Share on Social Media


மணிரத்னம் இயக்கத்தில் பிரம்மாண்டமாக உருவாகி வரும் ‘பொன்னியின் செல்வன்’ டைட்டில் லுக் போஸ்டர் சமீபத்தில் வெளியாகி ரசிகர்கள் மத்தியில் வரவேற்பை பெற்று வருகிறது. எழுத்தாளர் கல்கி கிருஷ்ணமூர்த்தி எழுதிய புகழ்பெற்ற நாவலான ‘பொன்னியின் செல்வன்’ கதை அதே பெயரில் திரைப்படமாக உருவாகி வருகிறது. இந்நிலையில் கொரோனா ஊரடங்கு காரணமாக நிறுத்தி வைக்கப்பட்ட பொன்னியின் செல்வன் திரைப்படத்தின் படப்பிடிப்பு அண்மையில் புதுச்சேரியில் துவங்கி நடைபெற்று வருகிறது.

விக்ரம், ஜெயம் ரவி, கார்த்தி, ஐஸ்வர்யா ராய், ஐஸ்வர்ய லட்சுமி, த்ரிஷா, பிரபு, சரத்குமார், விக்ரம் பிரபு, கிஷோர், ஜெயராம், லால், ரகுமான் உள்ளிட்ட பல மொழிகளை சேர்ந்த பிரபல நட்சத்திரங்கள் நடிக்கும் ‘பொன்னியன் செல்வன்‘ திரைப்படம் தமிழ், தெலுங்கு, மலையாளம், இந்தி உள்ளிட்ட மொழிகளில் உருவாக்கப்பட்டு வருகிறது. இந்தப்படத்தை பிரம்மாண்டமாக இரண்டு பாகங்களாக உருவாக்குகிறார் இயக்குனர் மணிரத்னம்.

இந்நிலையில் புதுச்சேரியில் நடைபெறும் படப்பிடிப்பு தளத்தில் பிரபல நடிகை ஐஸ்வர்யா ராய் மற்றும் அபிஷேக் பச்சன் ஆகியோரை சரத்குமார் மற்றும் அவரது மகள் வரலட்சுமி சரத்குமார் சந்தித்த புகைப்படங்கள் தற்போது இணையத்தில் வைரலாகி வருகிறது. பொன்னியன் செல்வன் படத்தில் ஐஸ்வர்யா ராயும், சரத்குமாரும் முக்கியமான கதாபாத்திரங்களில் நடிக்கின்றனர். புதுச்சேரியில் நடைபெறும் படப்பிடிப்பில் கலந்து கொள்வதற்காக வந்த ஐஸ்வர்யா ராயை, தனது மகள் வரலட்சுமியும் சந்தித்துள்ளார் சரத்குமார்.

‘பார்டர்’ பட தயாரிப்பாளரின் அடுத்த படைப்பு: சமுத்திரக்கனி நடிப்பில் உருவாகும் ‘யாவரும் வல்லவரே’!
மெட்ராஸ் டாக்கிஸ் நிறுவனமும், லைக்கா நிறுவனமும் இணைந்து பிரம்மாண்டமாக தயாரிக்கும் பொன்னியன் செல்வன் படத்திற்கு ஏ.ஆர்.ரஹ்மான் இசையமைக்கிறார். ரசிகர்கள் மத்தியில் மிகுந்த எதிர்பார்ப்பை ஏற்படுத்தியுள்ள இந்த படம் இரண்டு பாகங்களாக வெளியாக உள்ளது. மேலும் முதல் பாகம் அடுத்த வருடம் வெளியாகும் என்றும் அண்மையில் அறிவிக்கப்பட்டது குறிப்பிடத்தக்கது.



Source link

Share on Social Media

Leave a Reply

Your email address will not be published. Required fields are marked *