Share on Social Media


வெற்றிமாறன் தனுஷின் ‘அசுரன்’ படத்தின் பிளாக் பஸ்டர் ஹிட்டை தொடர்ந்து சூரியை வைத்து படத்தை இயக்கி வருகிறார். வெளிநாட்டில் வேலைக்கு செல்லும் மக்கள் எதிர்கொள்ளும் பிரச்சினைகளை சுற்றி உருவாக இருக்கிறது இத்திரைப்படம். முதலில் மறைந்த பாடலாசிரியர் நா.முத்துக்குமாரின் ஒரு கவிதையை மையமாக வைத்து, இந்தப் படத்தை உருவாக்கத் திட்டமிட்டனர். அத்திட்டம் கைவிடப்பட்டு, ஜெயமோகனின் “துணைவன்” எனும் ஒரு நாவலை தழுவி உருவாக்கப்படவுள்ளது. எல்ரெட் குமாரின் ஆர்.எஸ்.இன்ஃபோடெயின்மென்ட் தயாரிக்கும் இந்தப் படத்திற்கு இசைஞானி இளையராஜா இசையமைக்கவுள்ளார்.

நடிகர் சூரி கதாநாயகனாக நடிக்கும் படத்தின் படப்பிடிப்பு சத்திய மங்கலம் காடுகளில் நடக்க உள்ளது. இந்த படத்தில் வில்லனாக நடிக்க பாரதிராஜா முன்பு ஒப்பந்தம் ஆனார். ஆனால் படப்பிடிப்பு நடக்க உள்ள டிசம்பர் மற்றும் ஜனவரி மாதங்களில் சமவெளிப்பகுதியிலேயே குளிர் அதிகமாக இருக்கும் நிலையில், காடுகளில் முழுப் படப்பிடிப்பும் நடக்க உள்ளதால் பாரதிராஜாவால் குளிரை தாங்க முடியாத சூழல் உருவாகவே அப்படத்தில் அவர் விலகியிருக்கிறார்.

இதையடுத்து அந்த கதாபாத்திரத்தில் நடிக்க விஜய் சேதுபதி ஒப்பந்தம் ஆகியுள்ளதாக சொல்லப்படுகிறது. கதாநாயகனாக பல படங்களில் நடித்துக் கொண்டிருக்கும் விஜய் சேதுபதி, தன் படங்களில் நகைச்சுவை வேடங்களில் நடிக்கும் சூரிக்கு வில்லனாக நடிக்க சம்மதித்து இருப்பது வெற்றிமாறனுக்காகவும், அந்த கதைக்காகவும்தான் என கூறப்படுகிறது.

பவானி ஸ்ரீ

இந்நிலையில் படத்தின் அடுத்த அப்டேட்டாக கதாநாயகி யார் என்ற அறிவிப்பு வெளியாகியுள்ளது. சமீபத்தில் நெட்பிளிக்ஸில் வெளியாகி கவனம் பெற்ற பாவக்கதைகள் ஆந்தாலஜியில் இடம் பெற்ற தங்கம் குறும்படத்தில் நடித்த ஜிவி பிரகாஷின் தங்கை பவானிஸ்ரீ நடிக்க ஒப்பந்தமாகியுள்ளார்.

நடிகரும் இசையமைப்பாளருமான ஜி.வி.பிரகாஷின் தங்கை நடிகை பவானி ஸ்ரீ. இவர், பெ.விருமாண்டி இயக்கத்தில் உருவாகிய ‘க/பெ. ரணசிங்கம்’ படத்தின் மூலம் தமிழ் சினிமாவில் அறிமுகமாகி உள்ளார். இந்தப் படத்தில் விஜய் சேதுபதி, ஐஸ்வர்யா ராஜேஷ் முதன்மை கதாபாத்திரங்களில் நடித்திருந்தனர். இந்தப்படத்தில் பவானி ஸ்ரீ, விஜய் சேதுபதியின் தங்கை வேடத்தில் நடித்திருந்தார்.

இந்தியில் ரீமேக் ஆகிறது தளபதியின் ‘மாஸ்டர்’.!

பவானிஸ்ரீ இதற்கு முன்னே ஒரு வெப் சீரிஸில் நடித்து உள்ளார். அமலா அக்கினேனி நடித்த High Priestess என்ற வெப் சீரிஸில் அவர் நடித்து இருந்தார் என்பது குறிப்பிடத்தக்கது. மேலும் மீசையை முறுக்கு படத்தில் நடிகர் ஆதியின் தம்பியாக நடித்த நடிகர் ஆனந்த், இயக்கும் அறிமுக படம் “நண்பன் ஒருவன் வந்த பிறகு” இந்த படத்தில் நாயகனாக ஆர்.ஜே. விஜய் மற்றும் நாயகியாக பவானி ஸ்ரீ ஆகிய இருவரும் நடிக்கின்றனர். இந்த படத்தின் ஃபர்ஸ்ட் லுக் போஸ்டரை நடிகர் சிவகார்த்திகேயன் வெளியிட்டிருந்தார் என்பது குறிப்பிடத்தக்கது.

மேலும் பவானி ஶ்ரீ தனுஷின் அடுத்த படத்தில் நடித்து வருகிறார். பரியேறும் பெருமாள் இயக்குநரான மாரி செல்வராஜ் இயக்கத்தில் தனுஷ் நடிக்க உள்ளார். கலைப்புலி.எஸ்.தாணு இந்த படத்தை தயாரிக்க உள்ளார். இயக்குநர் வெற்றிமாறன் சூரி படத்தை முடித்தவுடன்தான், சூர்யா நடிக்கவுள்ள ‘வாடிவாசல்’ படத்தை இயக்கவுள்ளார். இந்தப் படம் ‘வாடிவாசல்’ நாவலைத் தழுவி எடுக்கப்படும் படமாகும்.



Source link

Share on Social Media

Leave a Reply

Your email address will not be published. Required fields are marked *