Share on Social Media


ஹைலைட்ஸ்:

  • அஜித் வீட்டிற்கு வெடிகுண்டு மிரட்டல் விடுத்த புவனேஷ்
  • மரக்காணத்தை சேர்ந்த புவனேஷ் மனநலம் பாதிக்கப்பட்டவர்
  • புவனேஷ் அடிக்கடி வெடிகுண்டு மிரட்டல் விடுத்து வருகிறார்

தமிழகத்தில் வசிக்கும் பிரபலங்களின் வீடுகளுக்கு வெடிகுண்டு மிரட்டல் விடுக்கப்படுவது வழக்கமாகி வருகிறது. இந்நிலையில் அஜித்தின் வீடு மற்றும் சென்னை மாவட்ட ஆட்சியர் அலுவலகத்தில் சிறிது நேரத்தில் குண்டு வெடிக்கும் என்று காவல் கட்டுப்பாட்டு அறைக்கு நேற்று ஒரு போன் அழைப்பு வந்தது.

இதையடுத்து அஜித்தின் வீடு இருக்கும் திருவான்மியூர் காவல் நிலையத்திற்கும், மாவட்ட ஆட்சியர் அலுவலகம் பற்றி கிழக்கு கடற்கரை காவல் நிலையத்திற்கும் உடனே தகவல் அளிக்கப்பட்டது. அவர்கள் வெடிகுண்டு நிபுணர்கள், மோப்ப நாய்களுடன் அஜித்தின் வீடு மற்றும் மாவட்ட ஆட்சியர் அலுவலகத்திற்கு விரைந்து சென்று சோதனை நடத்தினார்கள்.

சோதனையில் வெடிகுண்டு எதுவும் கிடைக்கவில்லை. இது பொய்யான மிரட்டல் என்பது தெரிய வந்தது. காவல் கட்டுப்பாட்டு அறைக்கு வந்த செல்போன் எண்ணை வைத்து விசாரணை நடத்தப்பட்டது. விசாரணையில் மரக்காணத்தை சேர்ந்த புவனேஷ் என்பவர் தான் வெடிகுண்டு மிரட்டல் விடுத்தார் என்பது தெரிய வந்தது.

புவனேஷுக்கு மனநலம் சரியில்லை. எடப்பாடி பழனிசாமி முதல்வராக இருந்தபோது அவர் வீட்டிற்கும், சூப்பர் ஸ்டார் ரஜினிகாந்தின் வீட்டிற்கும் மற்றும் சில பிரபலங்களின் வீடுகளுக்கும் வெடிகுண்டு மிரட்டல் விடுத்ததும் இதே புவனேஷ் தான். புவனேஷ் கையில் செல்போனை கொடுக்க வேண்டாம் என்று போலீசார் அவர் குடும்பத்தாரிடம் தெரிவித்திருந்தார்கள்.

இந்நிலையில் புவனேஷ் மீண்டும் வெடிகுண்டு மிரட்டல் விடுத்திருக்கிறார்.

கெரியரை பொறுத்த வரை அஜித் வலிமை படத்தில் நடித்து வருகிறார். ஹெச். வினோத் இயக்கி வரும் அந்த படத்தின் 90 சதவீத காட்சிகள் படமாக்கப்பட்டுவிட்டன. அஜித் வரும் பைக் ஸ்டண்ட் காட்சியை மட்டும் தான் படமாக்க வேண்டும்.

அந்த காட்சியை ஸ்பெயினில் படமாக்க காத்திருக்கிறார்கள். கொரோனாவின் இரண்டாம் அலை சுனாமியாக மாறியதால் படக்குழுவால் ஸ்பெயினுக்கு செல்ல முடியவில்லை. படப்பிடிப்பை திட்டமிட்டபடி முடிக்க முடியாததால் வலிமை படத்தை ஆகஸ்ட் மாதத்திற்கு பதில் தீபாவளிக்கு வெளியிடலாமா என்று ஆலோசனை நடத்திக் கொண்டிருக்கிறார்களாம்.
டப்பிங் கலைஞர் தற்கொலை: அதை பார்த்து தூக்குப் போட்டுக் கொண்ட காதலர்



Source link

Share on Social Media

Leave a Reply

Your email address will not be published. Required fields are marked *