1601996990 pic Tamil News Spot
Share on Social Media

நம் மனது கஷ்டப்படும் போதும் சரி , நாம் பிரச்சினைகளை நினைத்து கவலை கொள்ளும் போதும் சரி இப்படி எது நடந்தாலும் நம் கண்களில் இருந்து கண்ணீர் வர ஆரம்பித்து விடும். ஆனால் இந்த கண்ணீர் என்னவோ பெண்களுக்கு மட்டுமே உரித்தான ஒன்றாக பார்க்கப்படுகிறது. ஆனால் உளவியல் ரீதியாக பார்க்கும் போது மனிதனாக பிறந்த யாருக்கும் அழுகை என்பது பொதுவான ஒன்று தான். கஷ்டம் வரும் போது நம் வேதனையை கண்ணீராக வெளிப்படுத்துவது இயல்பான விஷயம் தான். உண்மையில் சொல்லப்போனால் அழுவதால் நமக்கு நிறைய நன்மைகள் கிடைக்கிறது என்கிறார்கள் உளவியல் நிபுணர்கள். வேதனைகளை மனதுக்குள்ளே போட்டு அமுக்குவதை விட அழுவது நல்லது. இது உங்க மன பாரத்தை குறைக்கும்.

ஆனால் நிறைய பேர் அழுகை வந்தால் அதை கட்டுப்படுத்த ஆரம்பித்து விடுவார்கள். ஆனால் அழுகை என்பது பலவித உணர்ச்சிகளை வெளிப்படுத்த உதவுகிறது. அழுகை என்பது வெறும் வேதனைக்கு மட்டுமல்ல மகிழ்ச்சியான தருணத்தில் கூட ஆனந்தக் கண்ணீர் வருவதுண்டு.

இது குறித்து மனநல மருத்துவர் கூற்றுப்படி ஒரு குழந்தை அழுகும் போது பசிக்காக அல்லது உதவிக்காக அழுகிறான் என்று அர்த்தம். உண்மையில் அழுகை என்பது கூட ஒரு பாஷை தான். நீங்கள் ஆதரவைத் தேடும் மற்ற நபருடன் தொடர்புகொள்வதற்கான சொற்கள் அல்லாத வழியாகும்.

அழுவதால் அப்படி என்ன நன்மைகள் கிடைக்கிறது என விளக்குகிறார் உளவியல் நிபுணர்
அழுகை உங்களை ரிலாக்ஸ் செய்யும்

சர்க்கரை வியாதி உள்ளவர்கள் பயப்படாமல் இந்த 4 பழங்களையும் தாராளமாக சாப்பிடலாம்…

நீங்கள் அழுத்தமாக இருக்கும்போது கார்டிசோல் அல்லது ஸ்ட்ரெஸ் ஹார்மோன்கள் உங்கள் உடலில் வெளியிடப்படுகின்றன. இது உங்கள் உணர்ச்சிகளை அதிகரிக்கிறது. இது உங்க கண்ணீர் குழாய்களைத் தூண்டும். நீங்கள் ஒரு உணர்ச்சி நிலையில் இருக்கும் போது உங்க கண்ணீருடன், புரதம் மற்றும் மன அழுத்த ஹார்மோன்களும் வெளியிடப்படுகின்றன. குறிப்பாக கோபமாக அல்லது அழுத்தமாக இருக்கும் போது இது நிகழ்கிறது.

அழுகும் போது லுசின் என்கெஃபாலின்களின் வெளியீடு உள்ளது. இது எண்டோர்பின்களை உண்டாக்குகிறது. அதாவது மகிழ்ச்சிக்கான ஹார்மோன் இது உங்க வலியை குறைக்கும் அதே மாதிரி உங்க மனநிலையை உயர்த்த உதவி செய்யும். அதன் பிறகு உங்க பாராசிம்பேடிக் நரம்பு மண்டலம் (பி.என்.எஸ்) சிக்னலை பெற்று எல்லாம் நன்றாக இருக்கிறது என்று உடலுக்கு சமிக்ஞைகளை அனுப்புகிறது. இது உங்களை நிம்மதியாக உணர வைக்கும்.
அழுவது உணர்ச்சியை சமநிலையில் மீட்டெடுக்க உதவுகிறது

நாம் மிகவும் மகிழ்ச்சியாக அல்லது கவலையாக இருக்கும்போது அழுவோம். ஏனென்றால் நாம் அனைவரும் அந்த உணர்ச்சிகளில் அதிகமாக இருப்பதன் வெளிப்பாடு. அந்த நேரத்தில உங்க உடல் அழுவதன் மூலம் பதிலளிக்கிறது. இதனால் உணர்ச்சிகளின் சுனாமியைக் கட்டுப்படுத்தலாம் மற்றும் இயல்பு நிலைக்கு உங்களால் திரும்ப முடியும்.

உணவில் சாதாரண உப்புக்கு பதிலா இந்த கருப்பு உப்பு யூஸ் பண்ணுங்க… அதுல இவ்ளோ நன்மை இருக்கு…

ஒரு நல்ல அழுகை உண்மையில் உங்களை இலகுவாகவும் சிறப்பாகவும் உணர வைக்கும் . இது உங்கள் மனதைத் தணிக்கிறது. அதனால்தான் பெரும்பாலோர் அழுதபின் தூங்குவதைப் போல உணர்கிறார்கள். ஏனென்றால் மன அழுத்தங்கள் உடலில் இருந்து விடுவிக்கப்படுகின்றன. மேலும் உங்கள் மனம் மிகவும் அமைதியாக உணரும்.

இருப்பினும் உங்க அழுகை அடிக்கடி நேர்கிறது என்றாலோ அல்லது கண்ணீர்த் துளிகளாக வருகிறது என்றாலோ நீங்கள் மன உளைச்சலில் இருப்பதை குறிக்கிறது. நீங்கள் உங்க மன உளைச்சலை போக்க உளவியல் நிபுணர்களின் உதவியை நாடலாம்.

எனவே அடுத்த முறை நீங்கள் அழுகும் போது உங்களை யாராவது பலகீனமானவர்கள் என்று அழைக்கிறார்கள் என்றால் அதைக் கண்டு கவலை கொள்ளாதீர்கள். உங்க மன அமைதிக்காக பழைய நிலைக்கு திரும்ப அழுவதில் தப்பில்லை.

Thanks for the Source

Share on Social Media

Leave a Reply

Your email address will not be published. Required fields are marked *