Share on Social Media


80கள், 90களில் தன் கவர்ச்சியால், சொக்கும் கண்களால் ரசிகர்களை கட்டிப் போட்டு வைத்திருந்த சில்க் ஸ்மிதாவின் வாழ்க்கை வரலாற்றை தமிழில் படமாக எடுக்ககிறார்கள்.

கண்ணா லட்டு தின்ன ஆசையா படம் புகழ் மணிகண்டன் அந்த படத்தை இயக்குகிறார். படத்திற்கு அவள் அப்படித்தான் என்று பெயர் வைத்துள்ளனர். பிரபல தொலைக்காட்சி நிகழ்ச்சி தொகுப்பாளினியான அனசுயா பரத்வாஜ் தான் சில்க் ஸ்மிதாவாக நடிக்கிறார் என்று தகவல் வெளியாகியுள்ளது.

கோலிவுட், தமிழ் புது துவக்கங்கள் என்று அனசுயா பரத்வாஜ் இன்ஸ்டாகிராமில் போஸ்ட் போட்டது சில்க் ஸ்மிதாவின் வாழ்க்கை வரலாற்று படத்தில் நடிப்பது குறித்து தான் என்பது தெரிய வந்துள்ளது.

முன்னதாக சில்க் ஸ்மிதாவின் வாழ்க்கை வரலாற்றை வித்யா பாலனை வைத்து தி டர்ட்டி பிக்சர் என்கிற பெயரில் இந்தியில் படமாக்கி வெற்றி கண்டார்கள். ஆனால் அதில் சில்க் ஸ்மிதாவின் வாழ்க்கையை சரியாக காண்பிக்கவில்லை என்று விமர்சனம் எழுந்தது. பின்னர் சில்க் ஸ்மிதாவின் பயோப்பிக்கை எடுக்க நடிகர் வினு சக்ரவர்த்தி முயற்சி செய்தார். ஆனால் அது நடக்கவில்லை. இந்நிலையில் தான் அவள் அப்படித்தான் படம் உருவாகி வருகிறது.

அவள் அப்படித்தான் படம் குறித்து அதன் தயாரிப்பாளர் சித்ரா லக்ஷ்மணன் கூறியதாவது,

தி டர்ட்டி பிக்சர் சில்க் ஸ்மிதாவின் வாழ்க்கையை சரியாக காட்டவில்லை. அந்த படத்தில் அவரின் கிளாமர் பக்கம் மட்டுமே காண்பிக்கப்பட்டது. சில்க் பட்ட கஷ்டங்களை காட்டவில்லை. ஒரு டச்சப் பெண் சினிமாவில் பெரிய ஸ்டார் ஆனது தான் கதையே. சில்க் சினிமாவுக்கு வருவதற்கு முன்பு நடந்த சம்பவங்களும் முக்கியம். ஒரு கிராமத்து பெண்ணாக இருந்து அவர் பட்ட கஷ்டங்கள், சந்தித்த சவால்களை எங்கள் படத்தில் காண்பிக்க விரும்புகிறோம்.

அவள் அப்படித்தான் படத்தை எடுக்க சில்க் ஸ்மிதாவின் குடும்பத்தாரிடம் இருந்து ஒப்புதல் பெறவில்லை. ஆனால் தி டர்ட்டி பிக்சர் கூட அவர்களின் ஒப்புதல் பெறாமல் தான் எடுக்கப்பட்டது. சில்க் ஸ்மிதாவின் வாழ்க்கை ஒரு திறந்த புத்தகம் என்றார்.

வாத்தி வந்தால் என்ன?: தன் முடிவில் உறுதியாக இருக்கும் சிம்பு





Source link

Share on Social Media

Leave a Reply

Your email address will not be published. Required fields are marked *