Share on Social Media


சைக்கோ திரைப்படத்தின் வெற்றிக்கு பிறகு துப்பறிவாளன் 2 திரைப்படத்தை இயக்கி இருந்தார் மிஷ்கின். அப்போது நடிகர் விஷாலுடன் ஏற்பட்ட மன கசப்பு காரணமாக படத்திலிருந்து விலகினார். இதனை தொடர்ந்து இயக்குனர் மிஷ்கின் தற்போது ஆண்ட்ரியா நடிப்பில் பிசாசு 2 படத்தை இயக்குகிறார். இந்நிலையில் இந்த படத்தினை பற்றி சில சுவாரஸ்யமான தகவல்களை ட்விட்டர் ஸ்பேஸ் நிகழ்ச்சியில் பகிர்ந்துள்ளார் இயக்குனர் மிஷ்கின்.

மிஷ்கின் இயக்கத்தில் வெளியான பிசாசு திரைப்படம் ரசிகர்களிடம் நல்ல வரவேற்பை பெற்றது. இதனை தொடர்ந்து தற்போது பிசாசு 2 திரைப்படத்தை இயக்குவதில் மும்முரம் காட்டி வருகிறார் மிஷ்கின். இந்த படத்தில் ஆண்ட்ரியா முக்கிய கதாபாத்திரத்தில் நடிக்கிறார். மேலும் பூர்ணா, ராஜ்குமார் பிச்சுமணி உள்ளிட்டோரும் இந்த படத்தில் நடிக்கின்றனர். இந்த படத்தை ராக்போர்ட் எண்டர்டையின்மெண்ட் நிறுவனம் தயாரிக்கிறது. கார்த்திக் ராஜா இசையமைக்கிறார்.

தனுஷ் என்னை செல்லமா மால்மோன்னு தான் கூப்பிடுவாரு: வெட்கத்தில் மாஸ்டர் பட நடிகை!
ரசிகர்கள் மத்தியில் மிகுந்த எதிர்பார்ப்பை ஏற்படுத்தியுள்ள இந்த படத்தின் பர்ஸ்ட் லுக் போஸ்டர் வெளியாகி ரசிகர்களிடம் வரவேற்பை பெற்றது. போஸ்டரில் இடம்பெற்ற நடிகை ஆண்ட்ரியாவின் தோற்றமும் ரசிகர்களின் கவனத்தை ஈர்த்ததுள்ளது. இந்நிலையில் நேற்றைய தினம் ட்விட்டர் ஸ்பேஸில் பேசிய இயக்குனர் மிஷ்கின், இந்த படத்தில் நடித்ததற்காக நடிகர் ஆண்ட்ரியாவிற்கு தேசிய விருது கிடைக்கும் என நம்பிக்கை தெரிவித்துள்ளார்.

மேலும் இந்த படத்தில் நடிகர் விஜய் சேதுபதி பேய் ஓட்டுபவர் ரோலில் நடிக்கவுள்ளதாக தகவல்கள் வெளியாகியுள்ளன. ஆனால் அவரின் கதாபாத்திரம் படம் முழுக்க வராமல் கவுரவ கதாபாத்திரமாகவே இருக்கும் என தெரிகிறது. விஜய் சேதுபதி கதாபாத்திரம் ஹாலிவுட்டில் படங்களில் வரும் பேயோட்டும் மந்திரவாதி போல் இருக்கும் என தகவல்கள் வெளியாகியுள்ளது. இது குறித்த அதிகாரப்பூர்வ அறிவிப்பு விரைவில் வெளியாகும் என எதிர்பார்க்கப்படுகிறது.



Source link

Share on Social Media

Leave a Reply

Your email address will not be published. Required fields are marked *