Share on Social Media

​வெங்காய பேஸ்ட் மசாஜ்

வழுக்கை தலைக்கு சிறந்த வீட்டு பராமரிப்பு என்றால் அது சாம்பார் வெங்காயம் என்று சொல்லலாம். சாம்பார் வெங்காயத்தை அரைத்து பேஸ்ட் செய்து விடவும். தலையை அலசி சுத்தம் செய்து வெங்காய பேஸ்ட்டை தடவி விடவும்.

முடி கொட்டவே கூடாதா, எளிமையா கிடைக்கும் இந்த மூலிகைகள் இப்படி பயன்படுத்துங்க! ஆண்களும்!

அதன் மேல் சுத்தமான தேன் தடவி பிறகு 15 நிமிடங்கள் கழித்து மந்தமான அல்லது குளிர்ந்த நீரில் கழுவி எடுத்தால் போதும். வெங்காயத்தில் இருக்கும் சல்பர் உச்சந்தலையில் இருக்கும் இரத்த ஓட்டத்தை தூண்டி முடியின் வளர்ச்சியை ஊக்குவிக்கும்.

​முட்டையின் மஞ்சள் கரு

samayam tamil Tamil News Spot

பலரும் முட்டையின் வெள்ளைக்கருவை மட்டுமே பயன்படுத்தி வரும் நேரத்தில் மஞ்சள் கரு முடி வளர்ச்சிக்கு கூடுதல் நன்மை தரக்கூடும். மஞ்சள் கருவுடன் தேன் கலந்து நன்றாக குழைத்து உச்சந்தலையில் குறிப்பாக சொட்டை இருக்கும் இடங்களில் தடவி குறைந்தது அரை மணி நேரம் வரை வைத்திருக்கவும்.

இப்படி வாரம் இரண்டு முறை செய்து வந்தால் சொட்டையில் முடி வளர்வதை பார்க்கலாம். முடி வளரும் வரை தொடர்ந்து செய்து பிறகு மாதம் ஒரு முறை செய்தால் முடி வளர்ச்சிக்கு தேவையான போஷாக்கு கிடைக்கும்.

​வெந்தய மாஸ்க்

samayam tamil Tamil News Spot

வெந்தயத்தை நீரில் ஊறவைத்து அரைத்து தலை முடிக்க தடவி 40 நிமிடங்கள் வரை தலையில் ஊறவைக்கவும். பிறகு குளிர்ந்த நீரில் அலசி எடுக்கவும். பிறகு தலைக்கு நன்றாக மசாஜ் செய்ய வேண்டும்.

வாரத்தில் இரண்டு முறை என ஒரு மாதத்தில் எட்டு முறை வரை செய்து வந்தால் சொட்டையில் முடி வளர்ச்சியை பார்க்கலாம். வெந்தயம் குளிர்ச்சி என்பவர்கள் வெந்தயத்துடன் சிறிது மிளகு சேர்த்து வந்தால் குளுமை தராது.

​நெல்லிக்காய்

samayam tamil Tamil News Spot

நெல்லிக்காயை துண்டுகளாக்கி கொட்டை நீக்கவும். நெல்லிக்காய் துண்டுகளை தேங்காய் எண்ணெயில் போட்டு நன்றாக கொதிக்க வைத்து இறக்கி குளிர்ந்ததும் கண்ணாடி பாட்டிலில் ஊற்றி வைக்கவும்.

இந்த எண்ணெயை தினமும் தலையில் தடவி விரல்களால் வட்ட வடிவ இயக்கங்களில் மசாஜ் செய்து வந்தால் சொட்டை தலையில் முடி வளரும். முடி வளர்ச்சி தூண்டப்படும்.

​சிகைக்காய் மாஸ்க்

samayam tamil Tamil News Spot

சிகைக்காய் வாங்கி இரண்டு கைப்பிடியளவு எடுத்து அரை 1 லிட்டர் நீரில் போட்டு அது பாதியாக சுண்டும் வரை கொதிக்க வைக்க வேண்டும். பிறகு அந்த நீரில் கற்றாழை ஜெல் சேர்த்து கலந்து அதை உச்சந்தலையிலும் சொட்டை விழுந்த பகுதிகளிலும் நன்றாக தடவி எடுக்கவும்.

30 நிமிடங்கள் வரை வைத்திருந்து பிறகு வெற்று நீரில் அலசி வர வேண்டும். வாரத்தில் மூன்று நாட்கள் வரை இப்படி செய்து வந்தால் நல்ல பலன் கிடைக்கும்.

​கடுகு எண்ணெய் மசாஜ்

samayam tamil Tamil News Spot

பாத்திரத்தில் ஒரு கப் கடுகு எண்ணெய் விட்டு இலேசாக சூடேற்றவும். இதில் 4 டீஸ்பூன் மருதாணி இலைகளை சேர்த்து கொதிக்க விட்டு இறக்கி குளிர விட வேண்டும். பிறகு இந்த எண்ணெயை வடிகட்டி கண்ணாடி பாட்டிலில் விட்டு தினமும் தலைக்கு தடவி வர வேண்டும். காலை, மாலை இரண்டு வேளையும் இந்த எண்ணெயை உச்சந்தலையில் தடவி தலை முழுவதும் மசாஜ் செய்ய வேண்டும்.

ஐந்து நிமிடங்கள் மென்மையாக வட்ட வடிவில் மசாஜ் செய்து வருவதன் மூலம் முடி வளராத இடங்களிலும் முடி வளர்ச்சி துரிதமாக வேகமாக இருக்கும்.

​இதர குறிப்பு

samayam tamil Tamil News Spot

ஆண்கள் முடி பராமரிப்பில் கவனம் செலுத்துவது போன்று கூந்தலை சுத்தமாக வைத்திருக்க வேண்டும். கூந்தலுக்கு போஷாக்கு கொடுப்பது போன்ற உணவுகள் மீது கவனம் செலுத்த வேண்டும்.

காய்கறிகள், பழங்கள், முழு தானியங்கள், நிறைவுறா கொழுப்புகள், மெலிந்த புரதங்கள் என திட்டமிட்டு நிறைவாகஎடுத்துகொள்ள வேண்டும் அன்றாட உணவில் இருக்கும் சில வைட்டமின்கள் ஆரோக்கியமான கூந்தலுடன் தொடர்பு கொண்டவை.

இந்திய பெண்களின் முடி நீளமா அழகா இருக்கும் ரகசியம் இதுதான், நீங்களும் ட்ரை பண்ணுங்க!

உணவில் அவ்வபோது பீன்ஸ் வகைகள், பச்சை இலை காய்கறிகள், இரும்புச்சத்து நிறைந்த உணவுகள், முட்டை, சால்மன் மீன், கானங்கெளுத்தி, டுனா போன்ற மீன்கள், முட்டையின் மஞ்சள் கரு, ஆளி விதைகள் அக்ரூட் பருப்புகள் மற்றும் ஒமேகா 3 கொழுப்பு அமிலங்கள் நிறைந்த உணவுகள் போன்ற உயர் புரத உணவுகள் அவசியம்.

அதே நேரம் உடலில் போதுமான நீர்ச்சத்தும் அவசியம். இவையெல்லாம் சரியாக இருந்தால் ஆரம்ப நிலையில் சொட்டை ஏற்படுவதை தடுக்கலாம்.

Thanks for the Source

Share on Social Media

Leave a Reply

Your email address will not be published. Required fields are marked *