Share on Social Media


ஹைலைட்ஸ்:

  • மனைவியுடன் இருக்கும் போட்டோவை வெளியிட்ட அருண்ராஜா காமராஜ்
  • அருண்ராஜாவின் போட்டோவை பார்த்து ஃபீல் பண்ணும் ரசிகர்கள்
  • மனைவியை இழந்து வாடும் அருண்ராஜா காமராஜ்

பீட்சா படம் மூலம் தமிழ் திரையுலகில் பாடலாசிரியராக அறிமுகமானவர் அருண்ராஜா காமராஜ். அதன் பிறகு நடிகர், பாடகர் அவதாரம் எடுத்தார். ஐஸ்வர்யா ராஜேஷ் நடித்த கனா படம் மூலம் இயக்குநரானார். சிவகார்த்திகேயன் தயாரித்த கனா படத்திற்கு நல்ல வரவேற்பு கிடைத்தது.

கனாவை அடுத்து சேப்பாக்கம் தொகுதி எம்.எல்.ஏ. உதயநிதி ஸ்டாலினை வைத்து ஆர்டிகிள் 15 இந்தி படத்தை தமிழில் ரீமேக் செய்து வருகிறார் அருண்ராஜா காமராஜ். இதற்கிடையே அருண்ராஜாவுக்கும், அவரின் மனைவி சிந்துஜாவுக்கும் கொரோனா வைரஸ் பாதிப்பு ஏற்பட்டு மருத்துவமனையில் அனுமதிக்கப்பட்டனர்.

அதில் சிந்துஜா சிகிச்சை பலனின்றி மே மாதம் உயிரிழந்தார். பிபிஇ சூட் அணிந்து வந்து சிந்துஜாவுக்கு அருண்ராஜா இறுதிச்சடங்கு செய்ததை பார்த்த பலரும் கண்ணீர் விட்டார்கள்.

இந்நிலையில் தன் மனைவி சிந்துஜாவுடன் சிரித்தமுகமாக எடுத்த புகைப்படத்தை ஃபேஸ்புக்கில் போஸ்ட் செய்திருக்கிறார் அருண்ராஜா காமராஜ். அவர்கள் இருவரும் அந்த புகைப்படத்தில் சந்தோஷமாக காணப்பட்டாலும் அதை பார்த்த ரசிகர்களுக்கு கண்ணீர் வந்துவிட்டது.

புகைப்படத்தை பார்த்த ரசிகர்கள் கூறியிருப்பதாவது,

மனைவியின் இழப்பு தாங்க முடியாதது தான். ஆனால் தாங்கிக் கொள்வதை தவிர வேறு வழியில்லை அண்ணா. அந்த ஆண்டவன் உங்களுக்கு தைரியத்தை கொடுப்பான். உங்களுக்கு எப்படி ஆறுதல் சொல்வது என்றே தெரியவில்லை.

காலம் எல்லா காயங்களையும் ஆற்றும். நம்பிக்கையை மட்டும் இழந்துவிடாதீர்கள். சிந்துஜா அண்ணி எப்பொழுதும் உங்களுடன் தான் இருப்பார். கண்களால் பார்க்க முடியாவிட்டாலும் அவர் உங்களுடன் தான் இருப்பார் என தெரிவித்துள்ளனர்.
யாஷிகா குடிபோதையில் கார் ஓட்டவில்லை, ஆனால்…



Source link

Share on Social Media

Leave a Reply

Your email address will not be published. Required fields are marked *