1602784919 pic Tamil News Spot
Share on Social Media


அழகு பராமரிப்பு என்பதை காலங்காலமாகவே நமது முன்னோர்கள் கடைப்பிடித்தவர்கள் தான். சரும பராமரிப்பு முதல் கூந்தல் பராமரிப்பு வரை எல்லாமே செய்தவர்கள் தான். இப்போது போல் அல்லாமல் வருவதற்கு முன்பே எவ்வித அழகு குறைபாடும் நேராமல் பராமரித்ததால் பெரும்பாலும் அழகு குறித்த குறைபாடு இல்லாமலே இருந்தது.

இப்போது இருக்கும் அழகை மேலும் மேலும் அழகுப்படுத்தி கொள்ள பயன்படுத்தும் பொருள்களே சருமகுறைபாட்டை உண்டாக்கிவிடவும் செய்கிறது. அதனால் பழையன பழக்கத்தை கழிக்காமல் அதையே பின்பற்ற தொடங்கியிருக்கிறார்கள் இன்றையை இளம்பெண்கள். அப்படி சருமபராமரிப்புக்கு பயன்படுத்தும் பொருள்களில் ஒன்றுதான் மஞ்சள். இந்த மஞ்சள் சருமத்துக்கு தரும் நன்மைகள் குறித்து பார்க்கலாமா?

​முகத்தை ஒளிரவைக்கும் தன்மை

samayam tamil Tamil News Spot

முகத்தில் இருக்கும் இயற்கை அழகை ஒளிரவைக்கும் குணம் மஞ்சளுக்கு உண்டு. மஞ்சளில் இருக்கும் அழற்சி எதிர்ப்பு பண்புகள் மற்றும் ஆன்டி ஆக்ஸிடண்ட் ஆனது சருமத்துக்கு பளபளப்பையும் ஒருவித கவர்ச்சியையும் தரும். மஞ்சள் சருமத்தை இயற்கையாக புதுப்பிக்கிறது.

30 வயசானா இந்த அறிகுறி முகத்துல இருக்கான்னு பாருங்க, இதுதான் உங்க வயசை அதிகமா காட்டும்!

இரண்டு டீ ஸ்பூன் மஞ்சளுடன் கெட்டியான தயிர், தேன் சேர்த்து முகத்தில் தடவி 15 நிமிடங்கள் கழித்து முகத்தை கழுவி வந்தால் முகத்தில் பளபளப்பு இயற்கையாகவே கூடும்.

மஞ்சள் எப்போதுமே சருமத்தை பாதிக்காது. ஒவ்வாமையை உண்டு செய்யாது. எனினும் நீங்கள் முதல் முறை பயன்படுத்தும் போது இதை பரிசோதனை செய்த பிறகு தயக்கமில்லாமல் பயன்படுத்தலாம். மாதம் இருமுறை இதை செய்தால் போதும்.

​தழும்புகள் காயங்கள் வடுக்களை மறைக்கிறது

samayam tamil Tamil News Spot

மஞ்சளில் இருக்கும் குர்குமின் என்னும் பொருள் சருமத்தில் வீக்கத்தை காயங்களை குணப்படுத்த உதவும். சருமத்தில் பருக்கள், அல்லது காயங்களால் தழும்புகள் உண்டாகும் போது அதை குணப்படுத்த செய்யும். சருமத்தில் கொலாஜன் உற்பத்தியை ஊக்குவிக்கும். சருமத்தில் பாதிப்பு ஏற்படும் போது குர்குமின் சிறப்பாக தீர்வளிக்கு என்று ஆய்வுகள் பரிந்துரைக்கிறது.

மஞ்சள் தூளுடன் சந்தனம் , காய்ச்சாத பால் கலந்து பேஸ்ட் போல் குழைத்து முகத்துக்கு தடவி வந்தால் பலன் கிடைக்கும். மஞ்சள் முகத்தில் இருக்கும் முகப்பருவை குறைக்க செய்யும். வடுவை குறைத்து மீண்டும் முகப்பரு வராமல் தடுக்க கூடியது.

​நிறமாற்றத்தை குணமாக்கும்

samayam tamil Tamil News Spot

சருமம் சூரியனால் நிறம் மாறும் போது அதை ஈடு செய்ய மஞ்சள் உதவும். சன் டான் போக மஞ்சளை மட்டுமே பயன்படுத்தலாம். மஞ்சள், ரோஸ் வாட்டர், எலுமிச்சைசாறு, பால் சேர்த்து குழைத்து முகம், கழுத்து கைகளில் தடவி 20 நிமிடங்கள் கழித்து குளிர்ந்த நீரில் கழுவினால் சருமம் இழந்த நிறத்தை மீட்கலாம்.

​இறந்த செல்களை நீக்குகிறது

samayam tamil Tamil News Spot

சருமத்தை சுத்தம் செய்யும் பொருளாகவும் மஞ்சளை சொல்லலாம். மஞ்சளுடன் ஓட்ஸ், பாசிப்பருப்பு மாவு, பால் சேர்த்து குழைத்து முகத்துக்கு ஸ்க்ரப் போல் தடவி கொண்டால் முகத்தில் இருக்கும் இறந்த செல்கள் நீங்குகிறது. இவை முகத்தை சுத்தமும் செய்கிறது. மென்மையாக வைக்கவும் உதவுகிறது.

கரும்புள்ளிகள்

samayam tamil Tamil News Spot

அதிகப்படியான அல்லது மிதமான வெயிலாக இருந்தாலும் அதிலிருந்து வரும் புற ஊதாகதிர்கள் சருமத்தில் பாதிப்பை உண்டாக்குகின்றன. இதனால் முகத்தின் நிறம் மங்குவதோடு கரும்புள்ளிகள், சுருக்கங்கள் போன்றவையும் உண்டாக கூடும்.

இது குறித்து எலிகள் மீது கொண்ட ஆய்வில் அவை சூரியனால் பாதிக்கப்பட்ட சருமத்தின் குறைபாட்டை மஞ்சள் மேம்படுத்தியது கண்டறியப்பட்டது. சருமம் வயதாவதை மெதுவாக்கும் தன்மையை மஞ்சள் கொண்டிருக்கிறது.

​வயதாவதை தடுக்கிறது

samayam tamil Tamil News Spot

மஞ்சள் சருமத்தின் எலாஸ்டேஸ் என்னும் நொதியை தடுக்க உதவுகிறது சருமத்தில் எலாஸ்டின் உற்பத்தி குறைந்தால் அது சருமத்தில் வயதான தோற்றத்தை உண்டாக்கிவிடும். ஏனெனில் சருமத்துக்கு தேவையான புரதங்களை இவை குறையும் போது உருவாக்க முடியாது. இதை தடுக்க மஞ்சள் உதவுகிறது. அதனால் தான் மஞ்சளை தினமும் முகத்தில் தடவியே முதுமை சருமத்தை தள்ளி போட்டார்கள் நம் வீட்டு பெண்கள்.

கிளிசரின் சோப்பு சருமத்துக்கு ரொம்ப நல்லதாம் எப்படி வீட்லயே தயாரிக்கிறதுன்னு தெரிஞ்சுக்கலாம்!

சருமத்துக்கு மஞ்சளை மற்ற பொருள்களோடு சேர்த்து பயன்படுத்த வேண்டும் என்பதில்லை. தனியாகவே பயன்படுத்தினால் முகத்தில் பிரச்சனை வராமல் தவிர்க்க முடியும்.

Thanks for the Source

Share on Social Media

Leave a Reply

Your email address will not be published. Required fields are marked *