Share on Social Media


திருவாரூர் மாவட்டம் முத்துப்பேட்டை அடுத்த மணல்மேடு கிராமத்தைச் சேர்ந்தவர் ராஜேஷ் (38). இவர் முத்துப்பேட்டை அதிமுக ஒன்றிய கவுன்சிலராக சுயேட்சையாக நின்று வெற்றி பெற்றவர். மேலும், இவர் மீது பல்வேறு கொலை, அடிதடி உள்ளிட்ட வழக்குகள் உள்ளன. இந்நிலையில், ராஜேஷ் நேற்று காலை ஆலங்காடு பகுதிக்கு இரு சக்கர வாகனத்தில் சென்று கொண்டிருந்தார்.

அப்போது, அங்கு காரிலும், டூ வீலரிலும் வந்த கும்பல் ராஜேஷை வழி மறித்து வெட்ட முயற்சித்துள்ளது. சுதாரித்துக்கொண்ட ராஜேஷ் இரு சக்கர வாகனத்தில் தப்ப முயன்றது. ஆனால், அந்த கும்பல் காரை கொண்டு அவரை முட்டியதில் ராஜேஷ் நிலைதடுமாறி கீழே விழுந்தார். அவரை சுற்றி வளைத்த கும்பல் சரமாரியாக வெட்டி கொலை செய்தது.

மேலும், ராஜேஷின் தலையை தனியாக வெட்டி எடுத்துக்கொண்டு ஒரு லுங்குயில் சுருட்டி அங்கிருந்து சென்றது. அப்போது, செல்லும் வழியிலேயே தலை சாலையில் விழவே, அங்கிருந்த பொதுமக்கள் கூச்சலிட்டனர். உடனே அந்த கும்பல் தலையை அங்கேயே விட்டுவிட்டு தப்பியுள்ளது.

கன்னித்தன்மை பரிசோதனை, கன்டென்ட் கதறல்… டிக்டாக் சுகந்தி – திவ்யாவின் பஞ்சாயத்து

சம்பவம் அறிந்து வந்த போலீசார் வெவ்வேறு இடங்களில் இருந்த ராஜேஷின் உடல், தலையை கைப்பற்றி மாவட்ட அரசு மருத்துவமனைக்கு அனுப்பி வைத்தனர். இதற்கிடையில் போலீசாருக்கும், அப்பகுதி மக்களுக்கும் இடையே கடுமையான வாக்குவாதம் ஏற்பட்டது. பின்னர் அவர்களை சமாதானப்படுத்தி அனுப்பி வைத்த போலீசார் கொலை குறித்து வழக்கு பதிவு செய்து கொலையாளிகளை தேடி வருகின்றனர். சமீப நாட்களாக அரசியல் பிரமுகர்கள் படுகொலை செய்யப்படும் சம்பவங்கள் தமிழகத்தில் அதிகரித்து வருகின்றன.



Thanks for the source

Share on Social Media

Leave a Reply

Your email address will not be published. Required fields are marked *