Share on Social Media


எய்ட்ஸ் பற்றிய அதிர்ச்சி தகவல்

2030 ஆம் ஆண்டளவில் எய்ட்ஸை ஒழிக்கும் இலக்கை அடைவது விரைவாக இல்லை என்றும் அதில் தாமதம் ஏற்பட்டு வருவதாகவும் ஐக்கிய நாடுகள் சபையில் நோயை எதிர்த்துப் போராடும் குழுவின் அமைப்பு தன்னுடைய அறிக்கையை பிறப்பித்து உள்ளது. இன்னமும் எய்ட்ஸ் நோயால் பாதிப்படைந்த மக்கள் சமூகத்தில் இருக்கத்தான் செய்கிறார்கள் என்றும் கூறியுள்ளது.

UNAIDS தன்னுடைய இலக்கை அடைய மக்களாகிய நாம் என்ன செய்ய வேண்டும் என்று அறிந்து கொள்வோம். எய்ட்ஸ் நோயை ஒழிக்க என்னென்ன நடவடிக்கைகள் அவசியமானவை என்றும் அறிந்து கொள்ளுங்கள்.

ஏன் இந்த இலக்கு சாத்தியமற்றது

acquired immune deficiency syndrome என்பதன் சுருக்கமே AIDS என்பதாகும். இந்த கொரோனா தொற்று நோய்களுக்கு இடையில் எய்ட்ஸ் தொற்று நோயையும் 2030 ஆம் ஆண்டுக்குள் முடிவுக்கு கொண்டு வர வேண்டும் என்றால் அதற்கு கூட்டு முயற்சிகள் அவசியம் என்று ஐக்கிய நாடுகளின் பொதுச்செயலாளர் UNAIDS இணையதளத்தில் உலக எய்ட்ஸ் தின செய்தியில் இதை தெரிவித்து உள்ளார்.
இந்த 10 உணவுகள் அதிகமா எடுத்துகிட்டா கண்டிப்பா உயர் ரத்த அழுத்தப் பிரச்சினை வரும்…

கொரோனா நெருக்கடியில் எய்ட்ஸ் கட்டுப்பாட்டு :

ஏற்கனவே எய்ட்ஸ் கட்டுப்பாட்டு என்பது சீர்குலைந்த நிலையில் இந்த கொரோனா நெருக்கடியும் எய்ட்ஸ் தடுப்பு மற்றும் சிகிச்சை சேவைகளை மேலும் சீர்குலைத்து உள்ளது. எனவே இதற்கிடையில் எய்ட்ஸ் நோயை முடிவுக்கு கொண்டு வருவது என்பது இந்த கொரோனா நெருக்கடியில் நீண்டு செல்லும் விஷயமாக மாறி வருகிறது. மக்கள் மற்றும் எய்ட்ஸ் அமைப்பு என எல்லாருடைய ஒத்துழைப்பு இருந்தால் மட்டுமே நாம் இதை சாத்தியமாக்க முடியும். இருப்பினும் அடுத்த 10 வருடங்களில் அதாவது 2030க்குள் முடிவுக்கு கொண்டு வர வேண்டும் என்ற இலக்கு தாமதமாகலாம் என்றும் UNAIDS அமைப்பு தெரிவித்துள்ளது.

UNAIDS நிறுவன தலைவர்கள் இது குறித்து கூறுகையில் எய்ட்ஸ் தொடர்பான தடுப்பு நடவடிக்கைகள் மற்றும் சிகிச்சைகள் 2019 ஆம் ஆண்டு அளவில் மட்டுமே இருந்தால், அடுத்த 10 ஆண்டுகளில் எய்ட்ஸ் தொற்று தொடர்பாக 7 மில்லியனுக்கும் அதிகமான இறப்புகளை உலகளவில் சந்திக்க நேரிடும் என்றும் UNAIDS ஒரு கடுமையான எச்சரிக்கையை பிறப்பித்துள்ளது.

எனவே எய்ட்ஸ் நோயை முடிவுக்கு கொண்டு வரவும், கோவிட் 19 யை எதிர்கொள்ளவும் மக்கள் தைரியமான நடவடிக்கையில் ஈடுபட வேண்டும். எல்லாரும் ஒற்றுமையாக முயற்சித்தால் மட்டுமே எய்ட்ஸ் நோயை ஒழிக்க முடியும் என்றும் புதிய அறிக்கையை வெளியிட்டு உள்ளது.

