Share on Social Media


​சோற்று கற்றாழை

தினசரி முகத்தில் சிறிது கற்றாழை ஜெல்லைத் தடவி, சிறிதுநேரம் உலரவிட்டுப் பின் வெதுவெதுப்பான நீரை கொண்டு முகத்தை கழுவிக் கொள்ளவும்.

இப்படி தினசரி செய்து வரும் பொழுது நமது முகத்தில் பொலிவு வருவதோடு மட்டுமல்லாமல், முகப் பருக்கள் போன்ற பிரச்சினைகளும் கட்டுக்குள் வரும்.

​அழகு சாதனப் பொருள்களில்

samayam tamil Tamil News Spot

முகப்பருவினால் ஏற்படும் வடுக்களை சரிசெய்யவும் சோற்றுக் கற்றாழை உதவுகிறது. இதில் உள்ள பல்வேறு நன்மைகள் காரணமாகத்தான் அழகு சாதனப் பொருட்களில் பெருமளவில் கற்றாழை பயன்படுத்தப்படுகிறது.

கற்றாழை தளிர்பச்சை, இளம்பச்சை, கரும்பச்சை என்று பலவிதங்களில் இருந்தாலும் அதிக மருத்துவ தன்மை நிறைந்தது. சோற்று கற்றாழையில் உள்ளிருக்கும் ஜெல்லை வெளியில் எடுத்து, அதை தண்ணீரில் குறைந்தது 7 அல்லது 8 முறை கழுவி பயன்படுத்த வேண்டும் என்பதை மறந்து விடாதீர்கள்.

​சருமத் தடிப்புகள்

samayam tamil Tamil News Spot

குழந்தை பெற்ற பெண்களில் வயிறு, தோள்பட்டை, தொடை போன்ற பகுதிகளில் வரிவரியாக தழும்புகள் போன்று காணப்படும். இதை சரிசெய்ய கூட நீங்கள் சோற்றுக் கற்றாழையில் உள்ள ஜெல்லை பயன்படுத்தலாம். பாதிப்படைந்த இடங்களில் இந்த ஜெல்லை தடவி குறைந்தது அரை மணி நேரம் ஊற வைத்து பின்பு வெதுவெதுப்பான நீரில் கழுவ வேண்டும். தொடர்ந்து இதைச் செய்து வர நல்ல தீர்வு கிடைக்கும்.

​வேப்பிலை

samayam tamil Tamil News Spot

வேப்ப இலையைப் பொறுத்தவரை அதில் இயற்கையாகவே பாக்டீரியா எதிர்ப்பு பண்புகள் மற்றும் பூஞ்சை எதிர்ப்பு பண்புகள் நிறைந்துள்ளது. இதில் உள்ள ஆன்டி-ஆக்ஸிடன்ட்கள், வைட்டமின் ஈ, கால்சியம் போன்றவை நமது சரும ஆரோக்கியத்தை மேம்படுத்த உதவுகிறது. வேப்பிலையில் உள்ள சுத்திகரிப்பு பண்புகள் சருமத்தில் ஏற்படும் வடுக்களை எதிர்த்து போராட உதவுகிறது. அதுமட்டுமல்லாமல் வேப்ப இலையை அரைத்து நமது சருமத்தில் பயன்படுத்தும் போது சுருக்கங்கள், கோடுகள் போன்றவற்றை சரிசெய்ய முடியும்.

​கிருமி நாசினி

samayam tamil Tamil News Spot

இது ஒரு இயற்கை கிருமி நாசினி என்பதால் தயக்கமின்றி எல்லா வித சருமத்திலும் நீங்கள் வேப்பிலையை பயன்படுத்தலாம். பொதுவாக சருமத்தில் ஏற்படும் பல பிரச்சினைகளுக்கு முக்கியக் காரணம் நமது முகத்தில் படியும் தூசுகள் தான். எனவே வேப்பிலையை அப்படியே அரைத்து நமது சருமத்தில் பயன்படுத்தும் பொழுது, இதுபோன்ற பாதிப்புகளை சரி செய்ய முடியும்.

