Share on Social Media


பருக்கள் பிடிவாதமாக சருமத்தில் தோன்றக்கூடியவை. அது எந்த வகையான பருக்கள் என்பதை பொறுத்து சிகிச்சையளிப்பதில் தாமதமாகலாம்.
முக்கியமான விஷயம் பருக்களை எடுக்க கூடாது. அதை கிள்ளி எறிந்தால் அதை குணப்படுத்தும் நேரமும் மெதுவாக இருக்கும். தொல்லைத்தரும் பருக்களுக்கு சிகிச்சையளிக்க உதவும் வீட்டில் இருக்கும் பொருள்கள் என்னென்ன என்பதை பார்க்கலாம்.

அவகேடோ

தோல் பராமரிப்புக்கு பெரிதும் உதவும் அவகேடோ எண்ணெயில் லினோலிக் அமிலம், லினோலெனிக் அமிலம் மற்றும் ஒலியிக் அமிலம், தாதுக்கள், வைட்டமின் ஏ, வைட்டமின் சி, வைட்டமின் டி மற்றும் வைட்டமின் ஈ ஆகியவை நிறைந்துள்ளன. இது சருமம் போராடுவதற்கு மேற்பூச்சாக பயன்படுத்தலாம்.

மாதவிடாய் : அதிமான உதிரபோக்கை கட்டுப்படுத்தி அனீமியாவை தடுக்கும் வீட்டு வைத்தியம்!

இது சருமத்தில் ஃப்ரீ ரேடிக்கல்களை தவிர்க்க செய்யும். இது உலர்ந்த அல்லது சேதமடைந்த சருமத்தை சீர் படுத்தும். முகப்பருக்களை குறைப்பதில் தீவிரமாக செயல்படும்.

​ஓட்​ஸ்

samayam tamil Tamil News Spot

ஓட்ஸை நன்றாக பொடியாக்கி பயன்படுத்தலாம். இது ஆக்ஸினேற்றத்தையும் உலர்ந்த எரிச்சலூட்டும் சருமத்துக்கு நிவாரணமும் அளிக்கும். பொதுவாக ஓட்ஸை பொடித்து கரகரப்பாக வைத்து ஸ்க்ரப் செய்ய பயன்படுத்துவதுண்டு. ஆனால் இதை நைஸாக பொடித்து முகப்பருவுக்கு பயன்படுத்தலாம்.

​ஐஸ்கட்டி

samayam tamil Tamil News Spot

இது பருக்களை வெளியேற்றும் என்பதோடு பருக்களால் வீங்கிய சருமத்தை ஆற்றும். வலியை குறைக்கும். மெல்லிய துணியில் ஐஸ்கட்டியை வைத்து பருக்களின் மீதும் பருக்களை சுற்றியும் வைப்பது முகப்பருக்களின் தீவிரத்தை குறைக்கும். பருக்களோடு வலியும் எரிச்சலும் கொண்டிருப்பவர்கள் தினசரி ஐஸ்கட்டி சிகிச்சை செய்யலாம்.

​கற்றாழை

samayam tamil Tamil News Spot

கோடைக்காலத்தில் நீங்கள் அதிகமாகவே இதை பயன்படுத்தலாம். முகப்பருவுக்கு சிகிச்சையளிக்க கற்றாழையும் பயன்படுத்தலாம். இது சருமத்தை குணப்படுத்தும் பண்புகளை கொண்டவை. சருமத்துக்கு சிறந்தவையும் கூட.

சோம்பேறித்தனமாவே இருந்தா எப்படி மீண்டு வர்றது, சிம்பிளான வைத்தியம் இதுதான்!

கற்றாழையை நேரடியாக பயன்படுத்தாமல் அதன் மஞ்சள் நிற திரவத்தை நீக்கி, பிறகு பயன்படுத்த வேண்டும். இல்லையெனில் சருமத்தில் ஒவ்வாமை உண்டாக்கும்.

