Share on Social Media

புரோட்டீன் அல்லது புரதம் எனப்படும் ஊட்டச்சத்து தான் உங்கள் தலைமுடி, நகங்கள், எலும்புகள் மற்றும் தசைகள் உருவாக உதவுகின்றன. சாதாரணமாகத் தெரியும் முடி உத்திரவுக்குக் கூட புரதம் குறைவாக இருப்பது தான் காரணமாகிறது. புரோட்டீன் தான் உடலின் திசுக்கள் மற்றும் உறுப்புகளுக்கு அவற்றின் வடிவத்தை அளிக்க உதவுகிறது. சுருக்கமாகச் சொன்னால் நீங்கள் யார் என்பதை உருவாக்கும் மூலக்கூறுகளின் தொகுதிகளில் புரதமும் ஒன்றாகும். அப்படிப்பட்ட புரதச் சத்து நம் உடலில் என்னென்னவெல்லாம் செய்கிறது என்பதையும், அதன் நன்மைகளையும் தெரிந்து கொள்வோம் வாங்க.

​அவசர ஆற்றலுக்கு உதவும் புரதம்

புரதம் உங்கள் உடலின் முதன்மையான ஆற்றலைப் பெறுவதற்கான தேர்வு அல்ல. அது கார்போ ஹைட்ரேட்டுகள் மற்றும் கொழுப்புகள் தான் முதன்மையான ஆற்றல் மையமாக உள்ளது. இவற்றின் மூலம் தான் உங்கள் உடலுக்குத் தேவையான ஆற்றல் கிடைக்கப்பெறும். ஆனால், புரதச்சத்து ஒரு அவசர ஆற்றலைப் பெறுவதற்கான தேர்வாகும். உங்களுக்கு கலோரிகள் குறைவாக இருக்கும்போதோ, அல்லது விளையாட்டு வீரராக இருந்தால் ஓட்டப்பந்தயத்தில் ஓடும் போது இலக்கை அடைய உதவும் அவசர ஆற்றலாக புரதம் இருக்கும்.

​வலிமையான தசைக்கு

samayam tamil Tamil News Spot

உங்கள் தசைகளின் அளவு மற்றும் வடிவத்தை பராமரிக்க தேவைப்படும் முக்கிய ஊட்டச்சத்து புரதம் ஆகும். அதேநேரத்தில் நீங்கள் எடை இழக்க விரும்பி எடைக் குறைப்பு செய்தால், உடலில் ஏற்படும் தசை இழப்பதைத் தடுக்க புரதம் உதவுகிறது. வலிமையான தசையை உருவாக்குவதற்கு புரதம் முக்கியமானது ஆகும்.

​வலுவான எலும்புகளுக்கு

samayam tamil Tamil News Spot

உங்கள் உணவில் சரியான அளவு புரதச் சத்தைப் பெறுவதன் மூலம் உங்களின் எலும்பு ஆரோக்கியத்தை மேம்படுத்த முடியும் என்று ஆய்வுகள் சுட்டிக் காட்டுகின்றன. உங்கள் எலும்பு அடர்த்தியை தக்க வைத்துக் கொள்வதன் மூலம் ஆஸ்டியோபோரோசிஸ் எனும் எலும்பு நொறுங்கும் நோய் ஏற்படும் வாய்ப்பைக் குறைக்கிறது. மேலும், இது வயதாகும் போது ஏற்படும் எலும்பு முறிவுகளைத் தடுக்கவும் புரதச் சத்து உதவுகிறது.

​நோய் எதிர்ப்பு சக்தியை அதிகரிக்க

samayam tamil Tamil News Spot

புரதச் சத்துகள் அமினோ அமிலங்களால் ஆனவை. இவை உங்கள் நோய் எதிர்ப்பு மண்டலத்தின் முக்கிய செல்களான டி செல்கள், பி செல்கள் மற்றும் ஆன்டிபாடிகள் போன்றவற்றுக்கு உதவும். நோய்த் தொற்று முன் உங்கள் உடலில் நுழையும் தீங்கு விளைவிக்கும் உயிரணுக்களைக் கண்டறிந்து கொல்லவும் புரதம் உதவி புரிகிறது.

