Share on Social Media

ஃபெர்ணான்டோ, வெகு சீக்கிரமாகவே ஆட்டமிழந்திருந்தாலும், இன்னொரு ஓப்பனர், மினோட்டோ, இலக்கை எட்டும் வரை போராடுவேன் என்பது போல் ஆடிக் கொண்டிருந்தார். ரன்களை அதிரடியாக அடித்து எதுவுமில்லை, இலக்கு குறைவே என்பதால் அது தேவையும் இல்லை. அந்தக் கட்டத்தில்தான் ராகுல் சஹார், அடுத்த தாக்குதலை நிகழ்த்தினார். துல்லியமான லைனில் வந்த பந்து, மினோட்டை, எல்பிடபிள்யூ ஆக்கி வெளியேற்றியது. ஒரு முனையில் நின்று, ராகுல் சஹார் மட்டும் அடைய முடியாத கரையை அடைய, ஒற்றைத் துடுப்பாக போராடிக் கொண்டிருந்தார்.

இதன்பின், போன போட்டியின் கதாநாயகன், தனஞ்செயா, சமரவிக்ரமாவோடு, அந்த 82-ஐ துரத்தி ஒட ஆரம்பிக்க, இந்திய பௌலர்களால், அவர்களது வெற்றியை, தள்ளிப் போடவும், தாமதப்படுத்தவும் முடிந்ததே ஒழிய, தடுக்க முடியவில்லை. அற்புதமான ஒரு பந்தால், சமரவிக்ரமாவை, போல்டாக்கி அனுப்பின ராகுல் சஹார், மூன்று விக்கெட்டுகளை வீழ்த்தினார். எல்பிடபிள்யூ, போல்ட், காட் அண்ட் பௌல் என வகைக்கொரு விக்கெட்டுகளால், அவர் மட்டுமே, ஒன் மேன் ஷோ காட்டி இருந்தார்.

இறுதியாக, 14.3 ஓவர்களிலேயே, இலக்கை அடைந்த இலங்கை, ஏழு விக்கெட்டுகள் வித்தியாசத்தில் போட்டியில் வென்று, 2-1 என தொடரைக் கைப்பற்றியுள்ளது. ஐந்து டி20 தொடர்களை தொடர்ச்சியாக இழந்து தவித்த இலங்கைக்கு, இந்த வெற்றி, மாபெரும் நம்பிக்கையைக் கொண்டு வந்துள்ளது.

கொரோனாவால் முக்கிய வீரர்கள் விளையாட முடியாமல் போனது, இந்தியா ‘சி’ டீமான ஒரு அணியோடு களம் காணும் சவாலான சூழ்நிலை உருவானது என எதுவுமே இந்தியாவுக்கு சாதகமாக நகரவில்லை.

பந்தயத்துக்குப் புதுக் குதிரை என்றாலும், அது பந்தயத்துக்காகப் பழக்கப்பட்ட குதிரைதானே? அடித்துப் பிடித்து ஓடி தன்னை நிரூபிக்க வேண்டிய குதிரைகள், நம்பிக்கை இன்றி பின்தங்கி, இலக்கை எட்ட முடியாது தோல்வியைத் தழுவியதோடு, ஜாக்கி முதல் பயிற்சியாளர் வரை, எல்லோரையும் குற்றவாளிக் கூண்டில் ஏற்றியுள்ளன.

Thanks for the source

Share on Social Media

Leave a Reply

Your email address will not be published. Required fields are marked *