றும் கல்லீரலை சுத்தம் செய்யும் குணங்களை கொண்டது. இதில் உள்ள சிலிக்கா என்ற இராசயனம் உச்சந்தலையில் இரத்த ஓட்டத்தை மேம்படுத்துகிறது மற்றும் முடி உதிர்வைக் குறைக்கிறது என்றும் நம்பப்படுகிறது. மேலும் இது முடி வளர்ச்சியை ஊக்குவிக்கவும் பயன்படுத்தப்படுகிறது.

சரும நச்சை நீக்கும் பானங்கள் பழங்கள், காய்கறிகள் என்று பல இருந்தாலும் இவை உங்களுக்கு நிச்சயம் பலன்கொடுக்கும்.



Source link

Share on Social Media

Leave a Reply

Your email address will not be published.