சட்னினா ரொம்ப பிடிக்குமா… இதோ நீங்க விரும்பி சாப்பிடற 5 வகை சட்னி பத்தின உண்மைய தெரிஞ்சிக்கங்க…

UNAIDS இலக்குகள்

எய்ட்ஸ் ஒழிப்பு தொடர்பான 2030 ஆம் ஆண்டு இலக்குகள் தள்ளிப் போகும் பட்சத்தில் ஜூன் மாதத்தில் UNAIDS ஆனது 2025 ஆம் ஆண்டிற்குள் எய்ட்ஸ்யை முற்றிலுமாக ஒழிக்க வேண்டும் என்ற புதிய இலக்குகளை நிர்ணயித்துள்ளது. இதன் மூலம் எச்ஐவி சேவையை அதிகப்படுத்துதல், வருடாந்திர எச்ஐவி தொற்றுகளை 370,000க்கும் குறைவாகக் குறைத்தல், மற்றும் எய்ட்ஸ் தொடர்பான இறப்புகளை 2025க்குள் 250,000 க்கும் குறைவாக குறைக்க வேண்டும் போன்ற இலக்குகளை அவர்கள் நிர்ணயித்து உள்ளனர்.

இந்த இலக்குகளை 2025 க்குள் நாம் எட்டி விட்டால் சுமார் 4.6 மில்லியன் உயிர்களைக் காப்பாற்ற முடியும் என்று UNAIDS அமைப்பு தெரிவித்துள்ளது.

இது ஒரு பக்கம் இருந்தாலும் எய்ட்ஸ் தொற்று பரவல் மற்றும் எய்ட்ஸ் தொற்று இறப்பு இன்னமும் குறையவில்லை என்றும் UNAIDS தரவு கூறுகிறது.

எனவே இந்த இலக்கை அடைய உலகளாவிய அளவில் நாம் செயல்பட வேண்டும் மேலும் எய்ட்ஸ் தடுப்புக்கான நிதியுதவி மற்றும் கட்டுப்பாடுகள் உலகளாவிய அளவில் மேம்படுத்த வேண்டும் என்றும் UNAIDS கூறியுள்ளது.

உலகளாவிய அளவில் எய்ட்ஸ் தடுப்பு

இந்த தடுப்பு நடவடிக்கையில் ஆணுறைகள் மற்றும் சுத்தமான ஊசிகள் போன்ற தடுப்பு உபகரணங்களுக்கான அணுகல் மற்றும் சமூக ஆதரவு இவற்றிற்கு முன்னுரிமை வழங்க வேண்டும்.

மனித உரிமைகள், மக்களிடையே நம்பிக்கையை கட்டியெழுப்ப வேண்டும் மற்றும் தொற்று நோய்களை சமாளிக்க விழிப்புணர்வு மேற்கொள்ள வேண்டும்.

எய்ட்ஸ் தடுப்புக்கான பணியாளர்களை அதிகரிக்க வேண்டும்.

UNAIDS அறிக்கையின் படி, ஓரினச்சேர்க்கையாளர்கள் மற்றும் ஆண்களுடன் உடலுறவு கொள்ளும் பிற ஆண்கள், பாலியல் தொழிலாளர்கள், ஊசி மூலம் போதைப்பொருள் பயன்படுத்துபவர்கள் மற்றும் ஒதுக்கப்பட்ட மக்கள் எச். ஐ.வி தொற்றால் பாதிப்புக்கு உள்ளாக அதிக ஆபத்தில் உள்ளது.

ஒவ்வொரு நிமிடமும் எய்ட்ஸ் நோயால் விலைமதிப்பற்ற உயிர்களை இழக்கிறோம். எல்லாரும் சமத்துவத்தோடு செயல்பட்டால் எய்ட்ஸ் நோய்க்கு முடிவு கட்டலாம். அதே மாதிரி தொற்று நோய்க்கு எதிராகவும் போராட முடியும்.



Source link

Share on Social Media

Leave a Reply

Your email address will not be published. Required fields are marked *