Share on Social Media


ஹைலைட்ஸ்:

  • லோகேஷ் கனகராஜ் இயக்கத்தில் ‘விக்ரம்’ திரைப்படத்தில் நடிக்கவுள்ளார் கமல்ஹாசன்.
  • ‘விக்ரம்’ திரைப்படத்தில் கமலுக்கு வில்லனாக நடிக்கவுள்ளார் பகத் பாசில்.
  • கைதி, மாஸ்டர் திரைப்படத்தை தொடர்ந்து ‘விக்ரம்’ திரைப்படத்திலும் நடிக்கிறார் அர்ஜுன் தாஸ்.

தமிழ் சினிமாவில் வளர்ந்து வரும் பிரபல இளம் இயக்குனரான லோகேஷ் கனகராஜ் மாஸ்டர் படத்தின் வெற்றியை தொடர்ந்து அடுத்ததாக நடிகர் கமல்ஹாசனின் விக்ரம் படத்தை இயக்கவுள்ளார். ஏற்கனவே இந்த படத்தில் மலையாள நடிகர் பகத் பாசிலும், விஜய் சேதுபதியும் நடிக்க உள்ளதாக தகவல்கள் வெளியாகின. இந்நிலையில் மாஸ்டர் திரைப்படத்தில் நடித்த இன்னொரு நடிகர் ஒருவர் விக்ரம் திரைப்படத்திலும் இணைந்துள்ளதாக செய்திகள் வெளியாகியுள்ளன.

உலகநாயகன் கமல்ஹாசன் நடிப்பில் இளம் இயக்குனர் லோகேஷ் கனகராஜ் இயக்கத்தில் உருவாகவிருக்கும் திரைப்படம் ‘விக்ரம்’. இந்த படத்தின் அறிவிப்பு வெளியான போதே கமல் ரசிகர்கள் உற்சாகத்தில் இருந்தனர்.. ராஜ்கமல் பிலிம்ஸ் நிறுவனம் தயாரிக்கும் இந்த படத்திற்கு அனிருத் இசையமைக்கிறார். மாஸ்டர் திரைப்படத்தின் பிரம்மாண்ட வெற்றியை தொடர்ந்து விக்ரம் திரைப்படத்தை இயக்க ஆயத்தமானார் லோகேஷ் கனகராஜ்.

நடந்து முடிந்த சட்டமன்ற தேர்தலில் கமல்ஹாசன் பிசியாக இருந்ததினால், தேர்தல் முடித்தவுடன் விக்ரம் திரைப்படத்தின் படப்பிடிப்பு துவங்கும் என எதிர்பார்க்கப்பட்டது. இந்நிலையில் கொரோனா ஊரடங்கு காரணமாக இந்த படத்தின் படப்பிடிப்பு ஒத்திவைக்கப்பட்டுள்ளது. லாக்டவுன் முடிவுக்கு வந்தவுடன் இந்த படத்தின் படப்பிடிப்பு துவங்க உள்ளது.

சமந்தா நடிப்பில் வெளியாகியுள்ள ‘பேமிலி மேன் 2’ வெப் தொடருக்கு எதிராக ‘மாநாடு’ பட தயாரிப்பாளர் ஆவேசம் !
இந்நிலையில் மாஸ்டர் திரைப்படத்தை தொடர்ந்து இந்த படத்திலும் நடிகர் விஜய் சேதுபதி வில்லனாக நடிக்க உள்ளதாக செய்திகள் வெளியாகின. இதற்கிடையில் இந்த படத்தில் கமலுக்கு வில்லனாக நடிக்க பிரபல மலையாள நடிகர் பகத் பாசில் ஒப்பந்தம் செய்யப்பட்டார். அதனை தொடர்ந்து நடிகர் விஜய் சேதுபதியும் இந்த படத்தில் முக்கிய கதாபாத்திரத்தில் நடிக்க ஒப்பந்தமானார்.

இந்நிலையில் லோகேஷ் கனகராஜ் இயக்கத்தில் வெளியான ‘மாஸ்டர்’ மற்றும் ‘கைதி’ திரைப்படத்தில் நடித்த அர்ஜுன் தாஸ் விக்ரம் திரைப்படத்திலும் ஒரு நடிக்க ஒப்பந்தமாகி உள்ளதாக செய்திகள் கசிந்துள்ளது. இது குறித்த அதிகாரப்பூர்வ அறிவிப்பு விரைவில் வெளிவரும் என்றும் எதிர்பார்க்கப்படுகிறது. இதனால் கமல் ரசிகர்கள் ‘விக்ரம்’ திரைப்படம் குறித்த அடுத்த அப்டேட்க்கு ஆர்வமாக காத்திருக்கின்றனர்.



Source link

Share on Social Media

Leave a Reply

Your email address will not be published. Required fields are marked *