Share on Social Media

செரிமான பிரச்சனை, வீக்கம், வயிற்றுப்போக்கு அல்லது மலச்சிக்கல் போன்ற பிரச்சனைகள் உள்ளவரா நீங்கள்? உங்கள் சமையலறையில் இருக்கும் சில பொருட்கள் உங்களுக்கு உதவ வருகிறது. ஆரோக்கியமான வாழ்க்கை முறையில் நமது உடல் ஆரோக்கியமாக இருப்பதற்கு வளர்சிதை மாற்றங்கள் முக்கிய காரணமாக உள்ளன. உணவை விட சிறந்த மருந்து வேறொன்றும் இல்லை. நாம் உண்ணும் உணவு நமது செரிமான அமைப்பை பாதுகாப்பாக வைப்பதில் முக்கிய பங்கு வகிக்கிறது. உணவு பழக்க வழக்கங்களில் ஏற்படும் பிரச்சினைகள் காரணமாக செரிமான அமைப்பு பாதிக்கப்படும் வாய்ப்புகள் அதிகம்.

​ஃபாஸ்ட் ஃபுட்ஸ்

வறுத்த உணவுகள், பதப்படுத்தப்பட்ட இறைச்சிகள் மற்றும் மிகவும் குளிர்ச்சியான உணவுகள் நமது உடலுக்கு தீங்கு விளைவிப்பவை என்று ஆயுர்வேதத்தில் கூறப்படுகிறது. மேலும் இவை நமது உடலில் நச்சுக்களை உருவாக்கி செரிமான பிரச்சனைகளை ஏற்படுத்தலாம். நமது வளர்சிதை மாற்றத்தை ஆரோக்கியமாக வைத்துக் கொள்ள நல்ல உணவுப் பழக்கம் இருப்பது அவசியம். பெரும்பாலான ஆயுர்வேத பயிற்சியாளர்கள் கூறும் சில ஆலோசனைகளை பற்றி இங்கு தெரிந்து கொள்வோம்.

​பசிக்கும்போது உணவு உண்ணுதல்

samayam tamil Tamil News Spot

ஒருவேளை உணவுவிற்கு பின் குறைந்தது மூன்று மணி நேர இடைவெளி விட்டு அடுத்த வேளை உணவை எடுத்துக் கொள்ளுங்கள். இதன் மூலம் ஏற்கனவே சாப்பிட்ட உணவு செரிமானம் ஆவதற்கான நேரம் கிடைக்கிறது. குளிர்ச்சியான, காரமான, எண்ணெய் நிறைந்த மற்றும் வறுத்த உணவுகளை எடுத்துக் கொள்வதைத் தவிர்த்து விடுங்கள். எளிமையான ஒரு உணவு உங்களது உடல் ஆரோக்கியத்திற்கு மிகவும் சிறந்தது. நெய் செரிமானத்தை மேம்படுத்த உதவும். உணவை நன்றாக மென்று விழுங்குவது ஆரோக்கியமான செரிமானத்திற்கு உதவுகிறது.

​மலச்சிக்கல்

samayam tamil Tamil News Spot

நெய், உப்பு, சூடான நீரில் தயாரிக்கப்பட்ட பானங்களை எடுத்துக் கொள்ளுங்கள். இது மலச்சிக்கல் பிரச்சனையை சரி செய்ய உதவுகிறது. உப்பு நமது உடலில் உள்ள பாக்டீரியாவை நீக்குவதற்கு உதவுகிறது. நெய்யில் உள்ள ப்யூட்ரேட் அமிலம் ஒரு கொழுப்பு அமிலம் ஆகும். இது அழற்சி எதிர்ப்பு பண்புகளை கொண்டுள்ளது. இதனால் செரிமானத்திற்கு பெரிதும் உதவுகிறது. இரவு உணவு உண்ட பிறகு 2 மணி நேரம் கழித்து பழுத்த வாழைப்பழத்தை சாப்பிடலாம். அதனுடன் ஒரு கிளாஸ் சூடான பால் அல்லது சூடான நீரை அருந்தலாம். 1 1/4 கப் சூடான நீரில் ஒரு தேக்கரண்டி நெய் மற்றும் அரை தேக்கரண்டி உப்பு சேர்த்து கலக்கவும். இரவு உணவிற்கு பிறகு ஒரு மணி நேரம் கழித்து இந்த பானத்தை அருந்தலாம். இது செரிமான பிரச்சனையை சரி செய்ய உதவுகிறது.

​வீக்கம்

samayam tamil Tamil News Spot

ஒரு டம்ளர் வெதுவெதுப்பான நீரில் பெருஞ்சீரகம் சேர்த்து அருந்தலாம். உங்களுக்கு தேவை என்றால் இதனுடன் ஒரு துளி தேன் சேர்க்கலாம். ஒருவேளை உங்களுக்கு இதை பானமாக அருந்த விருப்பம் இல்லை என்றால் உணவு அருந்திய பிறகு பெருஞ்சீரகத்தை நன்றாக மென்று சாப்பிடுவது செரிமான பிரச்சினைக்கு உதவுகிறது.

