Share on Social Media

​அமுக்கிரான் பொடி தயாரிக்கும் முறை

அமுக்கிரான் கிழங்கு கால் கிலோ அல்லது அரைக்கிலோ வாங்கி வந்து நன்றாக காயவைத்து பொடியாக்கவும். அகன்ற பாத்திரத்தில் பசும்பால் ஒரு டம்ளர் விடவும். பிறகு ஒரு டம்ளர் நீர் விட்டு அதன் மேல் பொடியாக்கிய அமுக்கிரான் கிழங்கை வெள்ளை துணியில் போட்டு கட்டி பாத்திரத்தினுள் வைத்து பாத்திரத்தின் வாயையும் துணியால் கட்டவும்.

இருமலுக்கு உதவும் எளிமையான வீட்டு வைத்தியம்! பலன் நிச்சயம் உண்டு!

புட்டு அவிப்பது போல் அவிக்க வேண்டும். இதை இறக்கி அகலமான தட்டில் கொட்டி பரப்பி காயவிடவும். பிறகு இதை மிக்ஸியில் போட்டு மேலும் பொடியாக்கி கண்ணாடி பாட்டிலில் போட்டு வைக்கவும். இதை எப்படி உள்ளுக்குள் எடுப்பது என்பதை பார்க்கலாம்.

​அமுக்கிரான் கிழங்கு பொடி சாப்பிடும் முறை

samayam tamil Tamil News Spot

அமுக்கிரான் கிழங்கு பொடியை கண்ணாடியில் போட்டு பதப்படுத்தி வைக்கவேண்டும். தினமும் காலையிலும், மாலையிலும் கால் டீஸ்பூன் அளவு அமுக்கிரான் கிழங்கு பொடி எடுத்து அரை டீஸ்பூன் தேனில் குழைத்து சாப்பிட வேண்டும். அல்லது வெதுவெதுப்பான நீரில் இந்த பொடியை கலந்து குடிக்கலாம்.

இதை குடிப்பதற்கும் முன்பும் பின்னரும் ஒரு மணி நேரம் வேறு எதையும் சாப்பிட வேண்டாம். இதை இளவயதினர் முதல் அனைவருமே சாப்பிடலாம். தொடர்ந்து ஒரு மண்டலம் வரை 48 நாட்கள் வரை இதை சாப்பிட வேண்டும். தொடர்ந்து சாப்பிட்டு வந்தாலே உடல் எடை குறைவதை பார்க்கலாம்.

​அமுக்கிரான் பொடி நன்மைகள்

samayam tamil Tamil News Spot

அமுக்கிரான் பொடி சித்தமருத்துவத்தில் பயன்படுத்தப்படும் முக்கியமான பொருள். உடலுக்கு ஊட்டமளித்து மனதுக்கும் உற்சாகம் தரும் குணம் இதற்கு உண்டு. பலவீனமான உடலுக்கு தெம்பு தரும் அமுக்கிரான் பொடி.

வாத நோய், நரம்பு தளர்ச்சி, கை கால் நடுக்கம், மனசோர்வு, தூக்கமின்மை, முதுமையின் உண்டாகும் சோர்வு போன்றவற்றுக்கு அமுக்கிரான் பொடி நன்மை தரக்கூடும். மன உளைச்சலை தவிர்க்கும் சிறந்த மருந்தாக இது பயன்படுகிறது. அமுக்கிரான் கிழங்கு மூளைக்கு புத்துணர்ச்சி தரக்கூடியது.

இந்த அமுக்கிரான் கிழங்கை கொண்டு அமுக்கிரா லேகியம் செய்யப் படுகிறது. ஆண்களுக்கு உண்டாகும் பாலியல் பிரச்சனைகளுக்கு அருமருந்தாக இயற்கை வயாகராவாக அமுக்கிரான் சொல்லப்படுகிறது.

​உடல் எடை குறைய அமுக்கிரான்

samayam tamil Tamil News Spot

எடை அதிகமாக இருக்கும் போது அதை குறைக்க கடுமையான உடற்பயிற்சி, கடுமையான உணவு கட்டுப்பாடு பின்பற்றுவார்கள். இது உடலில் இருக்கும் ஊளைச்சதையை குறைத்தாலும் ஊட்டச்சத்து பற்றாக்குறையை உண்டாக்கிவிடும்.

கீழே உட்கார்ந்து சாப்பிட்டா ஆயுள் அதிகரிக்குமாம், வேறு நன்மைகளும் தெரிஞ்சுக்கங்க!

உடல் எடை ஆரோக்கியமாக குறைய விரும்பினால் இயற்கை வழியில் முயற்சிக்க வேண்டும். அதற்கு உதவக்கூடிய மூலிகைகளில் அமுக்கிரான் பொடியும் ஒன்று. இது உடல் எடையை குறைக்க விரும்புபவர்கள் ஆரோக்கியமாக குறைக்க இவை பெரிதும் உதவக்கூடும்.

எடை குறைப்பில் ஈடுபடுவர்கள் அமுக்கிரான் பொடி எடுத்துகொள்வதோடு உணவு முறைகள், உடல் உழைப்பிலும் கவனம் செலுத்தினால் ஆரோக்கியமாக எடையை குறைக்க முடியும்.

Thanks for the Source

Share on Social Media

Leave a Reply

Your email address will not be published. Required fields are marked *