Share on Social Media


ஹைலைட்ஸ்:

  • தலிபான்களின் அடுத்த குறி யார்?
  • எதிர்ப்புக் குழுத் தலைவர் அகமது மசூதை தலிபான்கள் தேடுவதாகத் தகவல்

ஆப்கானிஸ்தானில் தலிபான்கள் ஆட்சியை எதிர்த்து பஞ்ச்ஷீர் பகுதியிலிருந்து குரல் கொடுத்து வந்த எதிர்ப்புக் குழுத் தலைவர் அகமது மசூதை தலிபான் பயங்கரவாதிகள் தீவிரமாக தேடி வருகின்றனர்.

தெற்கு ஆசிய நாடான ஆப்கானிஸ்தானில், சுமார் 20 ஆண்டுகளுக்குப் பிறகு, அமெரிக்கப் படைகள் வெளியேறியதை அடுத்து, ஆட்சி அதிகாரத்தை தலிபான் அமைப்பினர் கைப்பற்றி உள்ளனர். அங்கு தற்காலிக அரசையும் அவர்கள் அமைத்து உள்ளனர்.

பஞ்ச்ஷீர் பகுதி போராளிகளின் கோட்டையாகக் கருதப்படுகிறது. கடந்த 1990களில் தலிபான்கள் ஆதிக்க சக்தியாக இருந்த போது பஞ்ச்ஷீரை அவர்களால் நெருங்க இயலவில்லை. சோவியத் படைகள் கூட அப்பகுதியை நெருங்க முடியாத அரணாக அகமது ஷா மசூத் வைத்திருந்தார்.

இந்நிலையில், கடந்த 15ம் தேதி ஆப்கானிஸ்தானை தலிபான் பயங்கரவாதிகள் கைப்பற்றினர். அதிலிருந்தே தலிபான்களுக்கு பஞ்ச்ஷீர் பள்ளத்தாக்கில் இருந்து எதிர்ப்பு கிளம்பி விட்டது. ஆனால், பஞ்ச்ஷீரின் 70 சதவீத பகுதிகளைக் கைப்பற்றி விட்டதாக தலிபான்கள் கூறுகின்றனர். இந்நிலையில், தலிபான் எதிர்ப்புக் குழு தலைவர் அகமது மசூத் வெளிநாட்டுக்கு தப்பி விட்டதாக தகவல் வெளியானது.
குழந்தைகளுக்கு கொரோனா தடுப்பூசி போடும் பணி துவக்கம்!
ஆனால், மசூத் இன்னமும் ஆப்கானிஸ்தானில் தான் இருக்கிறார் என்று ஈரான் செய்தி நிறுவனம் ஃபார்ஸ் செய்தி வெளியிட்டு உள்ளது. கடந்த வாரம் ஆப்கன் மக்களுக்கு ஆடியோ மூலம் அகமது மசூத் ஒரு வேண்டுகோளை முன்வைத்திருந்தார்.

தாய் மொழியில் அம்மா அப்பா என்று கூப்பிடும் போது தான் அன்பு அதிகரிக்கிறது!

அதில், ஆப்கன் மக்கள் அனைவரும் சுதந்திரத்துக்காக, தனிநபரின் மாண்புக்காக, நாட்டின் வளத்திற்காக ஒன்றிணைந்து எழுச்சியுடன் போராட வேண்டும் என்று குரல் கொடுத்திருந்தார். இந்நிலையில், தலிபான்களுடன் பேச்சுவார்த்தைக்குத் தயாராக இருப்பதாக மசூத் அறைகூவல் விடுத்துள்ளார்.

தலிபான்கள் பஞ்ச்ஷீரில் இருந்து வெளியேறினால் சண்டையை நிறுத்துவதாகவும் கூறியுள்ளார். ஆனால், தலிபான்களோ அகமது மசூதையும், ஆப்கனின் முன்னாள் துணை அதிபர் அம்ருல்லா சாலேவையும் தீவிரமாக தேடி வருகின்றனர்.



Source link

Share on Social Media

Leave a Reply

Your email address will not be published. Required fields are marked *