Share on Social Media


​பிசிஒஎஸ் பிரச்சனைக்கு வீட்டு வைத்தியம்

பிசிஓஎஸ் பிரச்சனைக்கு இருக்கும் வீட்டு வைத்தியம் மற்றும் செய்ய வேண்டியவை செய்ய கூடாதவை குறித்து ஆயுர்வேத மருத்துவ நிபுணர் டாக்டர். G.K.தாராஜெயஸ்ரீ BAMS தரும் குறிப்புகளை பார்க்கலாம்.

வீட்டு வைத்தியம்

ஒரு டம்ளர் வெதுவெதுப்பான நீரில் ஒரு டீஸ்பூன் இலவங்கப்பட்டை பொடியை சேர்த்து தினமும் குடித்து வந்தால் நல்ல பலன் கிடைக்கும்.

ஆளி விதைகளை பொடி செய்து ஒரு டம்ளர் தண்ணீரில் கலந்து சில மாதங்கள் குடித்து வந்தால் ஓரளவு பலன் கிடைக்கும்.

ஆப்பிள் சீடர் வினிகர் 2 டீஸ்பூன் எடுத்து தண்ணீரில் கலந்து தினமும் வெறும் வயிற்றில் காலை சாப்பிடுங்கள்.

Pal Vali : பல் வலிக்கு பக்கவிளைவில்லாத வீட்டு வைத்தியம்! மருத்துவர் சொல்லும் குறிப்புகள்!

பாகற்காய் மற்றும் கறுவேப்பிலை இரண்டின் இலைகள் மற்றும் காய்கறிகளை பிசிஓஎஸ் உள்ள பெண்கள் எடுத்துகொள்ளலாம்.

வெந்தய விதைகளை இரவு முழுவதும் தண்ணீரில் ஊறவைத்து காலையில் 1 டீஸ்பூன் எடுத்து தேனுடன் கலந்து சாப்பிடலாம். மதிய உணவு மற்றும் இரவு உணவுக்கு முன்பும் 1 டீஸ்பூன் எடுத்துகொள்ள வேண்டும். வழக்கமாக எடுத்து வரும் போது சில வாரங்களில் நேர்மறையான முடிவுகளை காட்டும். வெந்தய விதைகள் போன்று வெந்தய கீரைகளையும் சமையலில் சேருங்கள்.

மூலிகைகள்

samayam tamil Tamil News Spot

காலையில் வெறும் வயிற்றில் 10 துளசி இலைகளை மென்று சாப்பிடுங்கள். துளசி நீரை கொதிக்க வைத்து எடுத்துகொள்ளுங்கள்.

நெருஞ்சி முள்ளை பயன்படுத்தி தயாரிக்கப்படும் கஷாயம் அண்டவிடுப்பை தூண்டி ஆரோக்கியமான மாதவிடாய்க்கு உதவுகிறது. இது கூட இருக்கலாம். கருப்பை நீர்க்கட்டிகளின் எண்ணிக்கையையும் இது குறைக்கிறது.

(பிப்பளி) திப்பிலி எடையை நிர்வகிக்க உதவுகிறது. இது இன்சுலின் எதிர்ப்பை மேம்படுத்துகிறது மற்றும் ஹார்மோன் அளவை சமநிலைப்படுத்துகிறது.

வில்வ இலைகளை பயன்படுத்தி தயாரிக்கப்படும் கஷாயம், நீர்க்கட்டிகளின் அளவை குறைக்கவும், செயலிழந்த கருப்பைக்கு சிகிச்சையளிக்கவும் உதவுகிறது. குறிப்பாக பிசிஓஎஸ் காரணமாக உண்டாகும் இரத்தபோக்குக்கு இவை உதவும்.

பிசிஓஎஸ் மருந்தாக மூலிகைகள் எடுப்பதாக இருந்தால் மருத்துவரின் ஆலோசனையுடன் எடுக்கவும்.

​பிசிஓஎஸ் நோயாளிகள் செய்ய வேண்டியவை

samayam tamil Tamil News Spot

பால் மற்றும் பால் பொருள்களை தவிர்க்க வேண்டும். அல்லது உட்கொள்ளும் அளவை குறைக்க வேண்டும். மாற்றாக மோர் சேர்க்கலாம்.

பிசிஓஎஸ் கொண்டிருக்கும் பெண்கள் தங்கள் இனிப்பு உட்கொள்ளும் அளவை கட்டுப்படுத்த வேண்டும். அதிகப்படியான கலோரி உட்கொள்ளலை சமப்படுத்த வேண்டும். அதற்கு உடற்பயிற்சிகள் மற்றும் யோகா உதவும்.

உணவில் இலவங்கப்பட்டை, பூண்டு வெந்தயம் போன்ற மூலிகைகளை உணவில் சேர்க்க வேண்டும். டீ குடிக்கும் வழக்கம் இருந்தால் புதினா அல்லது க்ரீன் டீ குடிக்கலாம்.

​பிசிஓஎஸ் இருக்கும் பெண்கள் செய்ய கூடாதவை

samayam tamil Tamil News Spot

ஆழ்ந்த தூக்கம் கொண்டிருப்பது நல்லது. பகல் நேரத்தில் உறங்குவதை தவிர்க்கவும்.

அனைத்து வகையான குப்பை உணவுகளுக்கும் குட் -பை சொல்லுங்கள்.

தேவையற்ற மன அழுத்தத்தை ஏற்படுத்தக்கூடிய உடல் அல்லது மன வேலையையும் மேற்கொள்வதை தவிர்க்க வேண்டும்.

keelanelli : சிறுநீரக கல், பித்தப்பை கல் கரைக்கும், பாலியல் நோய்க்கு தீர்வு தரும் கீழாநெல்லிய, எப்படி பயன்படுத்துவது?

புகைப்பழக்கம், மதுபானம் மற்றும் போதை பொருள்கள் பழக்கம் இருந்தால் அதை தவிர்க்க வேண்டும். ஏனெனில் இது மாதவிடாய் சுழற்சியை எதிர்மறையாக பாதிக்கும்.



Source link

Share on Social Media

Leave a Reply

Your email address will not be published. Required fields are marked *