Share on Social Media


ஹைலைட்ஸ்:

  • டிச. 12 முதல் மீண்டும் முழு ஊரடங்கு?
  • அரசு வெளியிட்ட பரபரப்பு தகவல்!

கொரோனா வைரஸ் பரவல் குறைந்து வருவதை அடுத்து அமலில் உள்ள ஊரடங்கு நீட்டிக்கப்படுமா என்ற கேள்விக்கு அரசு பதில் அளித்துள்ளது.

கடந்த 2019 ஆம் ஆண்டு பரவிய கொரோனா வைரஸ் தொற்று, ஒன்றரை ஆண்டு காலமாக உலக மக்களை பாடாய் படுத்தி விட்டது. தற்போது கொரோனா தொற்றுக்கு எதிராக தடுப்பூசிகள் செலுத்தப்பட்டு வரும் நிலையில், தென் ஆப்பிரிக்க நாட்டில், கொரோனா வைரஸ் தொற்று தனது புதிய அவதாரத்தை எடுத்துள்ளது. இந்த வைரஸ் தொற்றுக்கு ஒமைக்ரான் என பெயர் வைக்கப்பட்டு உள்ளது.

மேற்கு ஐரோப்பா நாடான ஆஸ்திரியாவில், கடந்த சில நாட்களாக கொரோனா வைரஸ் தொற்றால் பாதிக்கப்படுவோரின் எண்ணிக்கை அதிகரித்து வந்தது. இதன் காரணமாக அந்நாட்டில் கடந்த நவம்பர் மாதம் 22 ஆம் தேதி முதல், முழு ஊரடங்கு அமலில் உள்ளது. அதிகரிக்கும் கொரோனா தொற்று மற்றும் கொரோனா தடுப்பூசி போடும் பணியை துரிதப்படுத்தும் நோக்கில் இந்த முழு ஊரடங்கு பிறப்பிக்கப்பட்டதாக அரசுத் தரப்பில் தெரிவிக்கப்பட்டது. இதைத் தொடர்ந்து வரும் 11 ஆம் தேதி வரை முழு ஊரடங்கை நீட்டித்து ஆஸ்திரியா அரசு அண்மையில் உத்தரவிட்டது.
BREAKING: பிபின் ராவத் பயணித்த ராணுவ ஹெலிகாப்டர் விபத்து – 4 பேர் பலி!
அமலில் உள்ள முழு ஊரடங்கு வரும் 11 ஆம் தேதி முடிவடைய உள்ள நிலையில், மீண்டும் முழு ஊரடங்கு நீட்டிக்கப்பட வாய்ப்பில்லை என ஆஸ்திரியா அரசு தெரிவித்துள்ளது. இது தொடர்பாக ஆஸ்திரியா அதிபர் கார்ல் நெஹாம்மர் தெரிவித்ததாவது:
வரும் ஞாயிற்றுக்கிழமைக்கு பிறகு முழு ஊரடங்கு இல்லை. ஆனால் கொரோனா தடுப்பூசி போடாதவர்களுக்கு மட்டும் முழு ஊரடங்கு தொடரும். அவர்கள் அத்தியாவசியமின்றி வெளியே வரத் தடை விதிக்கப்படுகிறது.

கடந்த இரண்டு வாரங்களாக முழு ஊரடங்கு அமல்படுத்தியதன் பலனாக நாட்டில் கொரோனா வைரஸ் பாதிப்பு குறைந்துள்ளதோடு, தடுப்பூசி செலுத்தியோரின் எண்ணிக்கையும் அதிகரித்து வருவதால் முழு ஊரடங்கு உத்தரவு திரும்பப் பெறப்படுகிறது. எனினும் ஓட்டல்கள், விடுதிகளில் சில கட்டுப்பாடுகள் தொடர்ந்து அமலில் இருக்கும்.
இவ்வாறு அவர் கூறினார்.



Source link

Share on Social Media

Leave a Reply

Your email address will not be published.