Share on Social Media


‘திரிஷா இல்லன்னா நயன்தாரா’ திரைப்படம் மூலம் தமிழ் சினிமாவில் அறிமுகமானவர் இயக்குனர் ஆதிக் ரவிச்சந்திரன். அடல்ட் காமெடி ஜானரில் உருவான இவரின் முதல் படமே பலவித சர்ச்சைகளை கிளப்பி இருந்தாலும், இளைஞர்கள் மத்தியில் இந்த படம் வரவேற்பை பெற்றது. அதனை தொடர்ந்து இவரின் இயக்கத்தில் வெளியான அன்பானவன் அசராதவன் அடங்காதவன் திரைப்படம் எதிர்பார்த்த வெற்றியை பெறவில்லை.

அதனை தொடர்ந்து ஹெச்.வினோத் இயக்கத்தில் அஜித், ஸ்ரத்தா ஸ்ரீநாத், அபிராமி வெங்கடாசலம், அர்ஜுன் சிதம்பரம், ரங்கராஜ் பாண்டே உள்ளிட்ட பலர் நடிப்பில் வெளியான ‘நேர்கொண்ட பார்வை‘ திரைப்படத்தில் ஒரு முக்கிய கதாபாத்திரத்தில் நடித்தார் ஆதிக் ரவிச்சந்திரன். இது இந்தியில் அமிதாப் பச்சன் நடிப்பில் வெளியாகி மாபெரும் வரவேற்பைப் பெற்ற ‘பிங்க்’ படத்தின் அதிகாரப்பூர்வ ரீமேக் ஆகும்.

இந்தப் படத்தின் மூலம் இயக்குநர் ஆதிக் ரவிச்சந்திரன் நடிகராகவும் மாறினார். அஜித்தின் தீவிரமான ரசிகரான இவர், நேர்கொண்ட பார்வை திரைப்படத்தில் அஜித்துடன் நடித்த அனுபவங்கள் பற்றி பல பேட்டிகளில் நெகிழ்ச்சியுடன் தெரிவித்துள்ளார். இந்நிலையில் ‘நேர்கொண்ட பார்வை’ படத்துக்கு பிறகு நான் எப்படி மாறினேன் என்று தனது புகைப்படங்களை இணையத்தில் வெளியிட்டுள்ளார் ஆதிக் ரவிச்சந்திரன்.

ஒன்றிய அரசின் மெளனம் வேதனை அளிக்கிறது: பேமிலி மேன் 2 தொடருக்கு எதிராக இயக்குனர் பாரதிராஜா ஆவேசம்!
அவரின் இந்த பதிவிற்கு ரசிகர்கள் பலரும் கமெண்ட் செய்து வரும் நிலையில், ரசிகர் ஒருவர், “கூடிய விரைவில் தல அவர்களை ஒரு அற்புதமான கதையுடன் சந்தியுங்கள். ஒரு தல ரசிகர் தலயை இயக்குவதைக் காண விரும்புகிறோம்” என்று தெரிவித்தார். அவரின் இந்த கமெண்ட்டை மென்சன் செய்து அவருக்கு பதில் அளித்துள்ளார் ஆதிக் ரவிச்சந்திரன்.

அதில், ‘நேர்கொண்ட பார்வை’ படப்பிடிப்பின் போது நான் என்னுடைய ‘காதலைத் தேடி நித்யானந்தா’ மற்றும் ‘பஹீரா’ ஆகிய 2 படங்களையும் எழுதி முடித்துவிட்டேன். அவரை சந்தித்த பின் என்னுடைய எண்ண ஓட்டம் நிறைய மாறிவிட்டது. இதன் பிறகு என்னுடைய கதை மற்றும் பட தேர்வு ஒரு சரியான தளத்தில் இருக்கும்’ என குறிப்பிட்டுள்ளார் ஆதிக் ரவிச்சந்திரன். இவர் தற்போது பிரபுதேவா நடிப்பில் பஹீரா திரைப்படத்தை இயக்கி முடித்துள்ளார் என்பது குறிப்பிடத்தக்கது.



Source link

Share on Social Media

Leave a Reply

Your email address will not be published. Required fields are marked *