Share on Social Media


கொரோனா இரண்டாவது அலையால் பல தொழில் துறைகள் முடங்கி போயுள்ளன. இதனால் பல தொழிலாளர்கள் வேலை இழக்கும் அபாயமும் ஏற்பட்டுள்ளது. கடைகள், ஷாப்பிங் மால்கள், திரையரங்குகள் என அனைத்தும் மூடப்பட்டதால் பொதுமக்கள் அனைவரும் வீட்டிற்குள்ளேயே முடங்கி போயுள்ளார்கள். திரையுலகம் முற்றிலும் மூடப்பட்டுள்ளதால், சினிமாவையே நம்பியுள்ள தொழிலாளர்கள் பலர் பண கஷ்டத்தில் முடங்கி போயுள்ளனர்.

திரையுலகில் பணிபுரியும் தினசரி தொழிலாளர்கள் பலரும் படப்பிடிப்புகள் இல்லாமல் வீட்டிலேயே இருந்தார்கள். இதனால் அவர்களுக்குக் கடும் நிதி நெருக்கடி ஏற்பட்டது. இதனை மனதில் வைத்து பல்வேறு முன்னணி நடிகர்களும் அவர்களுக்கு உதவிகள் செய்து வருகிறார்கள். அந்த வகையில் 3000 தொழிலாளர்களுக்கு தலா 5000 ரூபாயை அவர்களுடைய வங்கிக் கணக்கில் செலுத்த முடிவு செய்துள்ளார் கன்னட திரையுலகின் முன்னணி நடிகர் யாஷ்.

இது தொடர்பாக அவர் வெளியிட்டுள்ள அறிக்கையில், “நாடு முழுவதும் கணக்கிலடங்கா நபர்களின் வாழ்வாதாரத்தை பாதித்திருக்கும் கண்ணுக்குத் தெரியாத எதிரியாக கோவிட் தோற்று உள்ளது. எனது சொந்த கன்னடத் திரைத்துறையும் இதனால் மோசமாக பாதிக்கப்பட்டுள்ளது.

பேத்திக்கு இசை கற்று கொடுக்கும் இசைஞானி இளையராஜா: யுவன் வெளியிட்ட க்யூட் வீடியோ!
நாம் இருக்கும் இந்த மோசமான காலகட்டத்தை மனதில் கொண்டு எங்கள் திரைத்துறையின் 21 பிரிவுகளைச் சேர்ந்த 3000 உறுப்பினர்களுக்கு எனது சொந்தச் செலவில் தலா 5 ஆயிரம் ரூபாயை அவரவர் வங்கிக் கணக்கில் செலுத்த உள்ளேன்.

இந்தச் சூழலால் ஏற்பட்டிருக்கும் வலி மற்றும் இழப்புக்கு இது தீர்வாகாது என்பது எனக்குத் தெரியும். இது நம்பிக்கைக்கான கீற்று. நல்ல காலம் பிறக்கும் என்பதற்கான நம்பிக்கை” என அந்த அறிக்கையில் குறிப்பிட்டுள்ளார் நடிகர் யாஷ். தமிழ்நாடு பெப்சி தொழிளாலர்களுக்கும் பல நடிகர்கள் உதவி வருகின்றனர். நடிகர் அஜித் குமார் பெப்சி தொழிலாளர்களுக்கு 10 லட்சம் வழங்கியது குறிப்பிடத்தக்கது.

இந்திய அளவில் மிகப்பெரிய ஹிட்டித்த கேஜிஎப் இரண்டாம் பாகத்தில் தற்போது நடித்து வருகிறார் நடிகர் யாஷ். கொரோனா அச்சுறுத்தல் காரணமாக இந்த படத்தின் இறுதிக்கட்ட பணிகள் தள்ளி வைக்கபட்டுள்ளது. இதனால் ஜூலை 16-ம் தேதி வெளியாவதாக இருந்த ‘கே.ஜி.எஃப் 2‘ திரைப்படத்திற்கு சிக்கல் ஏற்பட்டுள்ளது. இந்நிலையில் 3000 தொழிலாளர்களுக்கு தலா 5000 ரூபாயை வழங்கு நடிகர் யாஷின் செயலுக்கு பலரும் பாராட்டுக்கள் தெரிவித்து வருகின்றனர்.



Source link

Share on Social Media

Leave a Reply

Your email address will not be published. Required fields are marked *