பொதுவாகவே வேப்ப இலையை முதலில் காயவைத்து பின்னர் பொடி செய்து அதற்குப் பிறகு நீர் சேர்த்து கலக்கி பேஸ்ட் மாதிரி செய்து கொள்ளலாம். இப்படி நீங்கள் வேப்பிலையை பொடி செய்து வைத்திருக்கும் போது அதை குறைந்தது 6 மாத காலம் வரை நீங்கள் பயன்படுத்தலாம்.

​எப்படி பயன்படுத்தலாம்?

samayam tamil Tamil News Spot

தினசரி குளிக்க செல்வதற்கு அரை மணி நேரத்திற்கு முன் இந்த பொடியில் தயிர் அல்லது பால் சேர்த்து நன்றாக பேஸ்ட் போல் கலக்கிக் கொள்ள வேண்டும். இதை உங்கள் சருமத்தில் தடவி, குறைந்தது 20 நிமிடங்கள் கழித்து வெதுவெதுப்பான நீரில் கழுவிக் கொள்ளலாம். இப்படி நீங்கள் தொடர்ந்து செய்து வர உங்கள் முகத்தில் இழந்த பொலிவை மீட்டெடுக்கலாம்.

தனித்தனியாக இவ்வளவு நன்மைகள் கொண்ட சோற்றுக்கற்றாழை மற்றும் வேப்ப இலை ஆகியவற்றை ஒன்றாக சேர்த்து ஃபேஸ் பேக்காக பயன்படுத்தும் பொழுது, மேலும் அதிக நன்மைகளை நம்மால் பெற முடியும். ஃபேஸ் பேக் செய்வது எப்படி என பார்ப்போம்.

​கற்றாழை – வேப்பிலை பேஸ்பேக்

samayam tamil Tamil News Spot

தேவையான பொருட்கள்

ஒரு சிறிய அளவு கற்றாழை இலை

வேப்ப இலை பொடி ஒரு தேக்கரண்டி

தேன் (விரும்பினால்)

இந்த ஃபேஸ் பேக் செய்யும் முறை

கற்றாழை இலையிலிருந்து கற்றாழை ஜெல்லை எடுத்து ஒரு மிக்ஸியில் சேர்த்து நன்றாக அரைத்து கொள்ளவும். இதனுடன், ஒரு டீஸ்பூன் வேப்பம்பூ பொடி அல்லது ஒரு கைப்பிடி வேப்ப இலை ஆகிய இரண்டு பொருட்களையும் மிக்ஸியில் சேர்த்து அரைத்துக் கொள்ளவும்.

அரைத்தும், பிரிட்ஜில் சிறிது நேரம் வைத்து, பின்னர் இந்த ஜெல்லை பயன்படுத்தலாம்.

பயன்படுத்தும் முறை

இரவில், உங்கள் முகத்தை நன்றாக சுத்தம் செய்த பிறகு, ஃபேஸ் பேக்கை உங்கள் முகத்தில் தடவவும்.

அதை 15 நிமிடங்கள் ஊறவிடவும்.

அடுத்து, உங்கள் முகத்தைத் தண்ணீரில் கழுவி கொள்ளவும். உங்கள் சருமத்தில் நல்ல தீர்வினை காண வாரத்திற்கு இரண்டு முறையாவது இந்த ஃபேஸ் பேக்கை பயன்படுத்துவதை உறுதிப்படுத்திக் கொள்ளுங்கள்.

இந்த ஃபேஸ்பேக்கை பயன்படுத்திய அடுத்த நாள் காலையில் உங்கள் முகத்தில் நிச்சயமாக சிறிதளவு மாற்றங்களை கவனிக்க முடியும். உங்கள் சருமம் வழக்கத்திற்கு மாறாக மென்மையாக இருப்பதை உங்களால் உணர முடியும். அதே நேரத்தில் ஒரு வாரம் இதை நீங்கள் தொடர்ந்து செய்து வரும்போது இயற்கையான பளபளப்பு தன்மை வருவதோடு, உங்கள் சருமம் மிகவும் மிருதுவாகவும் இருக்கும்.



Source link

Share on Social Media

Leave a Reply

Your email address will not be published. Required fields are marked *