Share on Social Media


நடிகர் விஜய் நடித்த ‘பிகில்‘ திரைப்படம் தொடர்பான வருமானவரித்துறையின் வழக்கு குறித்து முக்கிய தகவல் ஒன்று வெளியாகியுள்ளது. இந்த வழக்கு விசாரணையின் அறிக்கை விரைவில் நீதிமன்றத்தில் தாக்கல் செய்யப்படவுள்ளதாக முன்னணி தொலைக்காட்சி ஊடகம் ஒன்று செய்தி வெளியிட்டிருக்கிறது.

கடந்த பிப்ரவரி மாதம் நடிகர் விஜய் வீடு, சினிமா பைனான்சியர் அன்புச்செல்வன் வீடு, ‘பிகில்’ தயாரிப்பு நிறுவனமான ஏ.ஜி.எஸ் சினிமாஸ் அலுவலகம் உட்பட பல்வேறு இடங்களில் வருமான வரித்துறை சோதனை நடத்தியது. பிகில் திரைப்படத்தின் வசூலில் ஏற்பட்ட சந்தேகத்தையடுத்து இந்த சோதனை நடைபெற்றது.

நெய்வேலியில் ‘மாஸ்டர்’ படப்பிடிப்பில் இருந்த நடிகர் விஜயை விசாரணை அதிகாரிகள் அழைத்து சென்று விசாரித்தது அவரது ரசிகர்கள் மத்தியில் பரபரப்பை ஏற்படுத்தியது. இந்த வழக்கில் ஏறக்குறைய 30-க்கும் மேற்பட்டோரிடம் வருமானவரித்துறை புலனாய்வு அதிகாரிகள் விசாரணை நடத்தினர்.

Nayanthara ஒன்றாக சேர்ந்து குட் நியூஸ் சொன்ன நயன்தாரா, விக்னேஷ் சிவன்

விஜய், அன்புச்செல்வன், ஏ.ஜி.எஸ் சினிமாஸ் ஆகியோரின் இடங்களில் நடந்த சோதனை மிகப்பெரிய அதிர்வலைகளை ஏற்படுத்தியது. அதன்பின்னர் இந்த வழக்கின் தற்போதைய நிலை என்ன என்பதும் தெரியாமல் இருந்தது.

இப்போது வெளியாகியிருக்கும் தகவலின்படி, இந்த வழக்கில் விசாரணைகள் நிறைவடைந்து, இறுதிக்கட்ட அறிக்கை தயார் ஆகியிருப்பதாக சொல்லப்படுகிறது. விசாரணை அறிக்கை விரைவில் நீதிமன்றத்தில் சமர்பிக்கபடவுள்ளதாகவும் கூறப்பட்டிருக்கிறது. அவ்வாறு விசாரணை அறிக்கை சமர்பிக்கப்பட்டால் இதில் சம்மந்தப்பட்டவர்கள் மீது நடவடிக்கை எடுக்கப்படுமா என்ற கேள்வி எழுந்துள்ளது



Source link

Share on Social Media

Leave a Reply

Your email address will not be published. Required fields are marked *