Share on Social Media


ஹைலைட்ஸ்:

  • 2 நாட்கள் அரசு முறைப் பயணமாக இந்தியா வருகிறார் அமெரிக்க வெளியுறவு அமைச்சர்
  • வரும் 28ம் தேதி பிரதமர் மோடியை சந்திக்கிறார்

இரண்டு நாட்கள் அரசு முறை சுற்றுப்பயணமாக இந்தியா வரும் அமெரிக்க வெளியுறவுத் துறை அமைச்சர் ஆண்டனி பிளிங்கன், வரும் 28-ம் தேதி பிரதமர் நரேந்திர மோடியை சந்தித்து பேச உள்ளார்.

அமெரிக்காவின் புதிய வெளியுறவுத் துறை அமைச்சராக பொறுப்பேற்ற ஆண்டனி பிளிங்கன் முதன் முறையாக இந்தியா வருகிறார். ஜூலை 27ம் தேதி இந்தியா வரும் பிளிங்கன் ஜூலை 28ம் தேதி வரை இந்தியாவில் முக்கிய அதிகாரிகளை சந்தித்து கலந்துரையாடுகிறார்.

வரும் 28ம் தேதி பிரதமர் நரேந்திர மோடி, ஒன்றிய வெளியுறவுத் துறை அமைச்சர் ஜெய்சங்கர் மற்றும் தேசிய பாதுகாப்பு ஆலோசகர் அஜித் தோவல் ஆகியோருடன், அமெரிக்க வெளியுறவுத் துறை அமைச்சர் ஆண்டனி பிளிங்கன் கலந்துரையாடுகிறார்.
உலகின் வயதான மாணவி பாகீரதி அம்மா காலமானார்!
இந்த சந்திப்பில் இந்தியா – அமெரிக்காவின் நட்பு மேலும் வலுப்படும் என ஒன்றிய வெளியுறவுத் துறை தெரிவித்துள்ளது. மேலும், கொரோனா தொற்று பாதிப்பிலிருந்து வெளி வருவது, இந்தோ – பசிபிக் பிராந்தியம், ஆப்கானிஸ்தான் மற்றும் ஐ.நா., உடனான ஒத்துழைப்பு என பல சர்வதேச பிரச்னைகள் குறித்து விவாதிக்கப்படும் என்றும் எதிர்பார்க்கப்படுகிறது.



Source link

Share on Social Media

Leave a Reply

Your email address will not be published. Required fields are marked *