Share on Social Media


உலகிலேயே முதல்முறையாக இங்கிலாந்தில் கொரோனா தடுப்பூசியை பொதுமக்களுக்கு போடுவதற்கு அனுமதியளிக்கப்பட்டுள்ளது. அதன்படி டிசம்பர் 8ஆம் தேதி முதல், ஃபைசர் நிறுவனத்தின் கோவிட்-19 தடுப்பூசி பொதுமக்களுக்கு போடப்பட்டு வருகிறது.

முதற்கட்டமாக, மருத்துவ ஊழியர்கள், வயது முதிர்ந்தோர், கடும் நோயால் அவதிப்படுவோருக்கு தடுப்பூசி போடப்பட்டு வருகிறது. இந்நிலையில், தடுப்பூசி போடப்பட்ட நான்கு தன்னார்வலர்களுக்கு முகவாதம் (Bell’s Palsy) ஏற்பட்டுள்ளதாக அமெரிக்க அரசு தெரிவித்துள்ளது.

இவங்களெல்லாம் கோவிட்-19 தடுப்பூசி போடக்கூடாது: அரசு எச்சரிக்கை!

முகவாதம் என்பது முகத் தசைகளில் தற்காலிகமாக ஏற்படும் ஒரு மாற்றம் மட்டுமே. எனினும், தடுப்பூசி போடப்பட்டவர்களுக்கு ஏன் முகவாதம் ஏற்பட்டது என்பது இன்னும் கண்டறியப்படவில்லை என அமெரிக்க உணவு மற்றும் மருந்து ஆணையம் தெரிவித்துள்ளது.

தடுப்பூசி போடப்படும் நபர்களை கூர்ந்து கண்காணிக்க வேண்டுமெனவும், எத்தனை பேருக்கு முகவாதம் ஏற்படுகிறது என்பதை கவனிக்க வேண்டுமெனவும் மருத்துவர்களுக்கு அமெரிக்க அரசு அறிவுறுத்தியுள்ளது.

முகத்தில் இருக்கும் தசைகளை கட்டுப்படுத்தும் நரம்புகள் சுருங்கினாலோ, வீங்கினாலோ இந்த முகவாதம் ஏற்படும். எனினும், தடுப்பூசிகளை முறையாக சோதித்த பிறகே வெளியிட்டுள்ளதாக ஃபைசர் நிறுவனத்தின் தலைமை செயலதிகாரி ஆல்பர்ட் போர்லா தெரிவித்துள்ளார்.

Vijay வந்துவிட்டது மெகா அறிவிப்பு: தளபதி 65 படத்தை இயக்கும் நெல்சன்

இதேபோல, இங்கிலாந்தில் தடுப்பூசி போடப்பட்ட இரண்டு மருத்துவ ஊழியர்களுக்கு அலர்ஜி ஏற்பட்டுள்ளதாகவும் தகவல் வெளியாகியுள்ளது. இதையடுத்து, அலர்ஜியால் பாதிக்கப்பட வாய்ப்பிருப்போர் ஃபைசர் தடுப்பூசியை தவிர்க்கும்படி இங்கிலாந்து அரசு அறிவுறுத்தியுள்ளது.



Source link

Share on Social Media

Leave a Reply

Your email address will not be published. Required fields are marked *