Share on Social Media


ஹைலைட்ஸ்:

  • மாலி பிரதமர், அதிபர் விடுவிப்பு
  • பதவி பறிக்கப்பட்ட நிலையில் விடுவித்த ராணுவம்

ஆப்பிரிக்க நாடான மாலியின் அதிபர், பிரதமர், ராணுவ அமைச்சர் ஆகியோர் மூன்று தினங்களுக்கு முன் ராணுவத்தால் சிறைபிடிக்கப்பட்டனர். இதனால் மாலியில் அரசியல் குழப்பம் ஏற்பட்டது. மூவரையும் நிபந்தனையின்றி உடனடியாக விடுவிக்க வேண்டுமென அமெரிக்காவும் அறிவுறுத்தியது.

கைது செய்யப்பட்டவர்கள் ராணுவ காவலில் இருந்தபோது ராஜினாமா செய்ய வைக்கப்பட்டனர். இந்நிலையில் அதிபரும், பிரதமரும் விடுவிக்கப்பட்டுள்ளதாக மாலில் ராணுவம் தெரிவித்துள்ளது. சொன்னபடியே இருவரும் விடுவிக்கப்பட்டுள்ளதாக ராணுவ மூத்த அதிகாரி தெரிவித்துள்ளார்.

இருவரும் விடுவிக்கப்பட்டுவிட்டதாக அவர்களின் குடும்பத்தினரும் உறுதிசெய்துள்ளனர். கடந்த ஆண்டு ஆகஸ்ட் மாதம் மாலியில் ஏற்பட்ட ராணுவக் கிளர்ச்சியின்போது அப்போதைய அதிபர் இப்ராஹிம் பபுபக்கர் கெய்தாவின் பதவி பறிக்கப்பட்டு சிறைபிடிக்கப்பட்டார்.

மூன்றாம் டோஸ் தடுப்பூசியும் போடணுமா? அதிர்ச்சி அறிவிப்பு!
ஊழல் குற்றச்சாட்டுகள், பயங்கராவ ஊடுருவலை கட்டுப்படுத்த தவறியது ஆகிய காரணங்களுக்காக இப்ராஹிமை எதிர்த்து பரவலான போராட்டங்கள் எழுந்தபின் அவர் பதவியில் இருந்து தூக்கிவீசப்பட்டார்.

எனினும், ராணுவ ஆட்சிக்கு எதிர்ப்பு எழுந்த நிலையில் அதிபராக பாண்டாவும், பிரதமராக மோக்டார் அவுனேவும் நியமிக்கப்பட்டனர். இந்நிலையில், இவர்களையும் தற்போது மாலி ராணுவம் கைது செய்தது சர்வதேச அளவில் கண்டனக் குரல்களை எழுப்பியது. இந்நிலையில் அவர்களை ராணுவம் விடுவித்துள்ளது.



Source link

Share on Social Media

Leave a Reply

Your email address will not be published. Required fields are marked *