Share on Social Media


பஃப்டு ரைஸ் மற்றும் பெர்ச் அரிசி என்று அழைக்கப்படும் பொரி பலரின் விருப்பமான சிற்றுண்டி உணவாக உள்ளது. அதிலும், பொரியில் செய்யும் காரப்பொரி, மசாலா பொரி, பேல் பூரி போன்றவற்றின் பெயரைக் கேட்டாலே பலரின் நாக்குகளில் எச்சில் ஊறும். நெல்லில் இருந்து தாயரிக்கப்படும் இப்படிப்பட்ட பொரியில் நம்பமுடியாத ஊட்டச்சத்துகள் நிறைந்து உள்ளன என்பதை பலரும் உணர்ந்து இருக்கவே மாட்டோம். பொரியை உண்ணும் உணவில் சேர்த்துக் கொள்வதால் ஏற்படும் நன்மைகள் குறித்து இங்கு காணலாம் வாங்க.

​பொரியில் உள்ள ஊட்டச்சத்துகள்

100 கிராம் பொரியில் 402 கலோரிகள், 0.5 கிராம் மொத்த கொழுப்பு, நிறைவுற்ற கொழுப்பு 0.1 கிராம், 90 கிராம் கார்போ ஹைட்ரேட்டுகள், நார்ச்சத்து 1.7 கிராம், 6 கிராம் புரதம் மற்றும் 6 மிகி கால்சியம், மெக்னீசியம் 25 மிகி, இரும்பு 31.7 மிகி, 0.1 மிகி வைட்டமின் பி6, தியாமின் 0.21 மிகி, ரிபோப்ளேவின் 0.01 மிகி, நியாசின் 4.1 மிகி, நாட்ரியம் 3 மிகி, கலியம் 113 மிகி ஊட்டச்சத்துகள் உள்ளன.

​நன்மைகள் – மலச்சிக்கலை நீக்க

samayam tamil Tamil News Spot

நார்ச்சத்து நிறைந்த பொரியை உணவில் சேர்த்துக் கொள்வதன் மூலம் மலச்சிக்கலை போக்க முடியும். பொரியை தினசரி எடுத்துக் கொள்வதால், மலத்தில் உள்ள சளி மற்றும் அதிகப்படியான கொழுப்பின் அளவு குறைந்து, குடல் ஒட்டிக்கொள்வதைத் தடுக்கும். இதனால் மலம் கழிப்பது எளிதாகும். மலச்சிக்கல் ஏற்படாது.

​செரிமானத்தை ஊக்குவிக்க

samayam tamil Tamil News Spot

சக்திவாய்ந்த செரிமானத் தூண்டுதலாக பொரி உள்ளது. பொரியில் உள்ள ஊட்டச்சத்துகள் வயிறு மற்றும் குடலில் உள்ள உணவுத் துகள்களை உடைத்து, செரிமானத்துக்கு தேவையான அமிலங்களின் சுரப்பை ஊக்குவிக்க செய்கிறது. மேலும், பொரி வயிற்றில் உள்ள வாயுவை அகற்ற உதவுகிறது. அதோடு, வயிற்றுக் கோளாறு, வீக்கம், நெஞ்செரிச்சல், வயிற்றுப்போக்கு, வயிற்றுப் புண் மற்றும் வாயுப் பிடிப்புகள் போன்ற குடல் கோளாறுகளை சரி செய்யவும் உதவுகிறது.

​நோய் எதிர்ப்பு சக்தியை அதிகரிக்க

samayam tamil Tamil News Spot

பொரியில் உள்ள ஆக்ஸிஜனேற்றிகள், தாதுக்கள் மற்றும் ஊட்டச்சத்துக்கள் நோய்த் தொற்று, காய்ச்சல், ஜலதோஷம், தொண்டை புண் மற்றும் பிற சுவாசக் கோளாறுகளில் இருந்து நம்மை பாதுகாக்க உதவி புரிகிறது. அதோடு, தினாமும் பொரியை உண்ணுவதன் மூலம் நோய் எதிர்ப்பு மண்டலத்தையும் மேம்படுத்த முடியும்.

​இரத்த அழுத்தத்தை ஒழுங்குப்படுத்த

samayam tamil Tamil News Spot

குறைந்த சோடியம் மட்டுமே கொண்ட பொரியை சாப்பிடுவதன் மூலம் இரத்த அழுத்த அளவை கட்டுக்குள் வைக்க முடியும். இதனால் இதய செயல்பாடு மேம்படும். இதன் மூலம் மாரடைப்பு, பக்கவாதம் போன்ற இதய கோளாறுகள் ஏற்படும் வாய்ப்பும் குறையும்.

​எடை இழப்புக்கு

samayam tamil Tamil News Spot

இலேசாகவும், குறைந்த கலோரிகளை உடையதாகவும் இருக்கும் பொரி எடை இழப்புக்கு சிறந்த உணவாகும். பொரியில் உள்ள நார்ச்சத்து மற்றும் அத்தியாவசிய ஊட்டச்சத்துக்கள் உங்களின் பசியை போக்குவதோடு, அதிகப்படியாக சாப்பிடுவதையும் தடுக்கிறது. எனவே, இது எடை வேகமாக குறையவும் உதவுகிறது.

​எலும்பை பலப்படுத்த

samayam tamil Tamil News Spot

மனித உடலில் எலும்புகளின் பங்கு மிகவும் முக்கியமானதாகும். ஏனெனில், எலும்புகள் தான் தசைகள் மற்றும் உடல் உறுப்புகளுக்கு உரிய வடிவம், அமைப்பைத் தருகிறது. கால்சியம், இரும்பு, வைட்டமின் டி, தியாமின் மற்றும் பைபர் நிறைந்த பொரியை எடுத்துக் கொள்வதன் மூலம் எலும்பு செல்கள் நன்றாக வளர்ச்சி அடைவதை உறுதி செய்யும்.

​சருமத்தை மேம்படுத்த

samayam tamil Tamil News Spot

ஆக்ஸிஜனேற்ற பண்புகள் நிறைந்த பொரியை உணவில் சேர்த்துக் கொள்வதன் மூலம், சருமம் பிரகாசம் அடையும். மேலும், இது சருமத்துக்கு தீங்கு விளைவிக்கும் யூவிஏ மற்றும் யூவிபி கதிர்களில் இருந்து பாதுகாக்க உதவுகிறது. இதனால், முகத்தில் ஏற்படும் சுருக்கங்கள், புள்ளிகள், மெல்லிய கோடுகள், கரும்புள்ளிகள் ஆகியவை குறையும்.

​பக்க விளைவுகள்

samayam tamil Tamil News Spot

பொரி நமக்கு பல்வேறு ஆரோக்கிய நன்மைகளைக் கொடுத்தாலும், அதிக அளவு பொரியை சாப்பிடுவது நீரிழிவு நோயை உண்டாக்கும். இதற்கு பொரியில் உள்ள அதிக கிளைசெமிக் குறியீடு தான் காரணம். அதேபோல், பொரி உடல் எடையைக் குறைக்கும் என்றாலும், அதிகப்படியான பொரியை உண்டால் அதில் உள்ள கார்போ ஹைட்ரேட் உடல் பருமனை உண்டாக்கும் என்பதையும் நினைவில் கொள்ளுங்கள்.



Source link

Share on Social Media

Leave a Reply

Your email address will not be published. Required fields are marked *