Share on Social Media

மிதமான ஆஸ்துமா நோயாளிகள் தினமும் அறிகுறீகளை அனுபவிக்கிறார்கள். இந்த அறிகுறிகள் தீர்வதற்கு பல நாட்கள் வரையில் ஆகலாம். கடுமையான ஆஸ்துமா நோயாளிகள் ஒரு நாளைக்கு பல முறை அறிகுறிகளை எதிர்கொள்கிறார்கள். பல இரவுகள் அறிகுறிகளால் அவஸ்தைபடுகிறார்கள்.

​கொரோனாவும் ஆஸ்துமாவும்

கொரோனா பாதிப்பு வந்தால் அது முதன் முதலில் சுவாசக்குழாயை பாதிக்க செய்யும் வைரஸ். ஆஸ்துமா நோயாளிகள் ஏற்கனவே சுவாச அறிகுறிகளை கொண்டிருப்பதால் அவர்களுக்கான பாதிப்பு அதிகரிக்க செய்யும்.

கருப்பு, வெள்ளை தொடர்ந்து மஞ்சள் பூஞ்சை நோய், அறிகுறி, ஆபத்து, காரணங்கள், தவிர்க்கும் முறைகள்!

ஆஸ்துமா கொண்டிருப்பவர்கள் கோவிட் தொற்று அதிகம் எதிர்கொண்டதற்கான ஆதாரங்கள் இல்லை. எனினும் இலேசானது முதல் கடுமையான ஆஸ்துமா நோயாளிகள் கொரோனாவிலிருந்து பாதுகாக்க எச்சரிக்கையாக இருக்க வேண்டும்.

ஆஸ்துமா தாக்குதல்கள், நிம்மோனியா மற்றும் கடுமையான சுவாச கோளாறு உள்ளிட்ட கடுமையான சிக்கல்களுக்கு அதிக ஆபத்து உள்ளது. அதனால் கொரோனா காலத்தில் ஆஸ்துமா நோயாளிகள் பின்பற்ற வேண்டிய முக்கிய விஷயங்கள் குறித்து பார்க்கலாம்.

​பாதுகாப்பாக இருங்கள்

samayam tamil Tamil News Spot

ஆஸ்துமா நோயாளிகள் தொற்றுநோயை தடுக்க முன்னெச்சரிக்கை நடவடிக்கைகளில் கவனம் செலுத்த வேண்டும். கொரோனாவை தடுக்க முகக்கவசமும், கைகளை சுத்தமாக கழுவுவதும் தவிர்த்து வேறு எதுவும் இல்லை என்று சொல்லலாம்.

கடினமான மேற்பரப்பு கிருமிகளை சுத்தம் செய்வதன் மூலம், சமூக இடைவெளி கடைப்பிடிப்பதன் மூலம் கொரோனா வைரஸ் கட்டுப்படுத்தலாம். அதனால் குழந்தைகள் முதல் பெரியவர்கள் வரை அனைவரையும் இதில் பழக்க வேண்டும். ஆஸ்துமா நோயாளிகள் கூடுதல் கவனத்துடன் இருந்தால் வைரஸால் பாதிக்ககூடிய சிக்கல்களை தவிர்க்க முடியும்.

​புதிய காற்றை பெறுங்கள்

samayam tamil Tamil News Spot

ஆஸ்துமா நோயாளிகள் காற்றோட்டமான இடங்களில் இருப்பதன் மூலம் அறிகுறிகளை குறைவாக பெறுவார்கள். அதனால் தான் மூடிய அறைகளில் ஏசி காற்றில் இருப்பவர்களுக்கு ஆஸ்துமா அறிகுறிகள் அதிகரிக்க செய்கிறது. காற்றோட்டம் இல்லாத இடங்களில் நீர்த்துளிகள் கரைவதற்கு அதிக நேரம் எடுக்கலாம்.

அதே போன்று மூடிய இடங்களில் உட்புறத்தில் இருக்கும் கிருமிகள் நீங்க ஆஸ்துமா நோயாளிகள் வீட்டில் ரசாயனம் கலந்த கிருமி ஸ்ப்ரேக்களை அடிப்பார்கள். இது ஆபத்தை உண்டாக்கும். ஏனெனில் இந்த ஸ்ப்ரேக்கள் காற்றுப்பாதைகளை எரிச்சலடைய செய்து ஆஸ்துமா அறிகுறியை தீவிரமாக்கும்.

அதனால் இயன்றவரை கதவு, ஜன்னல் இருக்கும் இடங்களில் காற்றோட்டமாக இருப்பது அறிகுறியை குறைக்க செய்யும்.

