Share on Social Media


கடந்த சில மாதங்களுக்கு முன்பாக சக்தி செளந்தர்ராஜன் இயக்கத்தில் ஆர்யா நடிப்பில் ‘டெடி’ படம் வெளியானது. ஓடிடியில் வெளியான இந்தப்படம் ரசிகர்கள் மத்தியில் நல்ல வரவேற்ப்பை பெற்றது. இந்நிலையில் ஆர்யா மீண்டும் சக்தி சௌந்தர்ராஜன் இயக்கத்தில் மீண்டும் ஒரு படத்தில் நடிக்க ஒப்பந்தமாகியுள்ளார். இதன் படப்பிடிப்பு இன்று பூஜையுடன் துவங்கியுள்ளது.

ஏற்கனவே சக்தி செளந்தர்ராஜன் இயக்கத்தில் வெளியான நாணயம், நாய்கள் ஜாக்கிரதை, டிக்டிக்டிக் உள்ளிட்ட படங்கள் வித்தியாசமான திரைக்கதையால் ரசிகர்கள் மத்தியில் அமோக வரவேற்பை பெற்றது. இதனிடையில் ஆர்யா, சாயிஷா நடிப்பில் ஓடிடி வெளியீடாக ஹாட் ஸ்டாரில் வெளியான ‘டெடி’ படமும் சக்தி சௌந்தர்ராஜனின் வித்தியாசமான திரைக்கதை அமைப்பால் விமர்சனரீதியாக வரவேற்பை பெற்றது.

இந்நிலையில் சக்தி சௌந்தர்ராஜன் இயக்கத்தில் ஆர்யா மீண்டும் நடிக்கவுள்ள படம் ‘டெடி’ படத்தின் இரண்டாம் பாகமாக இருக்கும் என்ற செய்திகள் வெளியாகின. ஆனால் அண்மையில் பேட்டி ஒன்றில் நடிகர் ஆர்யா பேசும் போது, இயக்குனர் சக்தி செளந்திரராஜன் இயக்கத்தில் மீண்டும் தான் நடிக்கும் படம் ‘டெடி’ படத்தின் இரண்டாம் பாகமாக இருக்காது என்றும் இது ஒரு புதிய திரைக்கதை என்றும் முழுக்க முழுக்க தமிழ் சினிமாவுக்கு புதிதாக இந்த கதை இருக்கும் என்றும் இந்த படம் ஆக்ஷன் திரில்லர் படமாக இருக்கும் என்றும் தெரிவித்திருந்தார்.

அன்பு நண்பர் சூப்பர் ஸ்டார்: ரஜினிகாந்த் குறித்து முதலமைச்சர் மு.க. ஸ்டாலின் புகழாரம்!
இந்நிலையில் இந்தப்படத்தின் படப்பிடிப்பு பூஜையுடன் இன்று துவங்கியுள்ளது. ஆர்யாவும் திங்க் ஸ்டுடியோஸும் இணைந்து இந்தப்படத்தை தயாரிக்கின்றனர். இதில் ’ஜகமே தந்திரம்’ படத்தில் நடித்த ஐஸ்வர்யா லக்‌ஷ்மி ஆர்யா ஜோடியாக நடிக்கிறார். மேலும் சிம்ரன், காவ்யா ஷெட்டி, ஹரிஷ் உத்தமன், கோகுல், பரத் ராஜ் மற்றும் பலர் இப்படத்தில் நடிக்கின்றனர். இமான் இசையமைக்க மதன் கார்க்கி பாடல்கள் எழுதியுள்ளார்.

ஆர்யா, இயக்குனர் சாந்தகுமார் இயக்கத்தில் ஒரு படத்தில் நடிக்க உள்ளார். இவர்கள் இருவரின் கூட்டணியில் ஏற்கனவே மகாமுனி படம் வெளியானது குறிப்பிடத்தக்கது. இதுதவிர நலன் குமாரசாமி இயக்கத்திலும் ஒரு படத்தில் நடிக்கவுள்ளார். இதனிடையில் ஆர்யா, விஷால் நடிப்பில் உருவாகியுள்ள ‘எனிமி‘ படம் தீபாவளி வெளியீடாக ரிலீசாக உள்ளது குறிப்பிடத்தக்கது.

காமராஜர் ஆட்சி வேண்டும்; விஜய்க்கும் ரூட் இது தான் ; எஸ் ஏ சந்திரசேகர்



Source link

Share on Social Media

Leave a Reply

Your email address will not be published. Required fields are marked *