மேலும் வாயு மற்றும் வீக்கம் போன்ற பிரச்சனைகளையும் குறைக்க உதவுகிறது. நீங்கள் தேநீர் குடிப்பவராக இருந்தால் உங்கள் தேநீரில் பெருஞ்சீரகம், புதினா போன்றவற்றை சேர்த்து அருந்தலாம். ஒரு டீஸ்பூன் சீரகத்தை வறுத்து அதை கொதிக்க வைத்த தண்ணீரில் கலந்து கொள்ளவும். இதனுடன் சிறிது இஞ்சி, சிறிது பெருங்காயத் தூள், மற்றும் உப்பு ஆகியவற்றை சேர்த்து கொள்ளவும். உணவு உண்ட பிறகு இந்த பானத்தை நீங்கள் அருந்தலாம்.

​அமிலத்தன்மையை சமபடுத்த

samayam tamil Tamil News Spot

பெருஞ்சீரகம், துளசி மற்றும் கிராம்பு போன்றவை வாயில் வைத்து மென்று சாப்பிடும் போது அதிக பலனைக் கொடுக்கிறது. இளநீர் மற்றும் மோர் போன்ற பானங்களை அருந்துவதை ஆயுர்வேதத்தில் பரிந்துரைக்கின்றனர். மோர் வயிற்றை குளிர்ச்சி அடைய செய்து செரிமானத்திற்கு உதவுகிறது. மேலும் அமிலத்தன்மையினால் ஏற்படும் எரிச்சலை குறைக்க உதவுகிறது. கால் கப் தயிருடன் முக்கால் கப் தண்ணீர் சேர்த்து கலந்து கொள்ளவும். இதனுடன் கல் உப்பு, வறுத்த சீரகம், அரைத்த இஞ்சி, சிறிது கொத்தமல்லி இலைகள் சேர்த்து கலக்கி அருந்தலாம்.

​வயிற்றுப்போக்கு

samayam tamil Tamil News Spot

வயிற்றுப்போக்குக்கு சுரைக்காய் சிறந்த ஒரு உணவாகும். சுரைக்காய் தக்காளி சேர்த்து தயாரிக்கப்பட்ட ஒரு சூப் அல்லது பொரியல் போன்றவை அரிசி உணவுடன் எடுத்துக் கொள்ள சிறந்ததாகும். அதிக நார்ச்சத்து மற்றும் நீர் உள்ளடக்கங்களை இந்த காய் கொண்டுள்ளது. மேலும் இது எளிதில் செரிமானமாகக்கூடிய ஒரு உணவாகும். குறைந்த கலோரி உள்ள உணவு. வயிற்றுப்போக்கு பிரச்சினை இருக்கும் போது நீர் இழப்பை தவிர்க்க அதிக நீர்சத்து கொண்ட உணவுகளை எடுத்துக் கொள்ள வேண்டும்.

சாதாரணமாக நாம் அருந்தும் தண்ணீர் நீர்ச்சத்து தரும் என்றாலும், மோர் அல்லது பழச்சாறுகள் அதிக நீர்சத்தினை தரும் வாய்ப்புகள் உள்ளது. ஆப்பிள் மற்றும் மாதுளை போன்ற ஜூஸ்களையும் எடுத்துக் கொள்ளலாம். இஞ்சி கலந்த தேநீரில் அதிக அளவில் ஆன்டி-ஆக்ஸிடன்ட்கள் நிறைந்திருப்பதால் இது செரிமான பிரச்சனையை சரி செய்ய உதவுகிறது. ஒரு சிறு துண்டு இஞ்சியுடன் 1 1/4 கப் தண்ணீர் சேர்த்து கொதிக்க விடவும். அதனுடன் சிறிது சோம்பு மற்றும் மஞ்சள் தூள் ஆகியவற்றைச் சேர்த்து கொதிக்க விட்டு பின்னர் ஆர வைத்து குடிக்கலாம்.

​அஜீரணம்

samayam tamil Tamil News Spot

காய்கறி உணவுகளும் பழங்களும் அஜீரண பிரச்சினைக்கு ஒரு மருந்தாக இருக்கும். உங்களுக்கு அஜீரண பிரச்சினை ஏற்படுகிறது என்றால் பால் மற்றும் எளிதில் ஜீரணமாகாத உணவுகளை தவிர்க்கலாம். வேகவைத்த காய்கறிகளுடன் இஞ்சி, இலவங்கப்பட்டை, மிளகு போன்றவை சேர்த்துக் கொள்வதன் மூலம் அது செரிமான பிரச்சனைக்கு உதவுகிறது.

செரிமான பிரச்சனைகளை சரிசெய்ய பழச்சாறுகளும் முக்கிய பங்கு வகிக்கிறது. வெங்காயம், தேன் மற்றும் பூண்டு செரிமான பிரச்சனைகளுக்கு ஒரு சிறந்த நிவாரணியாக உள்ளது. 3 அல்லது 4 பூண்டு 10 12 துளசி இலைகள் மற்றும் கால் கப் அருகம்புல் சாறு ஆகியவற்றை சேர்த்து பானம் தயாரித்து ஒரு நாளைக்கு ஒரு முறை குடித்து வந்தால் அஜீரணக் கோளாறுகள் சரியாகும்

Thanks for the Source

Share on Social Media

Leave a Reply

Your email address will not be published. Required fields are marked *