Share on Social Media

​சரும ஆரோக்கியம்

நமது உடலின் மற்ற பாகங்களை போன்றே சரும ஆரோக்கியமும் அவசியமானது. உடலின் மிகப்பெரிய உறுப்பு சருமம் தான். சருமம் நல்ல ஆரோக்கியத்துடன் இருக்க அத்தியாவசியமான ஊட்டச்சத்துக்கள் தேவைபடுகின்றன.

முகத்துக்கு விளக்கெண்ணெய் பயன்படுத்தலாமா? என்ன நன்மைகள் கிடைக்கும், எப்படி பயன்படுத்துவது?

மிகப்பெரிய உறுப்பாக சருமம் இருந்தாலும் வெளிப்புற சூழலின் அதிகப்படியான செயல்பாடுகளுக்கு , உடலில் உண்டாகும் மாற்றங்களும் சருமத்தில் அதிக பாதிப்பை உண்டாக்குகிறது. நம்மை சுற்றி வெளிப்புற இடங்களில் சருமத்துக்கு உண்டாகும் பாதிப்பை ஓரளவு மட்டுமே கட்டுப்படுத்த முடியும்.

அதே நேரம் ஹார்மோன் ஏற்ற தாழ்வுகள், அத்தியாவசிய உணவு கூறுகளின் குறைபாடு போன்றவை சருமத்தில் அழிவை உண்டாக்க செய்யும். சருமத்துக்கு வெளியில் அழகுப்படுத்துவதை காட்டிலும் உள்ளுக்கு எடுக்கும் உணவிலும் கவனம் செலுத்த வேண்டும். அப்படி செய்தால் சரும ஆரோக்கியம் நன்றாக இருக்கும்.

​சரும பராமரிப்பு

samayam tamil Tamil News Spot

ஆரோக்கியமான ஊட்டச்சத்துக்கள் ஆக்ஸிஜனேற்றிகள், ஒமேகா -3 மற்றும் ஒமேகா – 6 கொழுப்பு அமிலங்கள் வைட்டமின் ஈ, வைட்டமின் சி போன்றவை சருமத்துக்கு தேவையான வைட்டமின்கள். ஊட்டச்சத்துக்கள் பழங்கள் மற்றும் காய்கறிகள் போன்ற தாவர அடிப்படையிலான உணவுகளில் உள்ளது. இது சருமத்தை பராமரிக்க முக்கியமான வைட்டமின்களை உள்ளடக்கியுள்ளது.

இந்நிலையில் கொழுப்பு அமிலங்கள், விதைகள் மற்றும் கொட்டைகள் போன்றவையும் சருமத்துக்கு உதவுகின்றன. வைட்டமின் சி கொலாஜனின் உற்பத்திக்கு உதவுகிறது. அதே நேரம் சூரியனின் புற ஊதாக்கதிர்களிலிருந்து சருமத்தை பாதுகாக்க வைட்டமின் ஈ முக்கியமானது. ஆன்டி ஆக்ஸிடண்ட்கள் வீக்கத்தை எதிர்த்து போராடுகின்றன.

இது சருமத்தில் இருக்கும் கறை மற்றும் முகப்பருவை எதிர்க்க செய்கிறது. சருமத்துக்கு வேண்டிய ஊட்டச்சத்துக்கள் அனைத்தையும் கலந்து தயாரிக்கும் சூப்பர் பானம் குறித்து பார்க்கலாம்.

​சரும ஆரோக்கிய பானம்

samayam tamil Tamil News Spot

சரும வயதை அதிகரிக்காமல் தடுக்கும் இந்த பானங்களில் சேர்க்கும் பொருள்கள் எல்லாமே ஆரோக்கியமானவை.

சருமத்தின் ஆரோக்கியத்தை மேம்படுத்த விரும்பினால் இந்த பானத்தை உணவில் சேர்க்கலாம். தேங்காய் எண்ணெய் மற்றும் பால் ஆரோக்கியமான கொழுப்புகள், முக்கியமான வைட்டமின்களின் ஆதாரங்கள்.

ஆளி விதைகள் ஒமேகா கொழுப்பு அமிலங்களை தருகிறது. இஞ்சியும் மஞ்சளும் சரும நெகிழ்ச்சித்தன்மையை மேம்படுத்துவதன் மூலம் அழற்சியை எதித்து போராடுகின்றன. இதனால் வயதான எதிர்ப்பு நன்மைகள் மேம்படுகின்றன.

​பானம் தயாரிக்கும் முறை

samayam tamil Tamil News Spot

தேவை

வாழைப்பழம் – சிறிய பழம் – 1

அன்னாசிப்பழம் – சில துண்டுகள் – கால் கப்

ஆளி விதை – 2 டீஸ்பூன்

இஞ்சி சாறு – 1 டீஸ்பூன்

தேங்காயெண்ணெய் – 1 டீஸ்பூன்

இலவங்கப்பட்டை தூள் – கால் டீஸ்பூன்

மஞ்சள் தூள் – கால் டீஸ்பூன்

தேங்காய்ப்பால் – 1 டம்ளர்

ஆயில் ஸ்கின்னா, இதெல்லாம் சாப்பிடுங்க கண்டிப்பா எண்ணெய் வடியுறது குறையும்!

வாழைப்பழம் அன்னாசிப்பழம் இரண்டையும் சிறு சிறு துண்டுகளாக நறுக்கி ( தேவையெனில் மசிக்கவும் செய்யலாம்) இதனுடன் மற்ற எல்லா பொருள்களையும் கலந்து நன்றாக சேரும்படி கலந்து எடுக்கவும். தேவையெனில் தேன் சேர்க்கலாம். இதை நன்றாக கரண்டியில் மசித்து பரிமாறவும்.

வாரம் இரண்டு அல்லது மூன்று முறை இதை குடிக்கலாம். சருமத்துக்கு தேவையான அத்தனை ஊட்டச்சத்துக்களும் இதில் நிறைவாக உள்ளது. தொடர்ந்து குடித்து வந்தால் சருமம் உயிரோட்டமாக இருப்பதை உணர்வீர்கள்.

Thanks for the Source

Share on Social Media

Leave a Reply

Your email address will not be published. Required fields are marked *