Share on Social Media


ஹைலைட்ஸ்:

  • ஆங் சாங் சூகி, அதிபர் வின் மைன்ட் உள்ளிட்ட முக்கிய அரசியல் தலைவர்களை கைது செய்து தடுப்புக் காவலில் வைக்கப்பட்டனர்
  • புதிய அரசை ஏற்கவும் ராணுவம் மறுப்பு தெரிவித்து வந்தது

மியான்மரில் கடந்த தேர்தலில் ஆங் சாங் சூகியின் தேசிய ஜனநாயகக் கட்சி மீண்டும் வெற்றி பெற்று ஆட்சி அமைத்தது. ஆனால், தேர்தலில் முறைகேடு நடைபெற்றதாக அந்நாட்டு ராணுவம் தொடர்ந்து குற்றம் சாட்டி வந்ததுடன், புதிய அரசை ஏற்கவும் ராணுவம் மறுப்பு தெரிவித்து வந்தது.

அதன் தொடர்ச்சியாக, மியான்மரில் ஜனநாயக ரீதியில் தேர்ந்தெடுக்கப்பட்ட அரசை கடந்த பிப்ரவரி மாதம் 1ஆம் தேதி கவிழ்த்துவிட்டு ஆட்சியை அதிகாரத்தை அந்நாட்டு ராணுவம் கைப்பற்றியது. அத்துடன், ஆங் சாங் சூகி, அதிபர் வின் மைன்ட் உள்ளிட்ட முக்கிய அரசியல் தலைவர்களை கைது செய்து தடுப்புக் காவலில் வைத்தது.

இதையடுத்து, மியான்மரில் ராணுவ ஆட்சிக்கு எதிராகப் பல்வேறு பகுதிகளில் போராட்டங்கள் நடைபெற்றன. ஆனால், ராணுவம் விதித்துள்ள தடையை மீறி இந்தப் போராட்டங்கள் நடைபெற்று வருவதால் போராட்டத்தை ஒடுக்க அடக்கு முறையை ராணுவம் கையாண்டு வருகிறது. இதனால், ஏராளமான உயிரிழப்புகளும் ஏற்பட்டன.
ஸ்டாலின் வீட்டில் மற்றொரு அரசியல் வாரிசா? அடுத்து என்ன?
இதனிடையே, 2023ஆம் ஆண்டு ஆகஸ்ட் மாதம் வரை ராணுவ ஆட்சியின் பதவிக்காலம் நீட்டிக்கப்படுவதாகவும், அதற்குள் தேர்தல் நடத்தப்பட்டு அவசர நிலை நீக்கப்படும் என்றும் ராணுவத் தலைவர் மின் ஆங் தெரிவித்தார்.

கொரோனாவிலிருந்து மீண்டுவிட்டேன்; தேர்தலுக்காக உழைப்போம் வாருங்கள்; கமல் அழைப்பு!

இந்த நிலையில், ஆங் சாங் சூகிக்கு எதிரான வழக்கை விசாரித்து வந்த அந்நாட்டு நீதிமன்றம், அவருக்கு நான்கு ஆண்டுகள் சிறைத்தண்டனை விதித்து தீர்ப்பளித்துள்ளது. ஆங் சாங் சூகிக்கு 505(பி) பிரிவின் கீழ் இரண்டு ஆண்டுகள் சிறைத்தண்டனையும், இயற்கை பேரிடர் சட்டத்தின் கீழ் இரண்டு ஆண்டுகள் சிறைத்தண்டனையும் விதிக்கப்பட்டுள்ளது. அதேபோல், முன்னாள் அதிபர் வின் மைன்ட்டுக்கும் இதே பிரிவுகளின் கீழ் நான்கு ஆண்டுகள் சிறைத்தண்டனை விதிக்கப்பட்டுள்ளது.



Source link

Share on Social Media

Leave a Reply

Your email address will not be published. Required fields are marked *