Share on Social Media


ஹைலைட்ஸ்:

  • கடந்த 20 ஆண்டுகளில் இதுபோல பட்ஜெட் தயாரிக்கப்பட்டதில்லையாம்.
  • வருவாய் பற்றாக்குறை பட்ஜெட்டாக இது தயாரிக்கப்பட்டுள்ளது.
  • எங்களால் சமாளிக்க முடியும் என்று நம்புவதாக தலிபான்கள் தகவல்.

ஆப்கானிஸ்தானில் ஆட்சிப் பொறுப்பில் உள்ள தலிபான்கள் தேசிய வரைவு பட்ஜெட்டை தயாரித்துள்ளனர். வெளிநாட்டு நிதியுதவி எதுவும் இல்லாமலேயே இந்த பட்ஜெட் திட்டமிடப்பட்டுள்ளதாக தலிபான்கள் தெரிவித்துள்ளனர். கடந்த 20 ஆண்டுகளில் இப்படி வெளிநாட்டு உதவியில்லாமல் பட்ஜெட் போடுவது ஆப்கானிஸ்தானில் இதுவே முதல் முறையாகும்.

ஆப்கானிஸ்தான் நாடு நிதி ரீதியாக பெரும் நெருக்கடியில் உள்ளது. தற்போது தலிபான்கள் வசம் அந்த நாடு வந்துள்ளதைத் தொடர்ந்து பல்வேறு நாடுகளும் நிதியுதவிகளை நிறுத்தி விட்டன. இதனால் அங்கு பசி, பட்டினி பெருக ஆரம்பித்துள்ளது. இது பேரழிவாக மாறும் அபாயம் உள்ளதாக ஐ.நா. சபையும் எச்சரித்துள்ளது.

இந்த நிலையில் ஆப்கானிஸ்தான் நாட்டின் தேசிய வரைவு பட்ஜெட்டை உருவாக்கியிருப்பதாக தலிபான்கள் தெரிவித்துள்ளனர். இதுதொடர்பாக நிதித்துறை செய்தித் தொடர்பாளர் அகமது வாலி ஹக்மல் கூறுகையில், டிசம்பர் 2022ம் ஆண்டு வரைக்குமான பட்ஜெட் தயாரிக்கப்பட்டுள்ளது. விரைவில் இது அமைச்சரவை ஒப்புதல் பெற்ற பின்னர் சமர்ப்பிக்கப்படும்.

எங்களது நாட்டு வருமானத்தை வைத்தே பட்ஜெட்டை திட்டமிட்டுள்ளோம். எங்களால் முடியும் என்ற நம்பிக்கை எங்களுக்கு உள்ளது. வெளிநாட்டு நிதியுதவி எதையும் பெறாமலேயே எங்களது பட்ஜெட்டை உருவாக்கியுள்ளோம். கடந்த 20 ஆண்டுகளில் இது முதல் முறையாகும் என்றார் அவர்.

கடந்த ஆகஸ்ட் மாதம் தலிபான்கள் ஆப்கானிஸ்தானை கைப்பற்றிய பின்னர் உலக அளவில் நிதி வருவது நின்று விட்டது. மேலும் ஆப்கானிஸ்தானுக்கு சொந்தமான சொத்துக்களை மேற்கத்திய நாடுகள் முடக்கி விட்டன. இதனால் மிகப் பெரிய நிதி நெருக்கடியில் சிக்கியது ஆப்கானிஸ்தான்.

ஹக்மல் மேலும் கூறுகையில், அரசு ஊழியர்களுக்கு பல மாத சம்பளம் நிலுவையில் உள்ளது உண்மைதான். எங்களால் முடிந்த அளவுக்கு சிறப்பாக செயலாற்ற முயற்சித்து வருகிறோம். விரைவில் புதிய சம்பள விகிதம் கொண்டு வரப்படும். வரி வசூலை அதிகரித்துள்ளோம். கடந்த இரண்டரை மாதங்களில் மட்டும் 26 பில்லியன் ஆப்கானி வரி வசூலை வருவாய்த்துறை செய்துள்ளது. இதில் 13 பில்லியன் வரி சுங்க வரியாகும். ஏழைகள் மற்றும் ஆதரவற்றோருக்கு உதவுவதற்காக இஸ்லாமிய வரி அறிமுகப்படுத்தப்பட்டுள்ளது என்றார் அவர்.



Source link

Share on Social Media

Leave a Reply

Your email address will not be published. Required fields are marked *