​முட்டையின் வெள்ளைக்கரு

samayam tamil Tamil News Spot

முட்டையின் வெள்ளைக்கரு முகத்தில் சுருக்கங்களுக்கும் முகப்பரு கறைகளுக்கும் வீட்டு மருந்தாக பயன்படுத்தலாம். முகப்பரு இருப்பவர்கள் முட்டையின் வெள்ளைக்கருவை மட்டும் எடுத்து முகத்தில் தட்டி அவை உலரும் வரை வைக்கவும்.

தேவையெனில் முட்டையின் வெள்ளைக்கருவை மற்ற பொருள்கள் ( மஞ்சள், தேன்) ஏதேனும் சேர்த்து பயன்படுத்துவதாக இருந்தால் அதை கலந்து பயன்படுத்த வேண்டும்.

முட்டையின் வெள்ளைக்கரு தோலில் இறுக்கத்தை தரும் என்றாலும் இது தற்காலிகமானது. ஆனால் இதை பயன்படுத்தி உலர வைத்து கழுவிய பிறகு முகம் அழகாக மாறுவதை பார்ப்பீர்கள்.

​தேன்

samayam tamil Tamil News Spot

சுத்தமான தேன் சருமத்துக்கு நன்மை செய்யகூடும். தேன் கொண்டு செய்யப்படும் ஃபேஸ் பேக் முகப்பருவை உண்டாக்கும் பாக்டீரியாவை அழித்து வெளியேற்றக்கூடும். இது பாரம்பரியமாகவே மருத்துவ காரணங்களுக்காக பயன்படுத்தப்படும் இனிப்பு பொருள்.

குறிப்பாக நீங்கள் மனுகா தேன் பயன்படுத்துவதன் மூலம் அது முகப்பரு மற்றும் பிற தோல் பிரச்சனைகளுக்கு பயனளிக்கும். ஆனால் நீங்கள் பயன்படுத்தும் தேன் தரமானதாக இருக்க வேண்டும்.

​ஆப்பிள் சீடர் வினிகர்

samayam tamil Tamil News Spot

முகப்பரு சிகிச்சைக்கு எச்சரிக்கையாக பயன்படுத்த வேண்டிய முக்கியமான பொருள் இது. ஏனெனில் இது ஒரு அமிலம். பாக்டீரியாவை அழிக்கும் என்றாலும் சமயங்களில் சில தோல் உரிதலை ஊக்குவிக்கும் என்று சொல்லலாம்.

ஆப்பிள் சீடர் வினிகரை நேரடியாக சருமத்துக்கு பயன்படுத்தகூடாது. இது உணர்திறன் வாய்ந்த சருமத்தை எரிக்க செய்யும். ஆப்பிள் சீடர் வினிகரை பயன்படுத்துவதற்கு முன்பு அதை தண்ணீரில் கலந்து நீர்த்து போக செய்து பிறகு பயன்படுத்துங்கள். சருமத்துக்கு பயன்படுத்துவதற்கு முன்பு அதை தோலில் சிறிய இடத்தில் பரிசோதனை செய்து சோதனைக்கு பிறகு பயன்படுத்துங்கள்.

​சுத்தமான உணவு

samayam tamil Tamil News Spot

முகப்பரு செரிமானம் சீராக இராத போதும் வரலாம் என்பதால் முகப்பருவோடு செரிமானக் கோளாறு சந்தித்தால் அதற்கு காரணம் உங்கள் செரிமான மண்டலம் பலவீனமாக இருப்பதே. இந்த நேரத்தில் சர்க்கரை தவிர்க்கலாம்.

கொழுப்பை குறைத்து எடையை குறைக்கும் வேப்பிலை சாறு, வேறு நன்மைகள் என்ன?

உணவு முறைகளை மாற்றி அமைக்கலாம். கடுமையான உணவுகளை தவிர்த்து மென்மையான உணவுகளை சேர்க்கலாம். முகப்பருவும் வடுக்களும் அதிகமாக இருந்தால் இது குறித்து தோல் மருத்துவரை சந்திப்பது பாதுகாப்பானது.

Thanks for the Source

Share on Social Media

Leave a Reply

Your email address will not be published. Required fields are marked *