Share on Social Media

பதிவு செய்த நாள்

07
அக்
2021
20:50

புதுடில்லி:இந்தியாவின் செல்வந்தர்கள் குறித்த ‘போர்ப்ஸ் 2021’ பட்டியலில், முகேஷ் அம்பானி முதலிடத்தை பிடித்துள்ளார். கடந்த 2008ம் ஆண்டிலிருந்தே முதலிடத்தில் முகேஷ் அம்பானி இருந்து வருவது குறிப்பிடத்தக்கது.போர்ப்ஸ் இந்தியா மொத்தம் 100 பேர் கொண்ட செல்வந்தர்கள் பட்டியலை வெளியிட்டுள்ளது.

முக்கிய அம்சங்கள்:

* இந்திய பணக்காரர்களின் மொத்த சொத்து மதிப்பு, கடந்த ஆண்டை விட, 50 சதவீதம் அளவுக்கு அதிகரித்துள்ளது. கொரோனா பாதிப்புக்கு உள்ளான இரண்டாவது ஆண்டிலும், இவர்களது வருவாய் அதிகரித்து உள்ளது

* பட்டியலில் இடம்பெற்றுள்ள பணக்காரர்களில் 80 சதவீத பேர்களின் வருவாய், கடந்த ஆண்டில் அதிகரித்துள்ளது. கிட்டத்தட்ட 61 பணக்காரர்களின் சொத்து மதிப்பு 7,500 கோடி ரூபாய்க்கும் அதிகமாக உயர்வை கண்டுள்ளது

* முதலிடத்தை பிடித்துள்ள முகேஷ் அம்பானியின் சொத்து மதிப்பு 6.95 லட்சம் கோடி ரூபாய்க்கும் அதிகமாக உள்ளது. இவரது சொத்து மதிப்பு, கடந்த ஆண்டைவிட 30 ஆயிரம் கோடி ரூபாய் அளவுக்கு அதிகரித்து உள்ளது

* இரண்டாவது இடத்தை பிடித்துள்ள அதானியின் சொத்து மதிப்பு, கடந்த ஆண்டைவிட 200 சதவீதம் அளவுக்கு அதிகரித்துள்ளது. அதானியின் சொத்து மதிப்பு 5.61 லட்சம் கோடி ரூபாய். கடந்த ஆண்டில் மட்டும் 3.71 லட்சம் கோடி ரூபாய் அளவுக்கு உயர்ந்து உள்ளது

* ஷிவ் நாடார் 2.33 லட்சம் கோடி ரூபாய் உடன் மூன்றாவது இடத்திலும், ராதாகிஷன் தமானி 2.21 லட்சம் கோடி ரூபாயுடன் நான்காவது இடத்திலும் உள்ளனர்

* இந்த பட்டியலில் ஆறு பெண்கள் இடம்பெற்றுள்ளனர். ‘ஜிண்டால்’ குழுமத்தைச் சேர்ந்த சாவித்திரி ஜிண்டால் 7வது இடத்தை பிடித்துஉள்ளார்.


Thanks for the Source

Share on Social Media

Leave a Reply

Your email address will not be published. Required fields are marked *