1607534257 pic Tamil News Spot
Share on Social Media


பிறந்த குழந்தைக்கு ஒரு வருடம் வரை தாய்ப்பால் கொடுப்பது தான் சிறந்தது. அதற்கு மாற்று பாலாக எதையும் தரக்கூடாது. தாய்ப்பால் இல்லாத குழந்தைக்கு மருத்துவர் பரிந்துரைக்கும் பவுடர் பாலை கொடுக்கலாம். குழந்தைக்கு ஒன்றரை வயதுக்கு பிறகு பசும்பால் பழக வேண்டும். ஆனால் இந்த இடத்தில் எல்லா அம்மாக்களுமே அதிக சிரமத்தை சந்திக்கிறார்கள். குழந்தைகள் உணவை காட்டிலும் பால் குடிப்பதற்கு அதிக அடம்பிடிக்கிறார்கள்.

பாலில் தான் கால்சியம் இருக்கு. ஆனால் பால் குடிக்க அழுகிறார்களே என்ற அம்மாக்கள் பாலுக்கு மாற்றாக என்ன கொடுக்கலாம், பாலையே எப்படி மாற்றி கொடுக்கலாம் என்று தெரிந்துவைத்து கொள்வது நல்லது. இதற்கான குறிப்பு தான் பார்க்க போகிறோம்.

​மில்க் ஷேக் அல்லது பழங்களோடு பால்

samayam tamil Tamil News Spot

நமக்குத்தான் இது பால் கலந்த ஷேக் என்பது தெரியும். ஆனால் குழந்தைகளை பொருத்தவரை இது ஒரு குளிர்பானம் அவ்வளவுதான். ஆனால் அதற்காக தினமும் ஒரே சுவையில் கொடுக்க கூடாது. குழந்தைகளுக்கு பிடித்த சாக்லேட் சுவையில் டார்க் சாக்லேட் உடன் பால் சேர்த்து நன்றாக அடித்து நுரைத்து கொடுக்கலாம்.

குழந்தைக்கு பாதாம், பிஸ்தா, பேரீச்சை, எப்போது எப்படி கொடுக்கணும், அம்மாக்கள் தெரிஞ்சுக்கணும்!

குழந்தைகளுக்கு பழங்களை அப்படியே நறுக்கி பழ சாலட் ஆக கொடுக்க வேண்டும் என்றுதான் மருத்துவர்கள் அறிவுறுத்துகிறார்கள். ஆனால் பால் குடிக்காத குழந்தைகளுக்கு பழங்களோடு பால் சேர்த்து ஷேக் ஆக்கி கொடுக்கலாம். ஸ்ட்ராபெர்ரி, ஆப்பிள், மாதுளம்பழம் போன்றவற்றை பாலோடு சேர்த்து கொடுக்கலாம்.

இதை குழந்தைகள் விரும்பி குடித்தால் தனியாக பால் குடிக்கும் படி கட்டாயப்படுத்த வேண்டாம். சில காலம் இப்படியே பழகலாம். வாழைப்பழத்தையும் பாலையும் மட்டும் சேர்த்து கொடுக்க கூடாது.

​காய்கறி சாறு

samayam tamil Tamil News Spot

சூப் வகைகளை காட்டிகளும் காய்கறிகளை சாறாக்கி இனிப்பு சேர்த்து குடித்தால் குழந்தைகள் சப்பு கொட்டி சாப்பிடுவார்கள். கேரட், பீட்ரூட் இரண்டுமே இயற்கையாகவே இனிப்பு சுவையை கொண்டிருக்கிறது. இதை தோல் சீவி நறுக்கி மிக்ஸியில் அடித்து பால் சேர்த்து கொடுக்கலாம். சிறுவயது குழந்தைகள் என்பதால் கேரட்டை அடித்து வடிகட்டி அதனோடு பால் கலந்து கொடுக்கலாம்.

பீட்ரூட் ஒரு வித மண் வாசனை கொண்டிருக்கும் என்பதோடு இலேசாக கார்ப்பு சுவையை கொண்டிருக்கும். அதனால் அதை தனியாக கொடுக்காமல் கேரட் சேர்த்து கொடுக்கலாம். ஸ்மூத்தியாக கொடுப்பதை காட்டிலும் சாறாக்கி கொடுத்தால் குழந்தைகள் விரும்பி குடிப்பார்கள். இதன் மூலம் அவர்களுக்கு ஒரு டம்ளர் பால் சேர்ந்துவிடும்.