​பசியைக் கட்டுப்படுத்த

samayam tamil Tamil News Spot

பசி என்பது வேறு; ஆசை பசி வேறு. உண்மையான பசி வயிற்றில் ஏற்படும். ஆசை பசி மூளையிலிருந்து வருகின்றன. போதுமான அளவு உடலில் புரதம் இருப்பது, ஆசை பசியை ஏற்படுத்தும் ஏக்கங்களைத் தடுக்க உதவும் என்று ஆய்வு முடிவுகள் காட்டுகின்றன.

​கொழுப்புகளை எரிக்க

samayam tamil Tamil News Spot

உணவில் போதுமான அளவு புரதம் இருப்பது உங்கள் வளர்சிதை மாற்றத்தை அதிகரிக்க உதவுகிறது. நீங்கள் ஒரு நாளைக்கு அதிக கலோரிகளை எரிக்கச் செய்கிறீர்கள். உங்களின் உடலில் உள்ள கலோரிகளை அதிக அளவு எரிக்க புரதம் உதவி புரிகிறது.

​இதயத்துக்கு உதவி புரிய

samayam tamil Tamil News Spot

குறிப்பாக தாவரங்களிலிருந்து கிடைக்கும் புரதம், இரத்த அழுத்தத்தைக் குறைக்க உதவும் என்பதை சுட்டிக் காட்டுகிறது. இது உங்களின் எல்டிஎல் என்று அழைக்கப்படும் கெட்டக் கொழுப்பின் அளவைக் குறைக்கவும், இதய நோய்க்கான அபாயத்தைக் குறைக்கவும் உதவுகிறது.

​காயங்களை விரைவில் ஆற்ற

samayam tamil Tamil News Spot

உங்கள் உடலின் திசுக்கள் மற்றும் உறுப்புகளின் வடிவத்துக்கு உதவும் புரதம், உங்களுக்கு ஏற்படும் வீக்கத்தைக் குறைக்கவும், காயமடைந்த இடத்தில் புதிய திசுக்களை உருவாக்கவும், காயங்களை விரைவாக சரிசெய்யவும் புரதம் உதவுகிறது.

​அதிக புரதம் உடலுக்கு நன்மையா?

samayam tamil Tamil News Spot

அதிக புரத உணவுகள் அதிக அளவிலான நன்மைகளைக் கொண்டுள்ளன தான் என்றாலும், அவை உங்கள் ஆரோக்கியத்திற்கு அதிக தீங்கு விளைவிக்குமா என்றால், ஆம் என்று தான் அர்த்தம். அதிக அளவு புரதம் எடுத்துக் கொள்வது புற்றுநோய், அதிக கொழுப்பு, சிறுநீரக கற்கள், எடை அதிகரிப்பு மற்றும் மலச்சிக்கல் போன்ற பிரச்சனைகளுக்கு வழி வகுக்கும். உங்களின் உடலுக்கு எந்த உணவு சிறந்தது என்று நீங்கள் உங்கள் மருத்துவரை கேட்டுத் தெரிந்து கொண்டு அவற்றை எடுத்துக் கொள்வது நல்லது.

​புரதத்தைச் தேர்ந்தெடுக்க சிறந்த வழி

samayam tamil Tamil News Spot

புரதம் பல்வேறு வடிவங்களில் கிடைக்கிறது. ஆரோக்கியமான புரதங்களைப் பெறுவதை உறுதி செய்ய நிறைவுற்ற கொழுப்புகள் மற்றும் அதிக பதப்படுத்தப்பட்ட விருப்பங்களைத் தவிர்ப்பது நல்லது. ஒரு வேளை உணவிலே புரதத்தை முழுவதும் சாப்பிடுவதற்கு பதில், இடைஇடையே சேர்த்துக் கொள்வது நல்லது. நிறைய வைட்டமின்கள், தாதுக்கள் மற்றும் நார்ச்சத்துக்களைப் பெற நீங்கள் பழங்கள் மற்றும் காய்கறிகளை எடுத்துக் கொள்வதை உறுதிப்படுத்திக் கொள்ளுங்கள்.

Thanks for the Source

Share on Social Media

Leave a Reply

Your email address will not be published. Required fields are marked *