Share on Social Media



கூந்தல் வளர்ச்சிக்கு வீட்டு பராமரிப்பு மற்றும் இயற்கை பொருள்களே போதுமானது. அதில் முக்கியமானது கேரட். . இவை முடியை ஆரோக்கியமாக வைத்திருக்க பயன்படுத்தப்படுகின்றது. கேரட் கொண்டு கூந்தலை எப்படி வளர்ப்பது என்பதை இங்கு பார்க்கலாம்.

​கேரட் எண்ணெய்

தேவை

ஃப்ரெஷ்ஷான கேரட் – 1

ஆலிவ் எண்ணெய் – அரை கப்

தேங்காய் எண்ணெய் – அரை கப்

கண்ணாடி பாட்டில்- சிறியது ஒன்று.

எப்படி தயாரிப்பது

முதலில் கேரட்டை தோல் நீக்கி பொடியாக துருவிகொள்ளவும். இதை கண்ணாடி பாட்டிலில் போடவும். பிறகு ஆலிவ் எண்ணெய் மற்றும் தேங்காயெண்ணெயை கலந்து பாட்டிலில் ஊற்றிவிடவும். கேரட் எண்ணெயில் நன்றாக ஊறி இருக்கட்டும். பிறகு மூடியை இறுக மூடி வைக்கவும்.

Indigo for hair: நரை முடியை தடுக்கவும், வளர்ச்சியை அளிக்கவும் இந்த ஒண்ணு போதும்! எல்லோருமே யூஸ் பண்ணலாம்!

குறைந்தது ஒரு வாரத்துக்கு இந்த ஜாடியை இருண்ட இடத்தில் வெளிச்சம் இல்லாமல் வைத்திருக்க வேண்டும்.

எண்ணெய் ஆரஞ்சு நிறமாக படிப்படியாக மாறக்கூடும். கேரட்டின் நிறம் எண்ணெயில் வரக்கூடும். கேரட் சாறு எண்ணெயில் இறங்கும். பிறகு அதை வடிகட்டி சுத்தமான கொள்கலனில் மாற்றவும்.

தலைமுடியை ஷாம்புவுடன் கழுவுவதற்கு முன்பு இந்த எண்ணெயை உங்கள் உச்சந்தலையில் 30 நிமிடங்கள் மசாஜ் செய்து பிறகு தலைக்கு குளிக்கலாம். முடிக்கு இந்த கேரட் எண்ணெய் பயன்படுத்துவதால் உண்டாகும் நன்மைகள் குறித்து பார்க்கலாம்.

​முடி வளர்ச்சியை ஊக்குவிக்கிறது

samayam tamil Tamil News Spot

கேரட் எண்ணெய் மயிர்க்கால்கள் அமைப்பை தூண்டுகிறது. இதனால் முடி வேகமாகவும் அடர்த்தியாகவும் வளர உதவும். மேலும் நுனி முடிவு பிளவு குறையும். முடி பலவீனத்தை தடுத்து முடிக்கு வலுவூட்டுவதால் முடி வேகமாக வளர தொடங்கும்.

​முடி உதிர்வதை தடுக்கிறது

samayam tamil Tamil News Spot

முடி உதிர்வு இயல்பானது. ஆனால் தீவிரமாக முடி உதிர்வு பிரச்சனையை கையாளும் போது முதலில் முடி வளர்ச்சியை ஊக்குவிப்பதை காட்டிலும் முடி உதிர்தலை கட்டுப்படுத்துவது சிறப்பானது.

கேரட் எண்ணெய் பயன்படுத்தும் போது அது முடி உதிர்வதை தடுக்கிறது. முடி உதிர்வு இருக்கும் போது வாரத்தில் இரண்டு முறை இந்த எண்ணெயை பயன்படுத்தலாம்.

​வறட்சியை தடுக்கிறது

samayam tamil Tamil News Spot

கேரட் எண்ணெய் முடி வறட்சி ஆவதை தடுக்கிறது. உச்சந்தலை ஈரப்பதம் இழக்கும் போது முடி உலர்ந்து வறட்சியை சந்திக்கும். கேரட் எண்ணெய் முடிக்கு குறிப்பாக உச்சந்தலை சருமத்தில் மயிர்கால்களில் ஈரப்பதத்தை அளிக்கிறது.

மேலும் முடி அமைப்பை மேம்படுத்துகிறது. முடியை பளபளப்பாகவும் மென்மையாகவும் மாற்றுகிறது. இதை பயன்படுத்திய சில வாரங்களில் பலனை பார்க்கலாம்.

​பொடுகை நீக்குகிறது

samayam tamil Tamil News Spot

உச்சந்தலை வறட்சியை நீக்கும் பண்புகளோடு இது உச்சந்தலையில் இருக்கும் பாக்டீரியாவையும் எதிர்க்கிறது. பல்வேறு பாக்டீரியாக்கள் மற்றும் பூஞ்சைத்தொற்று உச்சந்தலையில் பொடுகை உண்டாக்குகிறது உச்சந்தலையில் இந்த கேரட் எண்ணெயை பயன்படுத்துவதன் மூலம் உச்சந்தலைக்கு இயற்கையான பாதுகாப்பை அளிக்கிறது. இதனால் பொடுகு பிரச்சனை குறைகிறது.

​கேரட் எண்ணெய் குறித்து ஆய்வுகள்

samayam tamil Tamil News Spot

கேரட் எண்ணெய் முடி வேகமாகவும் அடர்த்தியாகவும் வளர உதவும். தலைமுடியை நீளமாக வைத்துக்கொள்ள விரும்புபவர்கள் மற்றும் நுனி பிளவு வெடிப்பதை தடுக்க விரும்புபவர்கள் கேரட் எண்ணெய் பயன்படுத்தலாம். இது முடியை சீரமைப்பதோடு அதன் அமைப்பை மேம்படுத்துவதாக கண்டறியப்பட்டுள்ளது. இது பளபளப்பாகவும் மென்மையாகவும் வைத்திருக்க செய்யும்.

முதுகெல்லாம் முகப்பருவா, இருக்கவே இருக்கு இந்த வீட்டு வைத்தியம் ட்ரை பண்ணுங்க!

கேரட் எண்ணெய் உச்சந்தலையில் வேர்களை வலுவூட்ட செய்கிறது. முடி உதிர்வதை தடுக்க உதவுகிறது. இதன் வைட்டமின் பண்புகள் வெளிப்புற சேதத்திலிருந்து கூந்தலை பாதுகாகக் செய்கிறது. உச்சந்தலையில் இரத்த ஓட்டத்தை அதிகரிப்பதன் மூலம் கேரட் எண்ணெய் தலைமுடியை வேர் முதல் நுனி வரை ஆரோக்கியமாக வைத்திருக்க செய்யும்.

கேரட் எண்ணெய் பல்வேறு பாக்டீரியாக்கள் மற்றும் பூஞ்சைகளுக்கு எதிராக பாக்டீரியா எதிர்ப்பு பண்புகளை கொண்டுள்ளதாக சமீபத்திய ஆய்வு சொல்கிறது. பொடுகு கொண்டவர்கள் இந்த எண்ணெய் பயன்படுத்தினால் பொடுகு சிகிச்சையில் இருந்து நிவாரணம் பெறலாம்.



Source link

Share on Social Media

Leave a Reply

Your email address will not be published. Required fields are marked *