​மருந்துகளை இருப்பில் வைத்திருங்கள்

samayam tamil Tamil News Spot

ஆஸ்துமா நோயாளிகள் மருந்துகள் எப்போதும் இருப்பில் வைத்திருக்க வேண்டும்.அவசரகாலத்தில் மருத்துவரை தொடர்பு கொள்ள ஏதுவாக தயார் நிலையில் இருக்க வேண்டும். மருந்துகள் சீரான கால இடைவெளியில் சரியான அளவில் மருத்துவரின் ஆலோசனையுடன் எடுக்க வேண்டும். எக்காரணம் கொண்டும் மருந்துகளை தவிர்க்க கூடாது.

சர்க்கரை நோயாளிகள் கொரோனா காலத்தில் பின்பற்ற வேண்டிய உணவு முறைகள்! தவிர்க்க வேண்டாம்!

ஆஸ்துமா நோயாளிகள் ஆஸ்துமாவுக்கான சிகிச்சையில் இருக்கும் போது அறிகுறிகள் மற்றும் அதன் தீவிரம் பொறுத்து மருந்துகள் எடுக்க வேண்டும். அதே நேரம் அறிகுறிகள் தீராமல் அதிகமான பாதிப்பை எதிர்கொண்டால் மருத்துவ உதவியை பெறுவதில் தாமதிக்க கூடாது.

​சுய சிகிச்சை வேண்டாம்

samayam tamil Tamil News Spot

ஆஸ்துமா அறிகுறிகளுக்கு மருந்துகள் எடுக்கும் போது அது மருத்துவரின் ஆலோசனையின் பெயரில் மட்டும் இருக்க வேண்டும். கொரோனாவை எதிர்கொள்ள சுவாசப்பிரச்சனை நீங்க என்று மருந்துகளை மாற்றி எடுப்பது சிக்கலில் முடியலாம்.

குறிப்பாக இன்ஹேலர் பயன்படுத்துபவர்கள் கூடுதலாக கவனத்தில் கொள்ள வேண்டும். சிகிச்சை முறையை மருந்துகளை மாற்றுவதை சுயமாக செய்யகூடாது.

​அறிகுறிகள் தூண்டுவதை தடுக்கவும்

samayam tamil Tamil News Spot

ஆஸ்துமா அறிகுறிகள் தூண்டும் செயல்களை கொரோனா காலத்தில் தடுக்க வேண்டும். ஆஸ்துமா பெரும்பாலும் அலர்ஜியால் அறிகுறி தீவிரமாகலாம். அதனால் தூசி, மகரந்தம் போன்றவற்றிலிருந்து சில காலம் தள்ளி இருங்கள். புகைகள் இருக்கும் இடத்தில் இருக்க வேண்டாம்.

செல்லப்பிராணிகளிடம் நெருக்கமாக பழக வேண்டும். ஒவ்வாமை இருப்பவர்களுக்கு ஆஸ்துமா அறிகுறீ தீவிரமாகலாம். ஆஸ்துமா நோயாளிகளுக்கு என்ன மாதியான விஷயங்கள் அறிகுறிகளை தூண்டும் என்பதை அறிந்து அதை தவிர்ப்பது பாதுகாப்பானது.

​ஒவ்வாமை தூண்டும் உணவுகளை தவிர்க்கவும்

samayam tamil Tamil News Spot

ஆஸ்துமா நோயாளிகளின் அறிகுறிகளை சில உணவுகள் தூண்டக்கூடும். அதை தவிர்ப்பதன் மூலம் அறிகுறிகள் வராமல் செய்யலாம். குழந்தைகள் முதல் பெரியவர்கள் வரையிலும் ஒவ்வாமை அறிகுறி கொண்டிருந்தால் நீங்கள் இந்த உணவுகளை தவிர்க்க வேண்டும்.

பசையம் என்று சொல்லகூடிய உணவுகள், முட்டை, பால், பால் பொருள்கள், மரக்கொட்டைகள், வேர்க்கடலை, எள், சோயா போன்றவை ஒவ்வாமையை உண்டக்கும் அல்லது அறிகுறீகளை துண்டும் உணவுகளாக இருக்கலாம். சில குழந்தைகளுக்கு பால் மற்றும் முட்டை ஒவ்வாமை உணவாக உள்ளது.

கொரோனாவிலிருந்து குணமடைந்தவர்கள் அவசியம் சேர்க்க வேண்டிய சத்துமிக்க பானங்கள்!

உணவு ஒவ்வாமை இருப்பவர்கள் இந்த கொரோனா காலத்தில் ஒவ்வமை உணவுகளை தடுப்பது தான் பாதுகாப்பானது. ஏனெனில் ஒவ்வாமை கடுமையாக இருந்தால் அதன் எதிர்வினை உயிருக்கு ஆபத்தை உண்டாக்கலாம்.

மூச்சுத்திணறல், இருமல் சுவாச பிரச்சனைகள் போன்றவை ஆஸ்துமா அறிகுறிகளை விரைவாக கொண்டு வரும்.

Thanks for the Source

Share on Social Media

Leave a Reply

Your email address will not be published. Required fields are marked *