Share on Social Media


ஹைலைட்ஸ்:

  • மீண்டும் முழு ஊரடங்கு?
  • அரசு வெளியிட்ட பரபரப்பு தகவல்!

புதிய வகை கொரோனா தொற்றால், மீண்டும் முழு ஊரடங்கு அமல்படுத்த வேண்டிய அவசியம் இல்லை என, அமெரிக்க அதிபர் ஜோ பைடன் அறிவித்துள்ளார்.

கடந்த ஒன்றரை ஆண்டு காலமாக, கொரோனா பிடியில் உலகமே சிக்கித் தவித்து வருகிறது. கொரோனா தொற்றுக்கு தடுப்பூசி கண்டுபிடிக்கப்பட்டு செலுத்தப்பட்டு வரும் நிலையில், கொரோனா வைரஸ் தொற்று தனது புதிய அவதாரத்தை எடுத்துள்ளது. தென் ஆப்பிரிக்க நாட்டில், கொரோனா வைரஸ் தொற்றின் புதிய வகை கண்டறியப்பட்டு உள்ளது.

இந்த உருமாறிய தொற்று, இந்தியாவில் கண்டறியப்பட்ட டெல்டா, டெல்டா பிளஸ் வகை வைரஸ் தொற்றுகளை மிகவும் அபாயகரமானது என உலக சுகாதார அமைப்பு எச்சரிக்கை விடுத்துள்ளது. புதிய வகை கொரோனா வைரஸ் தொற்றுக்கு, ஒமைக்ரான் என பெயர் வைக்கப்பட்டு உள்ளது. இதன் காரணமாக, பிரிட்டன், அமெரிக்கா உள்ளிட்ட நாடுகள் சர்வதேச எல்லைகளை மூடி உள்ளன.
உலக மக்களுக்கு குட் நியூஸ் – ‘ஒமைக்ரான்’ வைரசை அழிக்க தடுப்பூசி வந்தாச்சு!
இந்நிலையில், தலைநகர் வாஷிங்டனில், ஒமைக்ரான் வைரஸ் தொடர்பாக, அமெரிக்க அதிபர் ஜோ பைடன் செய்தியாளர்களிடம் கூறியதாவது:
ஒமைக்ரான் வைரஸ் கவலைக்குரியது. அதேநேரம் இதற்காக மக்கள் பயப்பட வேண்டிய அவசியம் இல்லை. இந்த புதிய வகை ஒமைக்ரான் தொற்றால், உயிரிழப்புகள் எதுவும் பதிவாகவில்லை என்பதால், முழு முடக்கம் அமல்படுத்த வேண்டிய அவசியம் இல்லை.

அமெரிக்கா தற்போது ஒமைக்ரான் வைரஸ் பரவலை கட்டுப்படுத்துவதற்கு ஏற்ற நிலையில் இருப்பதாகவும், முன்பை விட இந்த வைரஸை எதிர்த்துப் போராடுவதற்கு தேவையான கருவிகள் தங்களிடம் இருக்கின்றன. தற்போது பயன்படுத்தும் தடுப்பூசிகளே இந்த வைரசுக்கு எதிராக செயல்படுகின்றன. பூஸ்டர் தடுப்பூசிகள் மேலும் பாதுகாப்பு தருகின்றன.
இவ்வாறு அவர் கூறினார்.



Source link

Share on Social Media

Leave a Reply

Your email address will not be published.