Share on Social Media


லூஃபா எனப்படும் ஸ்பாஞ்சுகள், குளிப்பதற்கு, ஸ்க்ரப் செய்வதற்கு என சில முறைகளுக்காகக் குளியலறையில் பயன்படுத்தப்படுகின்றன. பல வகையான சாதனங்கள் குளியலில் பயன்பாட்டிலிருந்தாலும் கூட ப்ளாஸ்டிக் லூஃபாவை அதிகமாகப் பெண்கள் பயன்படுத்துகின்றனர். ஆனால் இது சருமத்தில் என்ன மாதிரியான விளைவுகளை ஏற்படுத்தும் என்பது ஒரு கேள்வியாக உள்ளது.

இதுகுறித்து மருத்துவர் ஒருவர் கூறும்போது “லூஃபா உங்கள் சருமத்திற்குத் தீங்கு விளைவிக்கும். சருமத்தில் இது எரிச்சலை ஏற்படுத்தும், மேலும் சருமத்தை இது சேதப்படுத்தும். இதனால் சருமத்தில் பாக்டீரியாக்கள் வளர்ச்சியடையலாம், மேலும் இவை அனைத்தும் சருமத்தில் தொற்று நோய்களை ஏற்படுத்தலாம்,” எனக் கூறுகிறார். எனவே லூஃபாவை பயன்படுத்தும் முன்பாக அதுகுறித்து சில விஷயங்களை நீங்கள் தெரிந்து கொள்வது நல்லது.

​அதிக பராமரிப்பு

குளிக்கும்போது நாம் பயன்படுத்தும் இந்த லூஃபா ஸ்பாஞ்சுகளை கடைகளில் இருந்து வாங்கி வந்தவுடன் இப்படியே பயன்படுத்தக் கூடாது. அவற்றைப் பராமரிப்பதற்கென்று சில வழிமுறைகள் இருக்கின்றன.

குளியலறையில் ஈரப்பதம் நிறைந்த சுற்றுப்புறத்தில் லூஃபாக்கள் மணிக்கணக்கில் தொங்கவிடப்படுகின்றன. இதனால் அதில் நுண்ணுயிர்கள் அதிகமாக இருக்க வாய்ப்புள்ளது. எனவே குளிப்பதற்கு முன்பும் பின்பும் அவற்றை சுத்தம் செய்ய வேண்டியது அவசியம். கவனம் செலுத்தவில்லை எனில் அவை நமது சருமத்தில் எரிச்சலை ஏற்படுத்தலாம். எனவே ஒவ்வொரு முறை லூஃபாவை பயன்படுத்தும் போதும் அதை சுத்தம் செய்துவிட மறக்க வேண்டாம்.

​லூஃபாவிற்கு ஒதுக்கும் நேரம்

samayam tamil Tamil News Spot

லூஃபாவை பராமரிப்பதற்காக நீங்கள் தனியாக சில நேரங்களை ஒதுக்க வேண்டியிருக்கும். அவை உலர்த்தப்பட வேண்டும். எப்போதும் அதைக் கழுவி சுத்தமாக வைத்திருக்க வேண்டும். நமது சருமத்திற்குப் பயன்படுத்தப்படும் ஸ்பாஞ்ச் என்பதால் அதன் சுகாதாரத்திற்கு நாம் முக்கியத்துவம் அளித்தாக வேண்டியுள்ளது. இல்லையெனில் அவை சருமத்தில் பாதிப்புகளை ஏற்படுத்தலாம்.

எடையும் ஊளைச்சதையும் குறையணுமா? வாரத்துல ரெண்டு நாள் இந்த சுரைக்காய் சூப் குடிங்க… ரெசிபி இதோ…

​எக்ஸ்ஃபோலியேட்

samayam tamil Tamil News Spot

சொரசொரப்பாக இருப்பதால் சருமத்தில் ஸ்கிரப் போல செயல்பட்டு, எக்ஸ்ஃபோலியேட் செய்ய இந்த ஸ்பாஞ்சுகள் உதவுகின்றன என்று நாம் நினைத்துக் கொண்டிருக்கிறோம். ஆனால் இந்த ஸ்பாஞ்சின் சொரசொரபபுத் தன்மை சரும செல்களைப் புதுப்பிப்பதற்கு பதிலாக, அவற்றை சேதப்படுத்துகின்றன.

சென்சிடிவ் சருமம் உள்ளவர்களுக்கு சருமம் சிவப்பாதல், தடித்தல் போன்ற பிரச்சினைகளை ஏற்படுத்தும். மேலும் அதை நாம் தினமும் செய்யத் தேவையில்லை.

தினமும் செய்வதால் சாதாரண சருமத்திலும்கூட சருமத்தில் சிராய்ப்பு, சிவத்தல் அல்லது வீக்கம் போன்றவை ஏற்படலாம். இதனால் சருமத்தில் உலர்ந்த மற்றும் சீரற்ற நிலை ஏற்படலாம்.

முந்திரி அதிகமாக சாப்பிட்டால் ஏற்படும் நன்மைகளும் தீமைகளும் என்னென்ன… எவ்வளவு சாப்பிடலாம்

​நுரைகள்

samayam tamil Tamil News Spot

குளிக்கும்போது உடலில் தண்ணீர் ஊற்றிக் கொள்வதற்கு முன் லூஃபாவை கொண்டு உடலில் தேய்த்து நுரை வரவழைத்து பிறகு உடலைக் கழுவுவது நல்லது என சிலர் நினைக்கின்றனர். அதனால் உடலில் உள்ள அழுக்குகள் நீங்கிவிடும் என்று நினைக்கிறோம். ஆனால் அதில் எந்தவித பயனும் இல்லை என்றே சரும நிபுணர்கள் கூறுகிறார்கள். சாதாரணமாகத் தண்ணீர் ஊற்றிக்கொள்வதே போதுமானதாக இருக்கும் என்பதே அவர்கள் கருத்து.

எனவே லூஃபா ஸ்பாஞ்சுகளை சருமத்திற்குப் பயன்படுத்துவதற்கு முன்னும் பின்னும் இந்த குறிப்புகளைப் பின்பற்றவும்.



Source link

Share on Social Media

Leave a Reply

Your email address will not be published.