​பாதாம் பால்

samayam tamil Tamil News Spot

பாலை போன்று பாதாமிலும் கால்சிய, புரதம், வைட்டமின் டி உண்டு. பாலுக்கு மாற்றாக பாதாமை எடுத்துகொள்ளலாம். இது சுவையானது என்பதோடு குறைந்த கலோரியும் கொண்டிருக்கிறது. அதே நேரம் பாலை காட்டிலும் இதில் புரதம் மற்றும் நிறைவுற்ற கொழுப்பு குறைவாகவே உள்ளது. பாதாமை அப்படியே கொடுக்காமல் அதை ஊறவைத்து தோலுரித்து மிக்ஸியில் மைய அரையுங்கள்.

ஒரு டம்ளர் பாலுக்கு 3 அல்லது 4 பாதாம் கொட்டைகள் போதும். குழந்தை மென்று சாப்பிடக்கூடியவர்களாக இருந்தால் இரண்டை தனியாக நறுக்கி சேர்க்கலாம். பாலை காய்ச்சி அரைத்த பாதாம் சேர்த்து சர்க்கரை கலந்து கொடுக்கலாம். இதை வெதுவெதுப்பான சூட்டிலும் அல்லது இலேசாக குளிரவைத்தும் கொடுக்கலாம்.

​சத்து பால்

samayam tamil Tamil News Spot

பாலே குடிப்பதில்லை அப்புறம் எப்படி சத்துபால் என்று கேட்கலாம். குழந்தைகளுக்கு தேவையான அத்தியாவசிய ஊட்டச்சத்துகள் நிறைந்த உலர் பருப்புகள், உலர் பழங்களை பாலில் கலந்து கொடுக்கலாம்.

பேரீச்சை சிறிய அளவு – 1, பிஸ்தா பருப்பு -2 , அத்திப்பழம் பாதி அளவு, அக்ரூட் – சிறிதளவு, உலர் திராட்சை – 3, பாதாம்,-1 முந்திரி – 1, எல்லாவற்றையும் ஊறவைத்து மிக்ஸியில் ஒரு சுற்றூ சுற்றி மேலும் ஒரு டம்ளர் பால் சேர்த்து எடுத்தால் அதிக சத்து நிறைந்த பால் கிடைக்கும்.

இதை குடித்தால் குழந்தைக வளர்ச்சிக்கு தேவையான அத்தனை சத்துகளையும் குறையில்லாமல் பெறுவார்கள். இதை தினமும் கொடுக்க கூடாது. வாரத்துக்கு ஒன்று அல்லது இரண்டு நாள் வரை கொடுக்கலாம். கூடுதலாக இதில் பால் வாடையும் வராது.

​பால் பொருள்கள்

samayam tamil Tamil News Spot

பால் குடிக்கவில்லை என்றால் என்ன இருக்கவே இருக்கு பால் சார்ந்த பொருள்கள். பால் வாடை பிடிக்காத பல குழந்தைகள் கூட தயிர், யோகர்ட், இனிப்பு தயிர், மோர் போன்றவற்றை விரும்பி எடுத்துகொள்வார்கள். இது பாலை காட்டிலும் கூடுதல் நன்மையை குழந்தைகளுக்கு தரக்கூடியது. தினம் ஒரு கப் தயிர், மோர் என பாலுக்கு மாற்றாக குழந்தைகளை பழக்கலாம்.

பிறந்த குழந்தைக்கு திட உணவு? எப்போது கொடுக்கலாம்? என்ன கொடுக்கலாம்? நியூட்ரிஷியன்கள் அம்மாக்களுக்கு என்ன சொல்கிறார்கள்…

பாலிலிருந்து தயாரிக்கப்படும் பன்னீர், சீஸ் போன்றவற்றை குழந்தைகள் மறுக்காமல் சாப்பிடுவார்கள். ஆனால் இதை அளவுக்கு அதிகமாக சாப்பிடும் போது உடல் எடை அதிகரிக்கவும் வாய்ப்புண்டு என்பதால் அளவாக கொடுங்கள்.

பாலுக்கு மாற்றாக பாலில் இந்த பொருள்களை கலந்து கொடுக்கும் போது குழந்தைகள் அடம்பிடிக்காமல் குடிப்பார்கள். ஆனால் பால் சேர்த்த வாடையை தவிர்க்கும் குழந்தைகளும் உண்டு. அவர்களுக்கு பால் சேர்க்காத பாலுக்கு மாற்றான பொருள்கள் என்னென்ன என்று பார்க்கலாம்.

Thanks for the Source

Share on Social Media

Leave a Reply

Your email address will not be published. Required fields are marked *